ಉದಯರಶ್ಮಿ ದಿನಪತ್ರಿಕೆ
ಬಸವನಬಾಗೇವಾಡಿ: ಪಟ್ಟಣದಲ್ಲಿ ಬಸವಾದಿ ಶರಣರ ಹಿಂದು ವೇದಿಕೆಯ ನೇತೃತ್ವದಲ್ಲಿ ಕನ್ಹೇರಿ ಸಿದ್ದಗಿರಿಮಠದ ಅದೃಶ್ಯ ಕಾಡಸಿದ್ದೇಶ್ವರ ಸ್ವಾಮೀಜಿಗಳಿಗೆ ವಿಜಯಪುರ ಹಾಗೂ ಬಾಗಲಕೋಟ ಜಿಲ್ಲಾ ಪ್ರವೇಶ ನಿರ್ಬಂಧವನ್ನು ತೆರವುಗೊಳಿಸುವಂತೆ ಆಗ್ರಹಿಸಿ ಬೃಹತ್ ಪ್ರತಿಭಟನೆ ಮಾಡುವ ಮೂಲಕ ರಾಜ್ಯಪಾಲರಿಗೆ ಹಾಗೂ ಮುಖ್ಯಮಂತ್ರಿಗಳಿಗೆ ಬರೆದ ಮನವಿ ಪತ್ರವನ್ನು ಶ್ರೀಮಠದ ಸದ್ಭಕ್ತರು, ವಿವಿಧ ಸಂಘಟನೆಗಳ ಮುಖಂಡರು ತಹಸೀಲ್ದಾರ ಮೂಲಕ ಸರ್ಕಾರಕ್ಕೆ ಸಲ್ಲಿಸಿದರು.
ಪಟ್ಟಣದ ಸಿದ್ದರಾಮ ಮಹಾರಾಜರ ಮಠದ ಮುಂಭಾಗ ವಿವಿಧ ಶ್ರೀಗಳು, ವಿವಿಧ ಸಂಘಟನೆಗಳ ಮುಖಂಡರು, ಶ್ರೀಮಠದ ಸದ್ಭಕ್ತರು, ಶ್ರೀಗಳ ಅಭಿಮಾನಿಗಳು ಜಮಾಯಿಸಿದ ನಂತರ ಪ್ರತಿಭಟನೆ ಮೆರವಣಿಗೆ ಗೊಳಸಂಗಿ ಗಲ್ಲಿ, ಅಗಸಿ ಮೂಲಕ ತೆರಳಿ ಬಸವೇಶ್ವರ ವೃತ್ತದಲ್ಲಿ ಜಮಾಯಿಸಿ ಪ್ರತಿಭಟನೆ ಸಭೆಯ ನಡೆಸಿದರು.
ಪ್ರತಿಭಟನೆಯಲ್ಲಿ ಕನ್ಹೇರಿಶ್ರೀಗಳ ಭಾವಚಿತ್ರಗಳು ರಾರಾಜಿಸಿದವು. ಪ್ರತಿಭಟನೆ ಸ್ಥಳಕ್ಕೆ ಆಗಮಿಸಿದ್ದ ಗ್ರೇಡ್-2 ತಹಸೀಲ್ದಾರ ಎಸ್.ಎಚ್.ಅರಕೇರಿ ಮನವಿ ಪತ್ರ ಸ್ವೀಕರಿಸಿದರು.
ಪ್ರತಿಭಟನೆ ಉದ್ದೇಶಿಸಿ ಗಿರೀಶಾನಂದ ಸ್ವಾಮೀಜಿ ಮಾತನಾಡಿ, ಅದೃಶ್ಯ ಕಾಡಸಿದ್ದೇಶ್ವರ ಸ್ವಾಮೀಜಿ ತಮ್ಮ ನೈಸರ್ಗಿಕ ಕೃಷಿಯ ಚಟುವಟಿಕೆಗಳ ಮೂಲಕ, ಜನೋಪಯೋಗಿ ಸೇವಾ ಚಟುವಟಿಕೆಗಳ ಮೂಲಕ ಗುರುಕುಲ ಪದ್ಧತಿಯ ಶಿಕ್ಷಣದ ಮೂಲಕ ನಾಡಿನಾದ್ಯಂತ ಹೆಸರುವಾಸಿಯಾಗಿದ್ದಾರೆ. ಸಮಾಜದ ನಿರ್ಮಾಣಕ್ಕೆ ನಿಸ್ವಾರ್ಥವಾಗಿ, ಬಸವತತ್ವಕ್ಕೆ ಪೂರಕವಾಗಿ ಹಗಲು-ರಾತ್ರಿ ದುಡಿಯುತ್ತಿರುವ ಸಂತರೊಬ್ಬರು ದಂಗೆಗೆ ಕಾರಣವಾಗಲಿದ್ದಾರೆ ಎಂಬ ಸರ್ಕಾರದ ಆರೋಪವೇ ನಮ್ಮೆಲ್ಲರನ್ನು ಗಾಬರಿಗೊಳಿಸಿದೆ. ಶ್ರೀಗಳಿಗೆ ಜಿಲ್ಲಾ ಪ್ರವೇಶ ನಿರ್ಬಂಧ ತೆರವು ಗೊಳಿಸುವ ಮೂಲಕ ಸರ್ಕಾರ ತನ್ನ ಗೌರವ ಉಳಿಸಿಕೊಳ್ಳಬೇಕೆಂದರು.
