Author: editor.udayarashmi@gmail.com

ಉದಯರಶ್ಮಿ ದಿನಪತ್ರಿಕೆ ಬೆಂಗಳೂರು: ಗ್ರಾಮೀಣ ಪತ್ರಕರ್ತರಿಗೆ ಉಚಿತ ಬಸ್ ಪಾಸ್ ವಿತರಿಸುವ ಪ್ರಕ್ರಿಯೆಗೆ ವಾರ್ತಾ ಇಲಾಖೆ ವೇಗ ನೀಡಿದ್ದು, ಅನುಮೋದನೆಗೊಂಡಿರುವ ಪಾಸ್‌ಗಳನ್ನು ಈ ವಾರದಲ್ಲೇ ಜಿಲ್ಲಾ ಮಟ್ಟದಲ್ಲಿ ವಿತರಿಸಲು ಸಿದ್ಧತೆ ನಡೆಸಿದೆ.ಈ ಕುರಿತು ವಾರ್ತಾ ಇಲಾಖೆ ಆಯುಕ್ತರಾದ ಎಂ.ಎನ್. ಅನುಚೇತ್ ಅವರನ್ನು ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ (ಕೆಯುಡಬ್ಲ್ಯೂಜೆ) ರಾಜ್ಯಾಧ್ಯಕ್ಷ ಶಿವಾನಂದ ತಗಡೂರು ಅವರು ಭೇಟಿ ಮಾಡಿ ಚರ್ಚಿಸಿದರು. ಈ ಸಂದರ್ಭದಲ್ಲಿ ಅನುಮೋದನೆಗೊಂಡಿರುವ ಗ್ರಾಮೀಣ ಪತ್ರಕರ್ತರ ಬಸ್ ಪಾಸ್‌ಗಳು ಬಂದಿದ್ದು, ಈ ವಾರದಲ್ಲೇ ಜಿಲ್ಲಾಮಟ್ಟದಲ್ಲಿ ವಿತರಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಆಯುಕ್ತರು ಖಚಿತಪಡಿಸಿದರು. ಈ ಬಗ್ಗೆ ಕೂಡಲೇ ಇಲಾಖೆ ಅಧಿಕಾರಿಗಳಿಗೆ ಸೂಚನೆಯನ್ನು ನೀಡಿದರು.ಗ್ರಾಮೀಣ ಪತ್ರಕರ್ತರಿಗೆ ಉಚಿತ ಬಸ್ ಪಾಸ್ ನೀಡುವ ಯೋಜನೆಯಡಿ, ಅಗತ್ಯ ದಾಖಲೆಗಳೊಂದಿಗೆ ಸಲ್ಲಿಸಲಾಗಿದ್ದ ಸುಮಾರು 400 ಅರ್ಜಿಗಳಿಗೆ ಆಗಸ್ಟ್ 7ರಂದು ವಾರ್ತಾ ಇಲಾಖೆ ಅನುಮೋದನೆ ನೀಡಿತ್ತು. ಆಯುಕ್ತ ಎಂ.ಎನ್. ಅನುಚೇತ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಗ್ರಾಮೀಣ ಪತ್ರಕರ್ತರ ಬಸ್ ಪಾಸ್ ಸಮಿತಿ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿತ್ತು.ಗ್ರಾಮೀಣ ಪತ್ರಕರ್ತರ…

