ಡಿ.೨೫ ರಂದು ಶಿವಯೋಗೇಶ್ವರ ಜಾತ್ರಾಮಹೋತ್ಸವ

ಬಸವನಬಾಗೇವಾಡಿ: ಪಟ್ಟಣದ ಮಿನಿವಿಧಾನಸೌಧ ಮುಂಭಾಗದ ಕೋಣಿನವರ ತೋಟದಲ್ಲಿರುವ ಶಿವಯೋಗೇಶ್ವರ (ಶಿವಪ್ಪಮುತ್ಯಾ) ಜಾತ್ರಾಮಹೋತ್ಸವ ಡಿ. ೨೫ ರಂದು ಜರುಗಲಿದೆ. ಜಾತ್ರೆಯಂಗವಾಗಿ ಅಂದು ಬೆಳಗ್ಗೆ ೧೦ ಗಂಟೆಗೆ ಪಲ್ಲಕ್ಕಿ ಉತ್ಸವ ಬಸವೇಶ್ವರ ದೇವಸ್ಥಾನದ ಬಸವ ತೀರ್ಥ ಬಾವಿಗೆ ಗಂಗಸ್ಥಳಕ್ಕೆ ತೆರಳುವುದು. ನಂತರ ಪಲ್ಲಕ್ಕಿ ಉತ್ಸವ ಮೆರವಣಿಗೆ ಮೂಲಕ ವಾದ್ಯಮೇಳದೊಂದಿಗೆ ಮರಳಿ ತೋಟಕ್ಕೆ ಮರಳುವುದು. ಮದ್ಯಾನ್ಹ ೩ ಗಂಟೆಗೆ ಅಗ್ಗಿ ಹಾಯುವುದು. ರಾತ್ರಿ ೧೦ ಗಂಟೆಗೆ ಜಿಲ್ಲೆಯ ವಿವಿಧ ಡೊಳ್ಳಿನ ವಾದ್ಯಮೇಳದಿಂದ ಡೊಳ್ಳಿನ ಹಾಡಿಕಿ ಜರುಗುವುದು ಎಂದು ಜಾತ್ರಾಮಹೋತ್ಸವ ಸಮಿತಿ ತಿಳಿಸಿದೆ.