ವಿವೇಕಾನಂದ ಸೇನೆಯ ಜಿಲ್ಲಾಧ್ಯಕ್ಷ ರಾಘವ ಅಣ್ಣಿಗೇರಿ ಮಾತನಾಡಿ, ಸಾವಿರಾರು ಬಡ ವಿದ್ಯಾರ್ಥಿಗಳಿಗೆ ಉಚಿತ ಶಿಕ್ಷಣ ನೀಡುತ್ತಿರುವ, ನೂರಾರು ಜನರಿಗೆ ಉದ್ಯೋಗ ನೀಡಿರುವ, ಕೃಷಿಯಲ್ಲಿ ಮಾದರಿ ಬೇಸಾಯ ಕೈಂಕರ್ಯ ಮಾಡಿರುವ ಕನ್ಹೇರಿ ಅದೃಶ್ಯ ಕಾಡಸಿದ್ದೇಶ್ವರ ಶ್ರೀಗಳಿಗೆ ವಿಜಯಪುರ ಜಿಲ್ಲೆಗೆ ನಿರ್ಬಂಧ ಹೇರಿರುವುದು ಖಂಡನೀಯವಾಗಿದೆ ಎಂದರು.
ಕರವೇ ರಾಜ್ಯ ಪ್ರಧಾನ ಕಾರ್ಯದರ್ಶಿ ಅಶೋಕ ಹಾರಿವಾಳ ಮಾತನಾಡಿದರು.
ಪ್ರತಿಭಟನೆಯಲ್ಲಿ ಶಿವಪುತ್ರ ಸ್ವಾಮಿಜಿ, ಅಭಿನವ ಬಸವರಾಜೇಂದ್ರ ಸ್ವಾಮಿಜಿ, ಶಿವಶರಣಾನಂದ ಸ್ವಾಮಿಜಿ, ಅರವಿಂದ ಮಹಾರಾಜ, ಮುಖಂಡರಾದ ಬಸವರಾಜ ಗಚ್ಚಿನವರ, ಬಸವರಾಜ ಶೆಂಡೆ, ದಯಾನಂದ ಸಾರವಾಡ, ಬಸಣ್ಣ ದೇಸಾಯಿ, ಮಣಿಕಂಠ ಕಲ್ಲೂರ, ವಿನೂತ ಕಲ್ಲೂರ, ಎಚ್. ಎಸ್. ಗುರಡ್ಡಿ, ವಿದ್ಯಾ ಪಾಟೀಲ, ಪರಶುರಾಮ ಅಡಗಿಮನಿ, ಸೀತಾರಾಮ ಭಜಂತ್ರಿ, ಬಸನಗೌಡ ಪಾಟೀಲ,ಸಂತೋಷ ನಾಯಕ, ಅಶ್ವಿನಿ ಪಟ್ಟಣಶೆಟ್ಟಿ, ಗುರು ಕುಂಟೋಜಿ, ಮಹೇಶ ಸಾಲವಾಡಗಿ, ತಮ್ಮಣ್ಣ ಬಡಿಗೇರ,ಶಿವರುದ್ರಯ್ಯ ಹಿರೇಮಠ, ಹಣಮಂತ್ರಾಯ ಗುಣಕಿ, ಸಂಗನಗೌಡ ಬಿರಾದಾರ, ನಿಂಗನಗೌಡ ಪಾಟೀಲ, ಬಸಲಿಂಗಪ್ಪ ನಂದಿ, ಯಮನೂರಿ ಮ್ಯಾಗೇರಿ, ಸಂಗನಗೌಡ ಪಾಟೀಲ ಚಂದ್ರಶೇಖರ ಕುಂಟೋಜಿ, ವಿಜಯಕುಮಾರ ಯಂಭತ್ನಾಳ, ಹಣಮಂತ ಟಕ್ಕಳಕಿ, ಮಡುಗೌಡ ಬಾವಿಕಟ್ಟಿ, ರವಿ ವಡ್ಡರ, ರಾಜಶೇಖರ ದಡ್ಡಿ, ಮಾಳು ಇಬ್ರಾಹಿಂಪುರ, ಕರಿಯಪ್ಪ ಬಾಗೇವಾಡಿ, ಸುರೇಶ ಬೇವಿನಗಿಡದ, ರಮೇಶ ಚಿಂಚೋಳಿ, ಕರಿಯಪ್ಪ ಹೊಸಮನಿ, ಕಲ್ಲು ಸೊನ್ನದ, ಬಸಲಿಂಗಪ್ಪ ಮಾದರ, ಭೀಮು ಹುಲ್ಲೂರ, ಮಹಾದೇವಿ ಹಂಗರಗಿ, ಅಶೋಕ ಮಿಣಜಗಿ, ಸದಾನಂದ ಯಳಮೇಲಿ,ವಿಶ್ವ ಹಿಂದು ಪರಿಷತ್ ಭಜರಂಗದಳ, ವಿವೇಕ ಬ್ರಿಗೇಡ್,ಡಿಎಸ್ಎಸ್, ದುರ್ಗಾವಾಹಿನಿ,ಕರ್ನಾಟಕ ರಕ್ಷಣಾ ವೇದಿಕೆ ಸೇರಿದಂತೆ ವಿವಿಧ ಸಂಘಟನೆಯ ಮುಖಂಡರು, ಮಹಿಳೆಯರು ಸೇರಿದಂತೆ ನೂರಾರು ಜನರು ಭಾಗವಹಿಸಿದ್ದರು.