ಲೇಖನ*- *ಉಮಾ ಸುನಿಲ್.*ಹಾಸನ ಉದಯರಶ್ಮಿ ದಿನಪತ್ರಿಕೆ “ನೀನಿಲ್ಲದೆ ಒಂದು ಕ್ಷಣವೂ ಬದುಕಿರಲಾರೆ” ಎಂದು ಸಿಗದ ಪ್ರೀತಿಗಾಗಿ ತನ್ನ ಬದುಕಿನ ಬಗ್ಗೆ ಅತ್ಯಂತ ದುಡುಕಿನ ನಿರ್ಧಾರ ತೆಗೆದುಕೊಂಡವರು ಹಾಗೂ“ನನಗೆ ಸಿಗದೇ ಹೋದರೆ ಯಾರಿಗೂ ನೀನು ಸಿಗಲೇಬಾರದು” ಎಂಬ ಸ್ವಾರ್ಥದ ಮನೋಭಾವದಿಂದ ಅನ್ಯಾಯವಾಗಿ ಇನ್ನೊಂದು ಜೀವದ ಬದುಕನ್ನೇ ಹಾಳುಮಾಡಿದವರು.ಇಂತಹ ಸುದ್ದಿಗಳನ್ನು ಲೆಕ್ಕವಿಲ್ಲದಷ್ಟು ಕೇಳುತ್ತಿದ್ದರೂ, ಅಷ್ಟೇ ವಿಷಾದನೀಯ ಸಂಗತಿ ನಮ್ಮನ್ನು ಬೆಚ್ಚಿ ಬೀಳಿಸುತ್ತವೆ. ನಾವು ಇಂತಹ ದುರ್ಘಟನೆಗಳಿಗೆ ಕಾರಣರಾದವರನ್ನು ಖಂಡಿಸಿ, ಘಟನೆಗೆ ಮರುಗುತ್ತೇವೆ. ಆದರೆ ಇಂತಹ ದುಡುಕಿನ ನಿರ್ಧಾರಗಳ ಹಿಂದೆ ಇದ್ದ ಮನಸ್ಥಿತಿ ಎಂತಹದ್ದಾಗಿತ್ತು? ಹೇಗಿತ್ತು? ಎಂದು ಒಮ್ಮೆ ಯೋಚಿಸೋಣ. “ತನಗೆ ಬೇಕೇ ಬೇಕು” ಎನ್ನುವ ಹಠ ಹಾಗೂ “ತಾನು ಬಯಸಿದ್ದು ತನ್ನ ಸ್ವಂತದ್ದು” ಎನ್ನುವ ಮನೋಭಾವ ಮನಸ್ಸಿನಾಳಕ್ಕೆ ಇಳಿದಾಗ, ವ್ಯಕ್ತಿ ತನ್ನೊಳಗಿನ ಆತ್ಮವಿಶ್ವಾಸವನ್ನೇ ಕಳೆದುಕೊಳ್ಳಬಹುದು. ಸ್ವತಃ ತನ್ನ ಮೇಲೆಯೇ ಕೀಳರಿಮೆ, ಜಗತ್ತೇ ಶೂನ್ಯ ಎನ್ನುವಷ್ಟು ಒಂಟಿತನ, ಆ ಕ್ಷಣಕ್ಕೆ ಆವರಿಸುವ ಅತಿಯಾದ ನಿರಾಶೆ ಇವೆಲ್ಲವೂ ವ್ಯಕ್ತಿಯನ್ನು ತಪ್ಪು ನಿರ್ಧಾರಗಳತ್ತ ಕೊಂಡೊಯ್ಯಬಹುದು.ಇದನ್ನೇ ನಾವು ಇಲ್ಲಿ ಪ್ರೀತಿ…

