ತನು ಫೌಂಡೇಶನ್ ದಶಮಾನೋತ್ಸವ ಸಂಭ್ರಮದಲ್ಲಿ ಮಾಜಿ ಸಚಿವ ಅಪ್ಪಾಸಾಹೇಬ ಪಟ್ಟಣಶೆಟ್ಟಿ ಅಭಿಮತ
ಉದಯರಶ್ಮಿ ದಿನಪತ್ರಿಕೆ
ವಿಜಯಪುರ: ಭವಿಷ್ಯದ ಭಾರತ ನಿರ್ಮಾಣಕ್ಕೆ ಇಂದಿನ ದಿನಮಾನಗಳಲ್ಲಿ ಯುವಕರಿಗೆ ಜಾಗೃತಿ ಅತ್ಯಗತ್ಯವಾಗಿದೆ ಎಂದು ಮಾಜಿ ಸಚಿವ ಅಪ್ಪಾಸಾಹೇಬ ಪಟ್ಟಣಶೆಟ್ಟಿ ಹೇಳಿದರು.
ವಿಜಯಪುರ ನಗರದ ಕಂದಗಲ್ ಶ್ರೀ ಹನುಮಂತರಾಯ ರಂಗಮಂದಿರದಲ್ಲಿ ತನು ಫೌಂಡೇಶನ್ ನ ದಶಮಾನೋತ್ಸವ ಸಂಭ್ರಮ ಹಾಗೂ ತನು ಕನ್ನಡ ಮನ ಕನ್ನಡ ರಾಜ್ಯ ಪ್ರಶಸ್ತಿ ಸಮಾರಂಭದಲ್ಲಿ ಕಾರ್ಯಕ್ರಮದ ಉದ್ಘಾಟಕರಾಗಿ ಮಾತನಾಡಿದ ಅವರು, ನಮ್ಮ ಇಂದಿನ ಯುವಕರಿಗೆ ಆತ್ಮಸ್ಥೈರ್ಯ ಬೆಳೆಸುವ ಅನಿವಾರ್ಯತೆ ಇದೆ. ಇಂದಿನ ಮೊಬೈಲ್ ಯುಗದಲ್ಲಿ ಯುವಕರು ಪುಸ್ತಕ ಓದುವ ಹವ್ಯಾಸ ರೂಢಿಸಿಕೊಳ್ಳಬೇಕೆಂದು ಕಿವಿಮಾತು ಹೇಳಿದರು.
ಜನತೆ ದೇಶ, ಧರ್ಮದ ಅರಿವು ಮೂಡಿಸಿಕೊಂಡು ಸದೃಡ ರಾಷ್ಟ್ರ ನಿರ್ಮಾಣದತ್ತ ಹೆಜ್ಜೆ ಹಾಕಬೇಕೆಂದರಲ್ಲದೇ, ತನು ಫೌಂಡೇಶನ್ ನಿರಂತರ ಸಾಮಾಜಿಕ ಕಳಕಳಿ ಹೊಂದಿದ್ದು, ಮುಂಬರುವ ದಿನಗಳಲ್ಲಿ ಸಂಸ್ಥೆ ಇನ್ನು ಉತ್ತುಂಗಕ್ಕೇರಲಿ ಎಂದು ಶುಭ ಹಾರೈಸಿದರು.
ಕಾರ್ಯಕ್ರಮದಲ್ಲಿ ಉಪನ್ಯಾಸಕ ಮಂಜುನಾಥ ಜುನಗೊಂಡ, ನಂತರ ಪ್ರಶಸ್ತಿ ಸ್ವೀಕರಿಸಿ ಅಶೋಕ ಹಂಚಲಿ ಮಾತನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಯಶೋಧ ಆಸ್ಪತ್ರೆಯ ಸಿಇಓ ಡಾ|| ರವೀಂದ್ರ ತೋಟದ ವಹಿಸಿದ್ದರು.
ಇದೇ ವೇಳೆ ಯುವ ವಾಗ್ಮಿ ಮಂಜುನಾಥ ಜುನಗೊಂಡ ರಚಿಸಿರುವ “ಅಂತರಾಗ್ನಿ” ಕೃತಿಯನ್ನು ಬಿಡುಗಡೆಗೊಳಿಸಲಾಯಿತು. ನಂತರ ಕನ್ನಡ ಉಪನ್ಯಾಸಕರಾದ ಮುಸ್ತಾಕ್ ಮಲಘಾಣ ಕೃತಿ ಪರಿಚಯಿಸಿದರು.
