ಉದಯರಶ್ಮಿ ದಿನಪತ್ರಿಕೆ
ಇಂಡಿ: ಭಾರತೀಯ ಕಿಸಾನ ಸಂಘದ ನೇತೃತ್ವದಲ್ಲಿ ತಾಲ್ಲೂಕಿನ ತಡವಲಗಾ ಗ್ರಾಮದ ಜೋಡಗುಡಿ ಹತ್ತಿರ ರೈತರು ನಡೆಸುತ್ತಿರುವ ಧರಣಿ ಸತ್ಯಾಗ್ರಹ ಗುರುವಾರ ಮೂರನೇ ದಿನಕ್ಕೆ ಕಾಲಿಟ್ಟಿದೆ.
ಹೋರಾಟ ಸ್ಥಳಕ್ಕೆ ಬಿಜೆಪಿ ರಾಜ್ಯ ರೈತಮೋರ್ಚಾ ಕಾರ್ಯಕಾರಿಣಿ ಸದಸ್ಯ ಅಣ್ಣಪ್ಪ ಖೈನೂರ ಭೇಟಿ ನೀಡಿ ಬೆಂಬಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಇಂಡಿ ತಾಲ್ಲೂಕಿನ ಎಲ್ಲಾ ಕೆರೆಗಳನ್ನು ತುಂಬಿಸಬೇಕು. ರೈತರಿಗೆ ಸಮರ್ಪಕವಾಗಿ ವಿದ್ಯುತ್ ಸರಬರಾಜು ಮಾಡಬೇಕು ಹಾಗೂ ಬೀಕರ ಬರಗಾಲದಿಂದ ಕಂಗಾಲಾಗಿದ್ದ ಹಾಗೂ ಬೆಳೆ ಕಳೆದುಕೊಂಡ ರೈತರಿಗೆ ಸೂಕ್ತ ಪರಿಹಾರ ನೀಡಬೇಕು ಎಂದು ಒತ್ತಾಯಿಸಿದರು.
ಭಾರತೀಯ ಕಿಸಾನ್ ಸಂಘದ ರಾಜ್ಯ ಕಾರ್ಯಕಾರಣಿ ಸದಸ್ಯರಾದ ಗುರುನಾಥ ಬಗಲಿ ಹಾಗೂ ವಿಜಯಪೂರ ಜಿಲ್ಲಾ ಕಿಸಾನ್ ಸಂಘದ ಅಧ್ಯಕ್ಷ ಮಲ್ಲನಗೌಡ ಪಾಟೀಲ ಮಾತನಾಡಿದರು.
ಧರಣಿಯಲ್ಲಿ ಕಿಸಾನ್ ಸಂಘದ ಅಧ್ಯಕ್ಷರಾದ ಈರಪ್ಪ ಗೋಟ್ಯಾಳ, ದಸಗೀರಸಾಬ ಬಾಗವಾನ, ಅಂಬಣ್ಣ ಖಸ್ಕಿ, ಚನ್ನಪ್ಪ ಮಿರಗಿ, ಶಿವಲಿಂಗಪ್ಪ ಕಟ್ಟಿ, ಶಾಂತಪ್ಪ ಖಸ್ಕಿ, ಬಾಬು ಡೊಂಬರ, ಪ್ರಕಾಶ ಇಂಡಿ, ಶರಣಪ್ಪ ತಾರಾಪೂರ, ಅಂಬಣ್ಣ ಪಂತೋಜಿ, ಶಂಕ್ರೆಪ್ಪ ರೂಗಿ, ಭೀಮರಾಯ ಬುಕ್ಕಾಣಿ, ಧರೆಪ್ಪ ಮೇತ್ರಿ, ಗಂಗಪ್ಪ ಅಹಿರಸಂಗ, ಚಿದಾನಂದ ಮದರಿ, ಶಾಂತಪ್ಪ ರೂಗಿ, ಶರಣು ಪಂತೋಜಿ, ಚಂದ್ರಾಮ ಖಸ್ಕಿ, ಭೀಮಣ್ಣ ಕಪಾಲಿ, ಸಿದ್ದಗೊಂಡ ತೆನ್ನೆಳ್ಳಿ, ಚಂದ್ರಕಾಂತ ಮೇತ್ರಿ, ಮಾದೇವಪ್ಪ ಗೊಳ್ಳಗಿ, ಗುರಪ್ಪ ಮೇತ್ರಿ, ಮಳಸಿದ್ದಪ್ಪ ತಳವಾರ ಸೇರಿದಂತೆ ಅನೇಕ ರೈತರು ಉಪಸ್ಥಿತರಿದ್ದರು.