ಉದಯರಶ್ಮಿ ದಿನಪತ್ರಿಕೆ ವಿಜಯಪುರ: ಕರ್ನಾಟಕ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯದ ಹಿಂದಿ ಅಧ್ಯಯನ ವಿಭಾಗದ ವತಿಯಿಂದ ಸೆಪ್ಟೆಂಬರ್ ೩೦ರಂದು “ಹಿಂದಿ ಭಾಷೆ ಸಾಹಿತ್ಯದ ವಿವಿಧ ಆಯಾಮಗಳು” ವಿಷಯದ ಕುರಿತು ಒಂದು ದಿನದ ರಾಷ್ಟ್ರೀಯ ವಿಚಾರ ಸಂಕಿರಣ ಆಯೋಜಿಸಲಾಗಿದೆ ಎಂದು ವಿಚಾರ ಸಂಕಿರಣದ ಸಂಯೋಜಕ ಪ್ರೊ. ನಾಮದೇವ ಎಂ.ಗೌಡ ತಿಳಿಸಿದ್ದಾರೆ.ಇತ್ತೀಚಿನ ದಿನಗಳಲ್ಲಿ ಭಾಷೆ ಹಾಗೂ ಸಾಹಿತ್ಯದ ಕುರಿತು ಸಮಗ್ರ ಚಿಂತನೆ ಮತ್ತು ಚರ್ಚೆಯ ಅಗತ್ಯವಿದ್ದು, ಈ ಹಿನ್ನೆಲೆಯಲ್ಲಿ ದೇಶದ ಪ್ರತಿಷ್ಠಿತ ವಿದ್ವಾಂಸರನ್ನು ಆಹ್ವಾನಿಸಿ ವಿದ್ಯಾರ್ಥಿನಿಯರಲ್ಲಿ ಹಿಂದಿ ಭಾಷೆ ಮತ್ತು ಸಾಹಿತ್ಯದ ಬಗ್ಗೆ ಆಸಕ್ತಿ ಮೂಡಿಸುವುದು ವಿಚಾರ ಸಂಕಿರಣದ ಪ್ರಮುಖ ಉದ್ದೇಶವಾಗಿದೆ ಎಂದು ಅವರು ತಿಳಿಸಿದ್ದಾರೆ.ಈ ವಿಚಾರ ಸಂಕಿರಣವನ್ನು ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ವಿಜಯಾ ಬಿ. ಕೋರಿಶೆಟ್ಟಿ ಉದ್ಘಾಟಿಸಲಿದ್ದಾರೆ. ವಿಶ್ವವಿದ್ಯಾಲಯದ ಕುಲಸಚಿವ ಡಾ.ವಿಜಯಕುಮಾರ ಬಿ. ಅಜೂರ ಉಪಸ್ಥಿತರಿರಲಿದ್ದಾರೆ.ಸಂಪನ್ಮೂಲ ವ್ಯಕ್ತಿಗಳಾಗಿ ಮಹಾರಾಷ್ಟ್ರದ ನಲದುರ್ಗದ ಪ್ರೊ.ಹಾಶಿಂಬೆಗ್ ಮಿರ್ಜಾ ಹಾಗೂ ಕಲಬುರಗಿಯ ಕೇಂದ್ರೀಯ ವಿಶ್ವವಿದ್ಯಾಲಯದ ಡಾ.ಭಾವನಾ ಭಾಗವಹಿಸಿ ಹಿಂದಿ ಭಾಷೆ ಮತ್ತು ಸಾಹಿತ್ಯಕ್ಕೆ ಸಂಬಂಧಿಸಿದ ವಿವಿಧ ವಿಷಯಗಳ ಕುರಿತು ವಿಚಾರ…

—ಜೆನ್–ಜಿ ಎಂದರೆ ಯಾರು? ಅವರ ಬದುಕು ಹೇಗಿದೆ? ಅವರು ಏನು ಬಯಸುತ್ತಾರೆ? ಹಿರಿಯರ ಮಾತುಗಳನ್ನು ಕೆಲವೊಮ್ಮೆ ಏಕೆ ಕೇಳುವುದಿಲ್ಲ? ಅವರಲ್ಲಿ ಇಷ್ಟೊಂದು ವೈರುಧ್ಯಗಳು ಏಕೆ ಕಾಣುತ್ತವೆ? – ಪ್ರಶಾಂತ ಕುಲಕರ್ಣಿ.