ಇನ್ನು ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದಿರುವ ತನು ಕನ್ನಡ ಮನ ಕನ್ನಡ ರಾಜ್ಯ ಪ್ರಶಸ್ತಿ ಪುರಸ್ಕತರಾಗಿ, ಡಾ|| ಸುರೇಶ ಕನಮಡಿ- ವೈದ್ಯಕೀಯ ಸೇವೆ, ಅಶೋಕ ಹಂಚಲಿ- ರಾಷ್ಟ್ರ ಜಾಗೃತಿ ಕಾರ್ಯ, ಪ್ರಕಾಶ ಅಂಗಡಿ- ಸಾಮಾಜಿಕ ಸೇವೆ, ಚಿದಾನಂದ ಸಂಗಪ್ಪ ಅವಟಿ- ಶಿಕ್ಷಣ ಸೇವೆ, ಶ್ರೀ ಬುಳ್ಳಪ್ಪ ಡಿ- ಶಿಕ್ಷಣ ಸೇವೆ, ಶ್ರೀಮತಿ ವಿದ್ಯಾ ಪಿ- ಸ್ಪರ್ಧಾತ್ಮಕ ತರಬೇತಿ, ಡಾ|| ಸುನೀಲ ಹೆಬ್ಬಿ- ವೈಧ್ಯಕೀಯ ಸೇವೆ, ಶ್ರೀಮತಿ ಅನಿತಾ ಅಯ್ಯರ- ಸಂಗೀತ, ಶ್ರೀಮತಿ ಭಾರತಿ ದಾವಣಗೇರಿ- ರಂಗಭೂಮಿ, ಆನಂದ ಕಂಬಾರ- ಶಿಕ್ಷಣ ಸೇವೆ, ನನ್ನ ಗಿಡ ನನ್ನ ಭೂಮಿ- ಪರಿಸರ ಸೇವೆ ಹಾಗೂ ಬಸಪ್ಪ ಕುಂಬಾರ- ಶಿಕ್ಷಣ ಸೇವೆಗೆ ಭಾಜನರಾಗಿದ್ದು ಈ ಎಲ್ಲ ಸಾಧಕರಿಗೆ ಪ್ರಶಸ್ತಿ ನೀಡಿ ಪುರಸ್ಕರಿಸಲಾಯಿತು.
ಅದೇ ರೀತಿ, ಕುಮಾರಿ ಶಹೀನ್ ಮೊಕಾಶಿ- ಪತ್ರಿಕೋಧ್ಯಮ, ಅಶೋಕ ಯಡಳ್ಳಿ- ವಿದ್ಯುನ್ಮಾನ ಮಾಧ್ಯಮ, ಸಚಿನ ತಳಕೇರಿ- ಸಾಮಾಜಿಕ ಕಾರ್ಯ, ಶ್ರೀಮತಿ ಸೌಮ್ಯ ಗಲಗಲಿ- ಶಿಕ್ಷಣ ಸೇವೆ, ಧರು ಎಸ್.ಕೆ- ಶಿಕ್ಷಣ ಸೇವೆ ಕ್ಷೇತ್ರದಲ್ಲಿ ಸೇವೆಗೈದಿರುವ ಸಾಧಕರಿಗೆ ಫೌಂಡೇಶನ್ ನ ದಶಮಾನೋತ್ಸವದ ಅಂಗವಾಗಿ ವಿಶೇಷ ಸನ್ಮಾನ ನೆರವೇರಿತು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಹೋಟೆಲ್ ಉದ್ಯಮಿ ಶಾಂತೇಶ್ ಕಳಸಗೊಂಡ, ದ್ರೋಣ ಅಕಾಡೆಮಿ ಅಧ್ಯಕ್ಷರಾದ ಕಲ್ಮೇಶ್ ಆಸಂಗಿ, ಹಿರಿಯ ವೈದ್ಯರಾದ ಡಾ|| ಸನ್ಮತಿ ಕುರುಂದವಾಡೆ, ವಕೀಲರಾದ ಬಸವರಾಜ ಯಾದವಾಡ, ಡಾ|| ಸಚೀನ ಕಟ್ಟಿ, ಚೇತನಾ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷರಾದ ಶ್ರೀಮತಿ ರಾಜೇಶ್ವರಿ ಜುಗತಿ, ಶ್ರೀಮತಿ ಚಿತ್ರಾ ಅಷ್ಟಪುತ್ರೆ, ತನು ಫೌಂಡೇಶನ್ ನ ಅಧ್ಯಕ್ಷರಾದ ವಿಜುಗೌಡ ಕಾಳಶೆಟ್ಟಿ, ಉಪಾಧ್ಯಕ್ಷರಾದ ಶ್ರೀಮತಿ ಬಸಂತಿ ವಿ. ಕಾಳಶೆಟ್ಟಿ ಉಪಸ್ಥಿತರಿದ್ದರು.
ಕಾರ್ಯಕ್ರಮವನ್ನು ನಿರೂಪಣೆ ಸಂಗನಬಸವರಾಜ ಗೂಡಲಮನಿ, ವಂದನಾರ್ಪಣೆಯನ್ನು ರಾಹುಲ್ ಮರಳಿ ನೆರವೇರಿಸಿದರು.
