ಉದಯರಶ್ಮಿ ದಿನಪತ್ರಿಕೆ
ಇಂಡಿ: ಹಿಂದು ಧರ್ಮದ ಪವಿತ್ರ ಗ್ರಂಥಗಳಲ್ಲಿ ಒಂದಾಗಿರುವ ರಾಮಾಯಣ ಮೂಲ ಗ್ರಂಥವನ್ನು ರಚನೆ ಮಾಡಿದ ಮಹಾತಪಸ್ವಿ ವಾಲ್ಮೀಕಿ ಎಂದು ಪ್ರಾಧ್ಯಾಪಕ ರವಿಕುಮಾರ ಅರಳಿ ಹೇಳಿದರು.
ತಾಲೂಕು ಆಡಳಿತ ತಾಪಂ ನಗರಸಭೆ ಹಾಗೂ ಸಮಾಜ ಕಲ್ಯಾಣ ಇಲಾಖೆಯಿಂದ ನಗರದ ಮಹರ್ಷಿ ವಾಲ್ಕೀಕಿ ಭವನ ದಲ್ಲಿ ನಡೆದ ಮಹರ್ಷಿ ವಾಲ್ಮೀಕಿ ಜಯಂತಿ ಕಾರ್ಯಕ್ರಮದಲ್ಲಿ ಉಪನ್ಯಾಸ ನೀಡಿ ಮಾತನಾಡಿದರು.
ತಹಸೀಲ್ದಾರ ನಾಗೇಂದ್ರ ಕೋಳಶೆಟ್ಟಿ ಮಾತನಾಡಿ, ನಾಲ್ಕು ವೇದಗಳ ಸಾರವನ್ನೇ ವಾಲ್ಮಿಕಿ ಮಹರ್ಷಿಗಳು ರಾಮಾಯಣದಲ್ಲಿ ಅನೇಕ ಪಾತ್ರಗಳ ಮೂಲಕ ತುಂಬಿದರು. ಸೂರ್ಯ ಚಂದ್ರರಿರುವ ತನಕ ಜನ ಸಾಮಾನ್ಯರ ಬಾಳಲ್ಲಿ ಬೆಳಗುವ ಬೆಳಕಾಗಿ ಲೋಕನೀತಿಯನ್ನು ಬ್ರಹ್ಮ ಸತ್ಯವನ್ನು ಸಾರಿದರು ಎಂದರು,
ನಗರ ಪ್ರಾಧಿಕಾರ ಅಧ್ಯಕ್ಷ ಅಜೀತ ಧನಶೆಟ್ಟಿ, ಸಮಾಜ ಕಲ್ಯಾಣ ಅಧಿಕಾರಿ ಉಮೇಶ ಲಮಾಣಿ, ಬಸವರಾಜ ಗೊರನಾಳ ಮಾತನಾಡಿದರು.
ವೇದಿಕೆಯ ಮೇಲೆ ಇಒ ಮಹಾದೇವಪ್ಪ ಏವೂರ, ಅರ್ಜುನ ನಾಯ್ಕೋಡಿ, ಸಂಜೀವ ನಾಯ್ಕೋಡಿ, ಎ.ಪಿ.ಬಿರಡ, ಎ.ಪಿ.ಹುಣಸಗಿ, ಸಂಜೀವ ಚವ್ಹಾಣ ಮತ್ತಿತರಿದ್ದರು.
ಸಮಾರಂಭದಲ್ಲಿ ದತ್ತು ನಾಯ್ಕೋಡಿ, ವಿಠೋಬಾ ಬೇಡರ, ಮುಕುಂದ ಬೇಡರ, ನಾಗು ನಾಯ್ಕೋಡಿ, ಹಣಮಂತ ನಾಯ್ಕೋಡಿ ಮತ್ತಿತರಿದ್ದರು.
ಇದಕ್ಕೂ ಮೊದಲು ತಾಲೂಕಾ ಆಡಳಿತ ವತಿಯಿಂದ ಆಡಳಿತ ಸೌಧದಲ್ಲಿ ಕಾರ್ಯಕ್ರಮ ನಡೆಯಿತು