ಉಪನ್ಯಾಸಕರುಸಿಂದಗಿ – ವಿಜಯಪುರ ಉದಯರಶ್ಮಿ ದಿನಪತ್ರಿಕೆ ಇತ್ತೀಚೆಗೆ ಯಾರಾದರೂ ಯುವಜನರ ಬಗ್ಗೆ ಮಾತನಾಡಲು ಶುರು ಮಾಡಿದರೆ ಸಾಕು—“ಅವರು ಜೆನ್–ಜಿಗಳು ಬಿಡಿ!” ಎಂಬ ಮಾತು ಕೇಳಿಬರುತ್ತದೆ. ಕೆಲವರು ನಗುತ್ತಾರೆ, ಕೆಲವರು ಮೂಗಿನ ಮೇಲೆ ಬೆರಳಿಟ್ಟುಕೊಂಡು ಆಶ್ಚರ್ಯದಿಂದ ನೋಡುತ್ತಾರೆ. “ಈಗಿನ ಮಕ್ಕಳೇ ಬೇರೆ ಬಿಡಿ… ನಮ್ಮ ಮಾತು ಕೇಳುವುದೇ ಇಲ್ಲ!” ಎಂದು ಹಿರಿಯರು ಬೇಸರ ವ್ಯಕ್ತಪಡಿಸುತ್ತಾರೆ. ಇನ್ನೂ ಕೆಲವರು “ಇವರ ಸಹವಾಸವೇ ಬೇಡ” ಎಂಬಷ್ಟು ದೂರ ಸರಿಯುತ್ತಾರೆ. ಆದರೆ ನಿಜಕ್ಕೂ ಜೆನ್–ಜಿ ಎಂದರೆ ಅಷ್ಟೇನಾ? ಈ ಪೀಳಿಗೆಯನ್ನು ನಾವು ಸರಿಯಾಗಿ ಅರ್ಥಮಾಡಿಕೊಂಡಿದ್ದೇವೆಯೇ? ಅಥವಾ ನಾವು ನಮ್ಮ ಕಾಲದ ಕನ್ನಡಕದಿಂದ ಅವರ ಕಾಲವನ್ನು ನೋಡುತ್ತಿದ್ದೇವೆಯೇ? ಈ ಪ್ರಶ್ನೆ ಇತ್ತೀಚೆಗೆ ನನ್ನ ಮನಸ್ಸಿನಲ್ಲಿ ಗಟ್ಟಿಯಾಗಿ ಮೂಡಿತು. ಇದಕ್ಕೆ ಕಾರಣ ನನ್ನ B.Ed ತರಗತಿಯಲ್ಲಿ “ಜೀವನ ಕೌಶಲ್ಯ ಶಿಕ್ಷಣ”…

ಮುದ್ದೇಬಿಹಾಳದಲ್ಲಿ ಬಿಜೆಪಿ ಮುಖಂಡರು ಹಾಗೂ ರೈತ ಸಂಘಟನೆಗಳ ಪದಾಧಿಕಾರಿಗಳಿಂದ ಎಪಿಎಂಸಿಯಲ್ಲಿ ಹಮಾಲಿ ಕೆಲಸ ಉದಯರಶ್ಮಿ ದಿನಪತ್ರಿಕೆ ಮುದ್ದೇಬಿಹಾಳ: ಬೆಳೆ ಹಾನಿಯಿಂದ ಸಂಕಷ್ಟಕ್ಕೀಡಾಗಿರುವ ರೈತರಿಗೆ ರಾಜ್ಯ ಸರ್ಕಾರ ಘೋಷಿಸಿರುವ ₹೨,೫೦೦ ಪರಿಹಾರ ಮೊತ್ತವನ್ನು ಖಂಡಿಸಿ ಬಿಜೆಪಿ ಮುಖಂಡರು ಹಾಗೂ ರೈತ ಸಂಘಟನೆಗಳ ಪದಾಧಿಕಾರಿಗಳು ವಿನೂತನ ಪ್ರತಿಭಟನೆ ನಡೆಸಿದರು.