ಆಲಮಟ್ಟಿಯ ಎಂಎಚ್ಎಂ ಹಿರಿಯ ಪ್ರಾಥಮಿಕ ಶಾಲೆಯ ವಾಷಿ೯ಕ ಸ್ನೇಹ ಸಮ್ಮೇಳನ
ವರದಿ: ಗುಲಾಬಚಂದ ಜಾಧವ
ವಿಜಯಪುರ: ಸಂಗೀತ ನಾದದ ಹಾಡುಗಳಿಗೆ ಅಲ್ಲಿ ಪುಟ್ಟ ಪುಟ್ಟ ಮಕ್ಕಳ ಸ್ಟೇಪ್ಸ್ ಲಯಬದ್ಧವಾಗಿ ಸಾಗಿತ್ತು. ಮೈಮನ ಮಿಂಚಿನಂತೆ ಅತ್ತಇತ್ತ ಸಖತ್ ಸುಳಿದಾಡುತ್ತಿತ್ತು. ಕೈ,ಕಾಲು ಶರೀರ ಲೀಲಾಜಾಲವಾಗಿ ಹೊರಳಾಡುತ್ತಿತ್ತು. ಮೊಗಭಾವಗಳಲ್ಲಿ ಡ್ಯಾನ್ಸ್ ಜೋಶ್ ದ ರಂಗು ಮಿಟುಕುತಿತ್ತು. ನೃತ್ಯ ಲೋಕದ ಉನ್ಮಾದ ಅಲೆ ತೇಲಾಡುತ್ತಿತ್ತು. ಇದನ್ನು ಏಕಚಿತ್ತವಾಗಿ ಮೈಮರೆತು ಕಣ್ತುಂಬಿಸಿಕೊಳ್ಳುತ್ತಿದ್ದ ಕಂಗಳುಗಳಲ್ಲಿ ಆನಂದ ಭಾಷ್ಪ ಸೂಸುತ್ತಿತ್ತು..!
ಇಂಥದೊಂದು ಸಾಂಸ್ಕೃತಿಕ ರಂಗದ ರೋಮಾಂಚಕ ದೃಶ್ಯ ಜಿಲ್ಲೆಯ ಆಲಮಟ್ಟಿ ಎಂಎಚ್ಎಂ ಆಂಗ್ಲ ಮಾಧ್ಯಮ ಹಿರಿಯ ಪ್ರಾಥಮಿಕ ಶಾಲೆಯ ವಾಷಿ೯ಕ ಸ್ನೇಹ ಸಮ್ಮೇಳನದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ವೈವಿಧ್ಯತೆಯಿಂದ ಕಂಡುಬಂತು !
ಇಳೆ ಭಾವದ ಮೊಗಗಳು ಗೀತಗಾನದ ಸಂಗೀತ ಲಹರಿಯಲ್ಲಿ ಮಸ್ತ್ ಹೆಜ್ಜೆ ಹಾಕಿ ಕುಣಿದು ಕುಪ್ಪಳಿಸಿದರು. ರೋಚಕತೆಯ ಮೊನಚಿನಲ್ಲಿ ಹೆಜ್ಜೆ ಹಾಕಿ ನೃತ್ಯಗಳನ್ನು ಪ್ರದಶಿ೯ಸಿ ಸ್ಪೂತಿ೯ ಮೆರೆದರು. ಚಿಣ್ಣರ ನೃತ್ಯ ರೂಪ ನೋಡುಗರ ಹೃದಯಾಂಗಳದಲ್ಲಿ ಖುಷಿ, ಸಂತಸದ ಅಲೆ ತರಂಗ ಸೃಜಿಸಿದವು!
ನೃತ್ಯಕಲೆ ವ್ಯಕ್ತಿತ್ವ ವಿಕಸನಕ್ಕೆ ಪೂರಕ: ಸಾಂಸ್ಕೃತಿಕ ಚಟುವಟಿಕಗಳು ಮಕ್ಕಳ ವ್ಯಕ್ತಿತ್ವ ವಿಕಸನಕ್ಕೆ ಪೂರಕವಾಗಿವೆ. ಸಾಮಾಜಿಕ ಕೌಶಲ್ಯ ಉತ್ತೇಜಿಸಲು ಸಹಕಾರಿಯಾಗಿದೆ. ಆ ಹಿನ್ನೆಲೆಯಲ್ಲಿ ಇಲ್ಲಿ ಸೃಜನಶೀಲತೆಯಿಂದ ಕಾರ್ಯಕ್ರಮ ಸಂಯೋಜಿಸಿರುವುದು ಔಚಿತ್ಯಪೂರ್ಣವಾಗಿದೆ ಎಂದು ರಾವಬಹದ್ದೂರ ಡಾ, ಫ.ಗು.ಹಳಕಟ್ಟಿ ಪ್ರೌಢಶಾಲೆ ಮುಖ್ಯೋಪಾಧ್ಯಾಯ ಜಿ.ಎಂ.ಕೋಟ್ಯಾಳ ಸಮಾರಂಭದ ಅಧ್ಯಕ್ಷತೆ ವಹಿಸಿ ನುಡಿದರು.
