ವಚನ ಚಳವಳಿಯ ಹರಿಕಾರ ಹಡಪದ ಅಪ್ಪಣ್ಣ :ಶಿವಾನಂದ

ವಿಜಯಪುರ: ಹನ್ನೆರಡನೆಯ ಶತಮಾನದ ವಚನ ಚಳುವಳಿ ಮತ್ತು ಸಾಮಾಜಿಕ ಕ್ರಾಂತಿಯ ಹರಿಕಾರರಲ್ಲೊಬ್ಬರಾದ ಹಡಪದ ಅಪ್ಪಣ್ಣನವರು 250 ಕ್ಕೂ ಅಧಿಕ ವಚನಗಳನ್ನು ರಚಿಸಿ ಸಮಾಜಕ್ಕೆ ಮಾದರಿಯಾಗಿದ್ದಾರೆ ಎಂದು
ಹಡಪದ ಅಪ್ಪಣ್ಣ ವಿವಿದ್ದೋದ್ದೇಶಗಳ ಸಹಕಾರಿ ಸಂಘ ಸಿಂದಗಿ ಅಧ್ಯಕ್ಷ ಶಿವಾನಂದ ಹಡಪದ ಹೇಳಿದರು.
ಜಿಲ್ಲಾ , ತಾಲೂಕ ಹಾಗು ನಗರ ಘಟಕ ಕನ್ನಡ ಸಾಹಿತ್ಯ ಪರಿಷತ್ತಿನ ಆಶ್ರಯದಲ್ಲಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಸಭಾಂಗಣದಲ್ಲಿ ಲಿಂ ಷಡಕ್ಷರಯ್ಯ ಶಿವಪೂಜಯ್ಯ ಹಿರೇಮಠ ಹಾಗು ದಿ. ನಾಗಪ್ಪ ರೇವಪ್ಪ ಶೇಠೆ ಇವರ ಹೆಸರಿನ ದತ್ತಿ ನಿಧಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಬಸವಣ್ಣನವರ ಆಪ್ತರಾಗಿ ಮೂಲ ಕಾಯಕವನ್ನು ಮಾಡುತ್ತಾ ಅಥ೯ಪೂಣ೯ ವಚನಗಳನ್ನು ರಚಿಸುವುದರ ಮೂಲಕ ವಚನಕಾರರಲ್ಲಿ ತಮ್ಮ ವ್ಯಕ್ತಿತ್ವವನ್ನು ಗುರುತಿಸಿಕೊಂಡರು ಎಂದರು.
ಸಭೆಯ ಅಧ್ಯಕ್ಷ ವಹಿಸಿದ ಡಾ: ಜಿ ಡಿ ಕೊಟ್ನಾಳ ಮಾತನಾಡಿ, ಮೂಢ ನಂಬಿಕೆ, ಜಾತಿಯತೆ, ಲಿಂಗ ತಾರತಮ್ಯಗಳಂತಹ ಅನಿಷ್ಟ ಪದ್ಧತಿಗಳನ್ನು ಹೋಗಲಾಡಿಸಲು ಜೀವನಕ್ಕೆ ಬೇಕಾಗುವ ಮೌಲ್ಯಗಳನ್ನು ವಚನಗಳ ಮೂಲಕ ಸಂದೇಶ ಸಾರಿದರು ಎಂದರು.
ಶರಣ ಹಡಪದ ಅಪ್ಪಣ್ಣ ನವರ ಕುರಿತು ಉಪನ್ಯಾಸ ನೀಡಿದ ಎಸ್. ಬಿ,ಕಲಾ ಹಾಗು ಕೆಸಿಪಿ ವಿಜ್ಞಾನ ಕಾಲೇಜಿನ ಕನ್ನಡ ವಿಭಾಗದ ಮುಖ್ಯಸ್ಥ ಡಾ: ಶ್ರೀನಿವಾಸ ದೊಡಮನಿ, ವಚನ ಸಾಹಿತಕ್ಕೆ ಆಪಾರ ಕೊಡುಗೆ ನೀಡಿದ ಶರಣ ಅಪ್ಪಣ್ಣನವರು ಸವಿತಾ ಸಮಾಜದ ಸವ೯ಕಾಲಿಕ ನಾಯಕರಾಗಿದ್ದಾರೆ. ಅಪ್ಪಣ್ಣ ಕುರಿತು ಸಮಗ್ರ ಸಂಶೋಧನೆಯ ಮತ್ತು ವಚನಗಳ ಸಾಂಸ್ಕೃತಿಕ ಮಹತ್ವವನ್ನು
ತಲಸ್ಪಶಿ೯ ಯಾಗಿ ಅಧ್ಯಯನಕ್ಕೆ ಒಳಪಡಿಸಿ ಶರಣರ ಮಾಹಿತಿಯನ್ನು ಸಾರಬೇಕು ಎಂದರು.
ಶರಣರ ಕುರಿತು ಉಪನ್ಯಾಸ ನೀಡಿದ ಕಸಾಪ ಗೌರವ ಕಾಯ೯ದಶಿ೯ ಡಾ ಮಾಧವ ಗುಡಿ, ಕಾಯಕ ಮತ್ತು ದಾಸೋಹದ ಮೂಲಕ ಸಮಸಮಾಜವನ್ನು ನಿರ್ಮಿಸಿದರು. ಜಾತಿ ಲಿಂಗಬೇದವನ್ನು ಹೋಗಲಾಡಿಸಿ ಸವ೯ರನ್ನು ಪ್ರೀತಿಸಿದ ಶರಣರ ಜೀವನ ನಮಗೆ ಮಾದರಿ ಎಂದರು.
ಸಾನ್ನಿಧ್ಯ ವಹಿಸಿದ ಸಿಂದಗಿಯ ಗುರುದೇವ ಆಶ್ರಯಮದ ಶಾಂತ ಗಂಗಾಧರ ಸ್ವಾಮೀಜಿ ಮಾತನಾಡಿ, ಶರಣರು ಯಾವುದೇ ಸ್ಥಾನಮಾನ ಬಯಸದೇ ಸಮಾಜಕ್ಕಾಗಿ ಜೀವನವನ್ನು ಮುಡುಪಾಗಿಟ್ಟರು ಎಂದರು
ರೇವಣಸಿದ್ದಪ್ಪ ನಾಗಪ್ಪ ಶೇಠೆ, ಸತ್ಯಪ್ಪ ಹಡಪದ, ಸಿದರಾಯ ನಾವಿ, ಬಸವರಾಜ ಶೀವಶರಣ, ರಾಜೇಸಾಬ ಶಿವನಗುತ್ತಿ ವೇದಿಕೆಯ ಮೇಲಿದ್ದರು.
ಕಸಾಪ ಅಧ್ಯಕ್ಷ ಹಾಸಿಂಪೀರ ವಾಲಿಕಾರ ಸ್ವಾಗತಿದರು. ರೇವತಿ ಭೂದಿಹಾಳ ನಿರೂಪಿಸಿದರು. ಸಿದ್ರಾಮಯ್ಯ ಲಕ್ಕುಂಡಿಮಠ ವಂದಿಸಿದರು.
ಕಾಯ೯ಕ್ರಮದಲ್ಲಿ ಕಸಾಪ
ಗೌರವ ಕಾರ್ಯದರ್ಶಿ
ಮಹಮ್ಮದಗೌಸ್ ಹವಾಲ್ದಾರ,
ಬಸವರಾಜ ಆಜೂರ,
ಸೋಮನಾಥ ನಾವಿ, ಆರ್ ಜಿ ಕೋಟ್ನಾಳ, ಅಹಮ್ಮದ ವಾಲಿಕಾರ, ಶ್ರೀಕಾಂತ ನಾಡಗೌಡ
ಸಿದ್ರಾಮಪ್ಪ ಜಂಗಮಶೇಟ್ಟಿ, ಅಲಿಸಾಬ ಕಡಖೆ, ಸೋಮನಾಥ ನಾವಿ, ಭಾಗಿರತಿ ಸಿಂದೆ, ಲತಾ ಗುಂಡಿ, ಗಂಗಮ್ಮ ರೆಡ್ಡಿ, ಆರ್ ಎಂ ದೊಡಮನಿ, ಸತ್ಯಣ್ಣ ದೊಡಮನಿ, ಎಂ ಎಲ್ ಜಮಾದಾರ
ಅಮೋಘ ನಮಸ್ಕಾರಸಿದ್ದ ಪೂಜಾರಿ ಮುಂತಾದವರು ಉಪಸ್ಥಿತರಿದ್ದರು.