ಪಟ್ಟಣದ ಎಪಿಎಂಸಿ ಆವರಣದಲ್ಲಿ ನಡೆದ ಪ್ರತಿಭಟನೆಯಲ್ಲಿ ಬಿಜೆಪಿ ಮುಖಂಡ ಮುನ್ನಾಧಣಿ ನಾಡಗೌಡ ಸೇರಿದಂತೆ ಮುಖಂಡರು ಹಾಗೂ ಕಾರ್ಯಕರ್ತರು ಹಮಾಲಿ ಕೆಲಸ ಮಾಡುವ ಮೂಲಕ ಸರ್ಕಾರದ ಪರಿಹಾರ ಘೋಷಣೆಯನ್ನು ಅಣಕಿಸಿದರು. ಹಮಾಲಿ ಕೆಲಸದಿಂದ ಗಳಿಸಿದ ಸುಮಾರು ₹೩,೦೦೦ ಕೂಲಿ ಹಣವನ್ನು ಉಡುಗೊರೆ ರೂಪದಲ್ಲಿ ಮುಖ್ಯಮಂತ್ರಿ ಅವರಿಗೆ ಕಳುಹಿಸುವ ಮೂಲಕ ಸರ್ಕಾರದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು.ಪ್ರತಿಭಟನೆಯಲ್ಲಿ ಮುನ್ನಾಧಣಿ ನಾಡಗೌಡ ಮಾತನಾಡಿ, ರೈತರಿಗೆ ಎಕರೆಗೆ ₹೨,೫೦೦ ಪರಿಹಾರ ನೀಡುವುದಾಗಿ ಘೋಷಿಸಿರುವುದು ರೈತರ ಸಂಕಷ್ಟವನ್ನು ಅಣಕಿಸಿದಂತಾಗಿದೆ. ಇಂದು ಕೃಷಿ ಕಾರ್ಮಿಕನ ದಿನಗೂಲಿಯೇ ಸುಮಾರು ₹೧,೦೦೦ ಇದೆ. ಇಂತಹ ಸಂದರ್ಭದಲ್ಲಿ ಎಕರೆಗೆ ₹೨,೫೦೦ ಪರಿಹಾರ ನೀಡುವುದು ರೈತರ ಗಾಯದ ಮೇಲೆ ಬರೆ ಎಳೆದಂತಾಗಿದೆ…

ಅ.೨ರಂದು ಭೂ ಮಾಪಕರ, ಅ.೪ರಂದು ಗ್ರಾಮ ಆಡಳಿತಾಧಿಕಾರಿ ನೇಮಕಾತಿ ಪರೀಕ್ಷೆಗಳು | ಜಿಲ್ಲಾಧಿಕಾರಿ ಅಧ್ಯಕ್ಷತೆಯಲ್ಲಿ ಪರೀಕ್ಷಾ ಪೂರ್ವಭಾವಿ ಸಭೆಯಲ್ಲಿ ಅಧಿಕಾರಿಗಳಿಗೆ ನಿರ್ದೇಶನ ಉದಯರಶ್ಮಿ ದಿನಪತ್ರಿಕೆ ವಿಜಯಪುರ: ಭೂ ಮಾಪಕರು ಹಾಗೂ ಗ್ರಾಮ ಆಡಳಿತಾಧಿಕಾರಿ ಹುದ್ದೆಗಳ ನೇಮಕಾತಿ ಪರೀಕ್ಷೆಗಳನ್ನು ಯಾವುದೇ ಗೊಂದಲಕ್ಕೆ ಆಸ್ಪದವಿಲ್ಲದಂತೆ ಸುಸೂತ್ರವಾಗಿ, ಶಿಸ್ತುಬದ್ಧವಾಗಿ ಹಾಗೂ ಪಾರದರ್ಶಕವಾಗಿ ನಡೆಸಲು ಅಗತ್ಯವಿರುವ ಎಲ್ಲ ಪರೀಕ್ಷಾ ಪೂರ್ವ ಸಿದ್ಧತೆಗಳನ್ನು ಸಮರ್ಪಕವಾಗಿ ಪೂರ್ಣಗೊಳಿಸಬೇಕು ಎಂದು ಜಿಲ್ಲಾಧಿಕಾರಿ ಡಾ. ಆನಂದ ಕೆ. ಅಧಿಕಾರಿಗಳಿಗೆ ಸೂಚಿಸಿದರು.