ಕನಾ೯ಟಕ ರಾಜ್ಯ ಸರಕಾರಿ ನೌಕರರ ಸಂಘ ಆಲಮಟ್ಟಿ ಶಾಖೆಯ ಅಧ್ಯಕ್ಷ ಸದಾಶಿವ. ಬಿ.ದಳವಾಯಿ, ಪುಟ್ಟ ಮಕ್ಕಳು ಇಲ್ಲಿ ತಮ್ಮ ನೃತ್ಯ,ರೂಪಕ ಕಲೆಗಳ ಮೂಲಕ ಸಾಂಸ್ಕೃತಿಕ ಗುರುತನ್ನು ಎತ್ತಿ ಹಿಡಿದಿದ್ದಾರೆ ಎಂದರು.
ಎಂಎಚ್ಎಂ ಪದವಿ, ಪಪೂ ಕಾಲೇಜ ಪ್ರಾಚಾರ್ಯ ಪ್ರಭುಸ್ವಾಮಿ ಹೇಮಗಿರಿಮಠ, ಗ್ರಾಪಂ ಮಾಜಿ ಅಧ್ಯಕ್ಷ ಮಂಜುನಾಥ ಹಿರೇಮಠ, ಶಿಕ್ಷಣ ಸಂಯೋಜಕ ಯು.ವಾಯ್.ಬಶೆಟ್ಟಿ, ಸಮೂಹ ಸಂಪನ್ಮೂಲ ವ್ಯಕ್ತಿ ಎಸ್.ಬಿ.ಹುರಕಡ್ಲಿ, ಮುಖ್ಯ ಶಿಕ್ಷಕ ಎಸ್.ಆಯ್.ಗಿಡ್ಡಪ್ಪಗೋಳ, ಶಿಕ್ಷಣಾಭಿಮಾನಿ ಬಸಯ್ಯ ಶಿವಯೋಗಿಮಠ, ಮಂಜಪ್ಪ ಹಡೇ೯ಕರ ಆಂಗ್ಲ ಮಾಧ್ಯಮ ಹಿರಿಯ ಪ್ರಾಥಮಿಕ ಶಾಲೆ ಮುಖ್ಯ ಗುರುಮಾತೆ ಶ್ರೀಮತಿ ಕವಿತಾ ಮರಡಿ, ಕನ್ನಡ ಮಾಧ್ಯಮ ಪ್ರಾಥಮಿಕ ಶಾಲೆ ಮುಖ್ಯ ಗುರುಮಾತೆ ಶ್ರೀಮತಿ ಕಮಲಾಕ್ಷಿ ಹಿರೇಮಠ ಇತರರು ವೇದಿಕೆಯಲ್ಲಿದ್ದರು.
ಎಂಎಚ್ಎಂ ಆಂಗ್ಲ ಮಾಧ್ಯಮ ಶಾಲೆ ಗುರುಮಾತೆಯರಾದ ಶ್ರೀಮತಿ ಸರೋಜಾ ಕಬ್ಬೂರ, ಶ್ರೀಮತಿ ಕಾಂಚನಾ ಕುಂದರಗಿ, ಶ್ರೀಮತಿ ಮಂಜುಳಾ ಸಂಗಾಪೂರ, ಅನು ಪಟೇಲ್, ವಿದ್ಯಾ ಹಿರೇಮಠ, ಪೂಜಾ ಮಹೇಂದ್ರಕರ, ಶಿಕ್ಷಕರಾದ ಇಬ್ರಾಹಿಂ ಹುನಗುಂದ, ರಾಮಕೃಷ್ಣ ಉದಂಡಿ, ಬಾಬು ಕುಡಗಿ, ಶೇಖು ರಾಠೋಡ, ಕರುಣಿಕ ಸಚೀನ ಹೆಬ್ಬಾಳ, ಗೋಪಾಲ ಬಸಪ್ಪ ವಡ್ಜರ ಮೊದಲಾದವರಿದ್ದರು.
