ಗಾಣಗಾಪೂರ ದತ್ತ ದೇವಸ್ಥಾನಪ್ರಾಂಗಣಕ್ಕೆ ನುಗ್ಗಿದ ಮಳೆ ನೀರು

ಅಫಜಲಪುರ: ಒಂದು ಮಳೆ ಬಂದರೂ ತಡೆದುಕೊಳ್ಳದಂತಾಗಿದೆ ಸುಕ್ಷೇತ್ರ ದೇವಲ ಗಾಣಗಾಪೂರ. ಸೋಮವಾರ ಬಂದ ಮಳೆಯಿಂದಾಗಿ ದತ್ತಾತ್ರೇಯ ಮಹಾರಾಜರ ದೇವಸ್ಥಾನಕ್ಕೆ ಮಳೆ ನೀರು ನುಗ್ಗಿದೆ.
ಗ್ರಾಮದಲ್ಲಿನ ಚರಂಡಿಗಳು ಬಹಳ ಸಣ್ಣದಾಗಿವೆ. ಇರುವ ಚರಂಡಿಗಳೇ ಕಸದಿಂದ ತುಂಬಿಕೊಂಡು ಊರವರ ಬಳಸಿದ ನೀರು ಹರಿದು ಹೋಗದಂತಾಗಿದ್ದು, ಅದರ ಮೇಲೆ ಮಳೆ ನೀರು ಸೇರಿ ನೀರು ಮೇಲೆ ಬಂದು ಮುಖ್ಯ ರಸ್ತೆಯ ಮೇಲೆ ಹರಿಯುವಂತಾಗಿದೆ. ಅಲ್ಲದೆ ಮಳೆ ನೀರು, ಚರಂಡಿ ನೀರು ಸೇರಿ ದೇವಸ್ಥಾನದೊಳಗೆ ನೀರು ನುಗ್ಗಿ ಪ್ರಾಂಗಣಕ್ಕೂ ನೀರು ನುಗ್ಗಿ ಸಮಸ್ಯೆಯುಂಟು ಮಾಡಿದೆ. ಅದೇ ನೀರಲ್ಲೇ ಭಕ್ತರು ಸಂಚರಿಸಿ ದೇವರ ದರ್ಶನ ಮಾಡುವಂತಾಯಿತು.