ಸೋಮವಾರ ನಗರದ ಕಂದಗಲ್ ಶ್ರೀ ಹನುಮಂತರಾಯ ರಂಗಮಂದಿರದಲ್ಲಿ ನಡೆದ ಪರೀಕ್ಷಾ ಪೂರ್ವ ಸಿದ್ಧತಾ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು. ಅಕ್ಟೋಬರ್ ೨ರಂದು ನಡೆಯಲಿರುವ ಭೂ ಮಾಪಕರ ಹುದ್ದೆಗಳ ನೇಮಕಾತಿ ಪರೀಕ್ಷೆಯು ಬೆಳಿಗ್ಗೆ ಹಾಗೂ ಮಧ್ಯಾಹ್ನ ಎರಡು ಪತ್ರಿಕೆಗಳಲ್ಲಿ ನಡೆಯಲಿದ್ದು, ವಿಜಯಪುರ ನಗರದ ೧೮ ಪರೀಕ್ಷಾ ಕೇಂದ್ರಗಳಲ್ಲಿ ಒಟ್ಟು ೬,೯೫೬ ಅಭ್ಯರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ.ಅಕ್ಟೋಬರ್ ೪ರಂದು ನಡೆಯಲಿರುವ ಗ್ರಾಮ ಆಡಳಿತಾಧಿಕಾರಿ ಹುದ್ದೆಗಳ ನೇಮಕಾತಿ ಪರೀಕ್ಷೆಯು ವಿಜಯಪುರ ನಗರದ ೪೯, ಕವಲಗಿ ೨, ತಿಡಗುಂದಿ…

ಮುದ್ದೇಬಿಹಾಳದಲ್ಲಿ ಕೊಪ್ಪಳದ ಗವಿಸಿದ್ದೇಶ್ವರರ ಹಸ್ತಾಕ್ಷರದಿಂದ ದಾಸೋಹಿ ಸಹಕಾರಿಗೆ ವಿದ್ಯುಕ್ತ ಚಾಲನೆ ಉದಯರಶ್ಮಿ ದಿನಪತ್ರಿಕೆ ಮುದ್ದೇಬಿಹಾಳ: ನಗರದಲ್ಲಿ ಸ್ಥಾಪಿತವಾದ ದಾಸೋಹಿ ರೈತ ಉತ್ಪಾದಕ ಸಹಕಾರಿ ಸಂಘದ ಆರ್ಥಿಕ ವ್ಯವಹಾರಗಳಿಗೆ ತಮ್ಮ ಪವಿತ್ರ ಹಸ್ತಾಕ್ಷರದ ಮೂಲಕ ಕೊಪ್ಪಳದ ಗವಿಸಿದ್ದೇಶ್ವರ ಮಠದ ಅಭಿನವ ಗವಿ ಸಿದ್ದೇಶ್ವರ ಮಹಾಸ್ವಾಮಿಗಳು ವಿದ್ಯುಕ್ತ ಚಾಲನೆ ನೀಡಿದರು.ಇಲ್ಲಿನ ವಿದ್ಯಾನಗರದಲ್ಲಿರುವ ದಾಸೋಹಿ ರೈತ ಉತ್ಪಾದಕ ಸಮೂಹ ಸಂಸ್ಥೆಗಳ ಕಛೇರಿಯಲ್ಲಿ ನಡೆದ ಸಮಾರಂಭದಲ್ಲಿ ರೈತರ ಅಗತ್ಯತೆಗೆ ಪೂರಕ ಆರ್ಥಿಕ ನೆರವು ಒದಗಿಸಲು ಮತ್ತು ವ್ಯವಹಾರಿಕ ಚಟುವಟಿಕೆಗಳಿಗೆ ಸಹಕಾರ ನೀಡುವ ಉದ್ದೇಶದಿಂದ ಅಸ್ತಿತ್ವ ಪಡೆದ ನೂತನ ದಾಸೋಹಿ ರೈತ ಉತ್ಪಾದಕ ಸಹಕಾರಿ ಸಂಘವನ್ನು ಉದ್ಘಾಟಿಸಿದ ಅವರು ರೈತರೇ ಸೇರಿ ಕಟ್ಟಿದ ಸಂಸ್ಥೆಯ ಮೂಲಕ ರೈತರ ಆರ್ಥಿಕ ಮತ್ತು ಸಾಮಾಜಿಕ ಸ್ಥಿತಿಗಳ ಉನ್ನತೀಕರಣಕ್ಕೆ ನಡೆಸುತ್ತಿರುವ ಪ್ರಯತ್ನಗಳನ್ನು ಶ್ಲಾಘಿಸಿದರು.ರೈತರ ಒಡೆತನದಲ್ಲಿ ಸಮೃದ್ಧಿಯತ್ತ ನಡಿಗೆ ಎಂಬ ಧ್ಯೇಯ ವಾಕ್ಯದೊಂದಿಗೆ ರೈತರ ಆರ್ಥಿಕ ಬಲವರ್ಧನೆ, ಗ್ರಾಮೀಣ ಉದ್ಯಮ ಶೀಲತೆ ಮತ್ತು ಸುಸ್ಥಿರ ಸಮೃದ್ಧಿಯತ್ತ ಸಹಕಾರದ ಮೂಲಕ ಸಾಗುವುದರೊಂದಿಗೆ ಉತ್ತರೋತ್ತರ ಅಸಂಖ್ಯಾತ ರೈತರ…

ಉದಯರಶ್ಮಿ ದಿನಪತ್ರಿಕೆ ಆಲಮಟ್ಟಿ: ನಾಲತವಾಡದ ಎಸ್.ವಿ. ಆಂಗ್ಲ ಮಾಧ್ಯಮ ಶಾಲೆಯ ಆಶ್ರಯದಲ್ಲಿ ಜರುಗಿದ ೨೦೨೬-೨೭ನೇ ಸಾಲಿನ ವಿಜಯಪುರ ಜಿಲ್ಲಾ ಮಟ್ಟದ ಟೇಬಲ್ ಟೆನ್ನಿಸ್ ಕ್ರೀಡಾಕೂಟದಲ್ಲಿ ಸಮೀಪದ ವಂದಾಲ ಗ್ರಾಮದ ಶಾಕಂಬರಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಪ್ರಥಮ ಸ್ಥಾನ ಪಡೆದು, ಚನ್ನಪಟ್ಟಣದಲ್ಲಿ ನಡೆಯಲಿರುವ ರಾಜ್ಯ ಮಟ್ಟದ ಕ್ರೀಡಾಕೂಟಕ್ಕೆ ಅರ್ಹತೆ ಗಿಟ್ಟಿಸಿಕೊಂಡಿದ್ದಾರೆ.ವಿಜೇತ ವಿದ್ಯಾರ್ಥಿಗಳ ವಿವರ೧೭ ವರ್ಷದೊಳಗಿನ ಬಾಲಕರ ವಿಭಾಗ (ಪ್ರಥಮ): ರವಿ ಸಿ. ಕಡಿಜಾಡರ (೧೦ನೇ ವರ್ಗ)ಹಣಮಂತ ಬಿ. ವಾದರ (೧೦ನೇ ವರ್ತ)ಮಣಿಕಂಠ ಜು. ದೊಡ್ಡಪ್ಪನವರ (೯ನೇ ವರ್ಗ)ಬಸವರಾಜ ಕಾಳಗಿ (೮ನೇ ವರ್ಗ)೧೭ ವರ್ಷದೊಳಗಿನ ಬಾಲಕಿಯರ ವಿಭಾಗ (ಪ್ರಥಮ): ಸೌಜನ್ಯಾ ಬ್ಯಾಲಾಳ,ಸನ್ನಿಧಿ ಗಂಗೂರ ಮತ್ತುಮಲ್ಲಮ್ಮ ಮಾದಾಪೂರ (೮ನೇ ವರ್ಗ)೧೪ ವರ್ಷದೊಳಗಿನ ಬಾಲಕರ ವಿಭಾಗ (ಪ್ರಥಮ): ಮುತ್ತಣ್ಣಾ ಮಾದರ,ಸಂಜಯ ಮಾದರ ಹಾಗೂವಿನಯ ಗಡಿಜಾಡರ (೮ನೇ ತರಗತಿ)೧೪ ವರ್ಷದೊಳಗಿನ ಬಾಲಕಿಯರ ವಿಭಾಗ (ಪ್ರಥಮ): ಸೌಂದರ್ಯಾ ಚಿಕ್ಕಮಠ,ದೇವಿಕಾ ಲೆಕ್ಕೆನ್ನವರ,ಭಾಗ್ಯಾ ಡಮನಾಳ (೮ನೇ ತರಗತಿ)

ಉದಯರಶ್ಮಿ ದಿನಪತ್ರಿಕೆ ದೇವರಹಿಪ್ಪರಗಿ: ಸಹಕಾರಿ ಸಂಘಗಳ ಪ್ರಗತಿಯಲ್ಲಿ ರೈತಾಪಿ ವರ್ಗದ ಸಹಕಾರ ಬಹಳ ಮಹತ್ವದ್ದಾಗಿದೆ ಎಂದು ಬಂಥನಾಳ ಸಂಗನಬಸವೇಶ್ವರ ಮಠದ ಸಂಗನಬಸವೇಶ್ವರ ಶ್ರೀ ಹೇಳಿದರು.ಮುಳಸಾವಳಗಿ ಗ್ರಾಮದ ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘದ ಆವರಣದಲ್ಲಿ ಶನಿವಾರ ನಡೆದ ಸಂಘದ ವಾರ್ಷಿಕ ಸರ್ವಸಾಧಾರಣ ಸಭೆಯ ಸಾನಿಧ್ಯ ವಹಿಸಿ ಮಾತನಾಡಿದರು.ಸಂಘದ ಕಾರ್ಯಚಟುವಟಿಕೆಗಳ ಬಗ್ಗೆ ಹರ್ಷ ವ್ಯಕ್ತಪಡಿಸಿ ಆಶೀರ್ವಚನ ನೀಡಿದರು.ವಿಜಯಪುರ ಡಿಸಿಸಿ ಬ್ಯಾಂಕ್ ನಿರ್ದೇಶಕ ಹಣಮಂತ್ರಾಯಗೌಡ ಪಾಟೀಲ ಜ್ಯೋತಿ ಬೆಳಗಿಸುವುದರ ಮೂಲಕ ಚಾಲನೆ ನೀಡಿ, ಮಾತನಾಡಿ, ಗ್ರಾಮದ ರೈತರಿಗೆ ಡಿಸಿಸಿ ಬ್ಯಾಂಕ್ ಮೂಲಕ ದೊರೆಯುವ ಸೌಲಭ್ಯಗಳನ್ನು ಪ್ರಾಮಾಣಿಕವಾಗಿ ಒದಗಿಸುವುದಾಗಿ ಹೇಳಿದರು. ಜೊತೆಗೆ ಸಂಘದ ಉಗ್ರಾಣ ನಿರ್ಮಾಣಕ್ಕಾಗಿ ಉಚಿತ ಕಡಿ ಒದಗಿಸುವ ಭರವಸೆ ನೀಡಿದರು.ಸಂಘದ ಅಧ್ಯಕ್ಷ ಸಂಗನಗೌಡ ಬಿರಾದಾರ ಮಾತನಾಡಿ, ೨೦೨೫-೨೬ನೇ ಸಾಲಿನ ಲೆಕ್ಕಪತ್ರ ವರದಿ ವಾಚನ ಮಾಡಿ ಸಂಘ ೨೦ ಲಕ್ಷ ರೂ.ಗಳ ಆದಾಯ ಗಳಿಸಿರುವುದನ್ನು ಹೇಳಿದರು ಮತ್ತು ಪರಸ್ಪರ ಸಹಕಾರದ ಮೂಲಕ ರೈತರ ಏಳಿಗೆಗೆ ಶ್ರಮಿಸೋಣ ಎಂದರು.ಲೆಕ್ಕ ಪರಿಶೋಧಕ ಕಮಲಾಕರ ಕದಂ ಹಾಗೂ…