ರೈತ ಮುಖಂಡರಾದ ಶಶಿಕಾಂತ ಗೂರೂಜಿ, ಚುನಪ್ಪಾ ಪೂಜಾರಿ ನೇತೃತ್ವದಲ್ಲಿ ಸಭೆ | ಪ್ರತಿಭಟನೆ ಇಂದು
ಉದಯರಶ್ಮಿ ದಿನಪತ್ರಿಕೆ
ವಿಜಯಪುರ: ಭೀಮಾ ಹಾಗೂ ಕೃಷ್ಣಾ ತೀರದಲ್ಲಿ ಬೆಳೆಯುವ ಕಬ್ಬಿಗೂ ಪ್ರತಿ ಟನ್ ಕಬ್ಬಿಗೆ ೩,೬೦೦ ರೂ. ಏಕರೂಪದ ದರವನ್ನು ನಿಗದಿಗೊಳಿಸಬೇಕು ಎಂದು
ಕರ್ನಾಟಕ ರಾಜ್ಯ ರೈತ ಸಂಘ ಹಸಿರು ಸೇನೆ ಹಕ್ಕೊತ್ತಾಯ ಮಂಡಿಸಿದೆ.
ಬೆಳಗಾವಿಯಲ್ಲಿ ನಡೆದ ಸಭೆಯಲ್ಲಿ ನಿಗದಿಯಾಗಿರುವ ೩೬೦೦ ರೂ. ನೀಡುವಲ್ಲಿ ಧ್ವಂಧ್ವ ನೀತಿ ಅನುಸರಿಸುತ್ತಿರುವ ಹಿನ್ನೆಲೆಯಲ್ಲಿ ನಾಳೆ ವಿಜಯಪುರದಲ್ಲಿ ಸಭೆ ನಡೆಯಲಿದೆ. ಇದಕ್ಕೂ ಮುನ್ನ ಬೃಹತ್ ಹೋರಾಟ ಸಹ ನಡೆಯಲಿದೆ.
ರೈತರು ಹಾಗೂ ಸಕ್ಕರೆ ಕಾರ್ಖಾನೆ ಸಮಕ್ಷಮದಲ್ಲಿ ಈ ಮಹತ್ವದ ಸಭೆ ನಡೆಯಲಿದ್ದು, ಹಿರಿಯ ರೈತ ನಾಯಕರಾದ ಶಶಿಕಾಂತ ಗೂರೂಜಿ, ಚುನಪ್ಪಾ ಪೂಜಾರಿ ಸಹ ಈ ಸಭೆಯಲ್ಲಿ ಭಾಗವಹಿಸಲಿದ್ದಾರೆ.
ಒಂದು ವೇಳೆ ಇಳುವರಿ ನೆಪದಲ್ಲಿ ಅನ್ಯಾಯವಾಗುವುದು ಬೇಡ, ಒಂದು ವೇಳೆ ನಾವು ಹೇಳಿದ ದರಕ್ಕೆ ವ್ಯತ್ಯಾಸವಾದರೆ ಬೆಳಗಾವಿಯ ಶ್ರೀ ಎಸ್. ನಿಜಲಿಂಗಪ್ಪ ಸಕ್ಕರೆ ಸಂಶೋಧನಾ ಕೇಂದ್ರದ ತಜ್ಞರಿಂದಲೇ ರಿಕವರಿ ಪರೀಕ್ಷೆ ನಡೆಯಲು ಸಂಘ ಒತ್ತಾಯಿಸಲಿದೆ.
ಸಂಘದ ಜಿಲ್ಲಾಧ್ಯಕ್ಷ ಸಂಗಮೇಶ ಸಗರ ಒತ್ತಾಯಿಸಿದರು.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಕಳೆದ ಬಾರಿ ರಿಕವರಿ ಹೆಸರಿನಲ್ಲಿ ಈ ಭಾಗದ ಕಬ್ಬಿಗೆ ಏಕರೂಪದ ದರ ಪಾವತಿಯಾಗದೇ ಕೃಷ್ಣಾ, ಭೀಮಾ ತೀರದ ರೈತರಿಗೆ ಅನ್ಯಾಯವಾಗಿತ್ತು, ಈ ಬಾರಿಯೂ ಅದು ಪುನರಾವರ್ತಿತವಾಗಬಾರದು, ರಿಕವರಿ, ಸಕ್ಕರೆ ೪೪ ರೂ. ಆಧಾರ ಹೀಗೆ ಅದು ಇದು ನೆಪ ಇಲ್ಲದೇ ಪ್ರಥಮ ಕಂತಿನಲ್ಲಿ ೩೫೦೦ ರೂ. ಹಾಗೂ ಎರಡನೇಯ ಕಂತಿನಲ್ಲಿ ೧೦೦ ರೂ. ಕೊಡಲೇಬೇಕು ಎಂದು ಒತ್ತಾಯಿಸಿದರು.
ಈ ವಿಷಯದಲ್ಲಿ ಅನ್ಯಾಯವಾದರೆ ನಾವು ಸುಮ್ಮನೆ ಕೂರುವುದಿಲ್ಲ. ಈ ವಿಷಯವಾಗಿ ನಾವು ಹೋರಾಟಕ್ಕೆ ಸಿದ್ದ ಎಂದರು.
ಸಂಘದ ರಾಜ್ಯ ಪದಾಧಿಕಾರಿ ಶಾಂತಗೌಡ ಪಾಟೀಲ ನಡಹಳ್ಳಿ ಮಾತನಾಡಿ,
ಬೆಳಗಾವಿಯಲ್ಲಿ ನಿಗದಿಯಾಗಿರುವ ದರ ನೀಡುವಲ್ಲಿ ಧ್ವಂಧ್ವ ನೀತಿ ಅನುಸರಿಸುತ್ತಿವೆ,
ಮೊದಲನೇ ಕಂತಿನಲ್ಲಿ ೩೫೦೦ ರೂ. ಹಾಗೂ ಎರಡನೇಯ ಕಂತಿನಲ್ಲಿ ೧೦೦ ರೂ. ಕೊಡಲೇಬೇಕು ಎಂದರು. ಕಬ್ಬು ಹಾಗೂ ಸಮಸ್ತ ರೈತರ ಬೇಡಿಕೆಗಳು ಈಡೇರಿಕೆಯಾಗಬೇಕಾದರೆ
ಡಾ.ಸ್ವಾಮಿನಾಥನ್ ವರದಿ ಶಿಫಾರಸ್ಸುಗಳು ಅನುಷ್ಠಾನಗೊಳ್ಳಬೇಕಿದೆ ಎಂದರು.
ಪ್ರಮುಖರಾದ ರಾಮನಗೌಡ ಪಾಟೀಲ, ದಯಾನಂದ ಕೋಳಿ, ಮಹಾದೇವ ಬನಸೋಡೆ, ಸಂಗಪ್ಪ ಟಕ್ಕೆ, ಅಭಿಷೇಕ ಹೂಗಾರ, ಮುದಕಣ್ಣ ಹೊರ್ತಿ ಮೊದಲಾದವರು ಪತ್ರಿಕಾಗೋಷ್ಠಿಯಲ್ಲಿ ಉಪಸ್ಥಿತರಿದ್ದರು.
