ಹಳಕಟ್ಟಿ ಪ್ರೌಢಶಾಲೆಯಲ್ಲಿ ಹಳೆ ಸಹಪಾಠಿಗಳ ಸಮಾಗಮ

  *– ಸಂಪದಾ ಹಿರೇಮಠ*
ಆಲಮಟ್ಟಿ: ಅವರು ಬರೋಬ್ಬರಿ ಇಪ್ಪತ್ತೆರಡು ವರ್ಷಗಳ ಹಿಂದೆ ಸಹಪಾಠಿ, ಒಡನಾಟಿಗಳಾಗಿ ಕಲಿಕೆ, ನಲಿಕೆಯ ತುಂಟಾಟದ ದಿನಗಳನ್ನು ಆತ್ಮೀಯತೆಯ ಸಂಘದಲ್ಲಿ ಕಳೆದಿದ್ದರು. ಎಸ್ಸೆಸ್ಸೆಲ್ಸಿ ಬಳಿಕ ಎಲ್ಲೆಲ್ಲೋ ಪಿಯು ಕಲಿಕೆಗಾಗಿ ಚದುರಿದರು. ತದನಂತರ ಪದವಿ, ನೌಕರಿಗಾಗಿ ಅಲೆದಾಡಿ ಜೀವನ ಚೈತ್ರ ಅರಳಿಸಿಕೊಂಡ ನೆಮ್ಮದಿಯ ದಾರಿ ಬೇರೆಬೇರೆ ಕಡೆಗಳಲ್ಲಿ ಕಂಡುಕೊಂಡಿದ್ದಾರೆ. ಹಲವರು ಸಂಸಾರ ನೌಕೆಯಲ್ಲಿ ಸಂಸ್ಕಾರದೊಂದಿಗೆ ಪಯಣಿಸಿ ಸಂತಸದ ರಸಾನುಭ ಅನುಭವಿಸುತ್ತಿದ್ದಾರೆ. ಅವರೆಲ್ಲರಿಗೂ ಬಿಸ್ ಸಾಲ್ ಪೀಚ್ಚೇ ಗೆಳೆತನದ ನೆನಪಾಗಿದೆ. ತಡ ಮಾಡದೇ ಸ್ಮೃತಿ ಪಟಲದ ಮೇಲೆ ದೋಸ್ತಿಗಳ ಭಾವಚಿತ್ರ ಮೂಡಿಸಿಕೊಂಡಿದ್ದಾರೆ. ಎಲ್ಲಿ ಸ್ನೇಹದಿಂದ ಬರುವರೋ ಅವರೇ ನಮ್ಮೊರು, ಅದೆ ನಮ್ಮೂರು, ಅಲ್ಲಿಯೇ ಜೀವನ ಎನ್ನತ್ತಾ ನಾಲ್ಕೂ ದಿಕ್ಕಿನ ಊರುಗಳಲ್ಲಿ ಎಲ್ಲೆಲ್ಲೋ ನೆಲೆ ಕಂಡಿದ್ದಾರೆ. ಅವರನ್ನು ಸಂಪರ್ಕಿಸಿ ಎಲ್ಲರೂ ಒಂದೆಡೆ ಸೇರೋಣ ಎಂಬ ಅಪೇಕ್ಷೆ, ಅಭಿಲಾಷೆ ಚಿಗುರೊಡೆದಿದೆ. ಬಳಿಕ ಒಂದುಗೂಡುವ ಮುಹೂರ್ತದ ಡೇಟ್ ಫಿಕ್ಸಾಗಿದೆ. ಪರಿಣಾಮ ಇಪ್ಪತ್ತೆರಡು ವರ್ಷದ ನಂತರ ಒಡನಾಡಿ ಕೂಚುಕು ಸ್ನೇಹಿತರು ಪರಸ್ಪರ ಖುಷಿ, ಸಂತಸದ ಸಲ್ಲಾಪದಲ್ಲಿ ತನ್ಮರಾಗಿ ಹಳೆಯ ದಿನಮಾನದ ಭಾವಬಿಂಬಗಳಿಗೆ ಮರುಜೀವ ಕೊಟ್ಟು ಇಲ್ಲಿ ಸ್ಮರಣೀಯ ಸುಘಳಿಗೆ ಕಳೆದಿದ್ದಾರೆ.
    ನಡೆದಾಡಿದ ನೆಲ, ಓಡಾಡಿದ ಅಂಗಳ, ಕಲಿತ ಶಾಲೆ, ಕಲಿಸಿದ ಗುರು, ದಯೆ ತೋರಿದ ದೇವರು ಹೀಗೆಲ್ಲ ನೆನೆಪಿಸಿಕೊಂಡು ಅತ್ತ ಪ್ರದಕ್ಷಿಣೆ ಹಾಕಿ ಸಂಭ್ರಮಿಸಿದರು. ೨೦೦೧-೨೨ ನೇ ಸಾಲಿನಲ್ಲಿ ಎಸ್ಸೆಸ್ಸೆಲ್ಸಿ ಪರೀಕ್ಷೆ ಪಾಸಾಗಿರುವ ಎಂಎಚ್.ಎಂ ಮತ್ತು ಹಳಕಟ್ಟಿ ಹೈಸ್ಕೂಲ್ ಸ್ನೇಹಿತರ ಬಳಗ ಗುರುವಂದನಾ ಹಾಗೂ ಸ್ನೇಹಿತರ ಸಮ್ಮಿಲನ ಅರ್ಥಪೂರ್ಣ ಆಚರಿಸಿಕೊಂಡು ಸಾರ್ಥಕತೆ ಮೆರೆದರು. ಆ ಖುಷಿ, ಸಡಗರದ ನೋಟ ಕಂಡಿದ್ದು ಹೀಗೆ ! ಆಲಮಟ್ಟಿ ಆರ್.ಬಿ.ಪಿ.ಜಿ.ಹಳಕಟ್ಟಿ ಪ್ರೌಢಶಾಲೆ ಮುಂಭಾಗದ ಕಟ್ಟೆಯ ಮೇಲೆ ಹಳೆಯ ಸಹಪಾಠಿಗಳೆಲ್ಲರು ಕುಳಿತು ಸಂಭ್ರಮಿಸಿದ ಪರಿಯಿದು !