ಉದಯರಶ್ಮಿ ದಿನಪತ್ರಿಕೆ
ಇಂಡಿ: ಪವಿತ್ರ ರಮಝಾನ್ ಮಾಸದಲ್ಲಿ ನಗರದ ನಾಲ್ಕು ವರ್ಷದ ಮುದ್ದಾದ ಬಾಲಕಿ ಉಮ್ಮೇ ಐಮನ ಸದ್ದಾಂಹುಸೇನ್ ಜಮಾದಾರ ತನ್ನ ಜೀವನದ ಮೊದಲ ರೋಜಾವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರಳಾಗಿದ್ದಾಳೆ.
ಇಷ್ಟು ಕಿರಿಯ ವಯಸ್ಸಿನಲ್ಲೇ ಉಪವಾಸದ ಮಹತ್ವವನ್ನು ಅರಿತು ದಿನಪೂರ್ತಿ ಸಹನಶೀಲತೆಯಿಂದ ರೋಜಾ ಆಚರಿಸಿದ ಈ ಬಾಲಕಿಯ ಧೈರ್ಯ ಮತ್ತು ಮನೋಬಲವನ್ನು ನೋಡಿದ ಕುಟುಂಬಸ್ಥರು ಹಾಗೂ ನೆರೆಹೊರೆಯವರು ಸಂತೋಷ ವ್ಯಕ್ತಪಡಿಸಿದ್ದಾರೆ.
ಇಸ್ಲಾಂ ಧರ್ಮದಲ್ಲಿ ರಮಝಾನ್ ಮಾಸವು ಅತ್ಯಂತ ಪವಿತ್ರವಾದ ತಿಂಗಳೆಂದು ಪರಿಗಣಿಸಲಾಗುತ್ತದೆ. ಈ ತಿಂಗಳಲ್ಲಿ ಮುಸ್ಲಿಮರು ಪ್ರಾತಃಕಾಲದಿಂದ ಸೂರ್ಯಾಸ್ತದವರೆಗೆ ಉಪವಾಸವಿದ್ದು, ಪ್ರಾರ್ಥನೆ, ದಾನಧರ್ಮ, ಸಹನಶೀಲತೆ ಹಾಗೂ ಆತ್ಮಶುದ್ಧಿಗೆ ಮಹತ್ವ ನೀಡುತ್ತಾರೆ. ರೋಜಾ ಮಾನವನಲ್ಲಿ ಶಿಸ್ತಿನ ಜೀವನ, ತಾಳ್ಮೆ ಮತ್ತು ಪರರ ನೋವನ್ನು ಅರ್ಥಮಾಡಿಕೊಳ್ಳುವ ಗುಣಗಳನ್ನು ಬೆಳೆಸುತ್ತದೆ. ಇಂತಹ ಪವಿತ್ರ ತಿಂಗಳಲ್ಲಿ ನಾಲ್ಕು ವರ್ಷದ ಬಾಲಕಿ ತನ್ನ ಮೊದಲ ರೋಜಾವನ್ನು ಆಚರಿಸಿರುವುದು ಹೆಮ್ಮೆಯ ವಿಷಯವಾಗಿದೆ.
