ಆ.೭ರಿಂದ ಪವಾಡಬಸವೇಶ್ವರ ಜಾತ್ರಾ ಮಹೋತ್ಸವ

ಮುದ್ದೇಬಿಹಾಳ: ತಾಲೂಕಿನ ಗೋನಾಳ ಪಿ.ಎನ್ ಗ್ರಾಮದ ಪವಾಡಬಸವೇಶ್ವರ ಜಾತ್ರಾ ಮಹೋತ್ಸವ ಪ್ರತೀ ವರ್ಷದಂತೆ ಈ ವರ್ಷವೂ ಆ.೭ ರಿಂದ ನಡೆಯಲಿದೆ.
ಅಂದು ರಾತ್ರಿ ೧೦ಗಂಟೆಯಿಂದ ಅಹೋರಾತ್ರಿ ಶಿವ ಭಜನೆ, ೮ರಂದು ಬೆಳಿಗ್ಗೆ ೮ಕ್ಕೆ ಕಾಶಿ ವಿಶ್ವನಾಥಲಿಂಗಕ್ಕೆ ರುದ್ರಾಭಿಷೇಕ, ೯ ಗಂಟೆಗೆ ಪುಟ್ಟಿಗಾಡಿ ರೇಸ್ ಸ್ಪರ್ಧೆ ನಡೆಯಲಿದೆ. ಸ್ಪರ್ಧೆಯನ್ನು ಜಂಬಗಿ-ಮನ್ಯಾಳದ ಪ.ಪೂ ಶಂಕರಲಿಂಗ ಮಹಾರಾಜರು ಉದ್ಘಾಟಿಸುವರು. ಮಧ್ಯಾಹ್ನ ಮಂಗಳಾರತಿ ಮತ್ತು ಮಹಾಪ್ರಸಾದ ಇರಲಿದ್ದು ಎಲ್ಲ ಕಾರ್ಯಕ್ರಮಗಳು ಪೂಜ್ಯ ಶ್ರೀ ಚನ್ನಮಲ್ಲಪ್ಪ ಶರಣರ ನೇತೃತ್ವದಲ್ಲಿ ನಡೆಯಲಿವೆ ಎಂದು ದೇವಸ್ಥಾನದ ಸಮಸ್ತ ದೈವ ಮಂಡಳಿ ಪ್ರಕಟಣೆಯಲ್ಲಿ ತಿಳಿಸಿದೆ.