ಉದಯರಶ್ಮಿ ದಿನಪತ್ರಿಕೆ
ಸಿಂದಗಿ: ಇತ್ತೀಚಿಗೆ ಮಕ್ಕಳು ಮೊಬೈಲ್ ಗೆ ಮಾರು ಹೋಗಿ ಓದಿನ ಕಡೆಗೆ ಹೆಚ್ಚಿನ ಗಮನವನ್ನು ಹರಿಸುತ್ತಿಲ್ಲ ಎಂದು ಪ್ರಶಸ್ತಿ ಪುರಸ್ಕೃತ, ಮಕ್ಕಳ ಸಾಹಿತಿ ಹ.ಮ.ಪೂಜಾರ ವಿಷಾದ ವ್ಯಕ್ತಪಡಿಸಿದರು.
ಸಿಂದಗಿ ತಾಲೂಕಿನ ಯಂಕಂಚಿ ಗ್ರಾಮದ ಕುಂಟೋಜಿ ಹಿರೇಮಠದಲ್ಲಿ ಇತ್ತೀಚಿಗೆ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಾದ ಮಕ್ಕಳ ಹಿರಿಯ ಸಾಹಿತಿ ಹ.ಮ.ಪೂಜಾರ ಅವರಿಗೆ ಹಮ್ಮಿಕೊಂಡ ಅಭಿನಂದನಾ ಸಮಾರಂಭದಲ್ಲಿ ಸನ್ಮಾನವನ್ನು ಸ್ವೀಕರಿಸಿ ಮಾತನಾಡಿದ ಅವರು, ನಾನೊಬ್ಬ ಪ್ರೌಢಶಾಲಾ ಮೇಸ್ಟ್ರು. ಮಕ್ಕಳ ಏಳಿಗೆಗೆ ಹಾಗೂ ಓದಿನ ಹವ್ಯಾಸ ಬೆಳೆಸುವ ದಿಸೆಯಲ್ಲಿ ಕಳೆದ ೫೦ವರ್ಷಗಳಿಂದ ಮಕ್ಕಳ ಬಳಗವನ್ನು ಪ್ರಾರಂಭಿಸಿ ಕಥೆ, ಕವಿತೆ ಮತ್ತು ಕಾದಂಬರಿ ಓದುವ ಮತ್ತು ಬರೆಯಿಸುವ ಕಾರ್ಯವನ್ನು ಮಾಡುತ್ತಿದ್ದೇನೆ. ನನ್ನ ಇಡೀ ಬದುಕನ್ನೇ ಮಕ್ಕಳಿಗಾಗಿ ಮೀಸಲು ಇಟ್ಟಿದ್ದೇನೆ. ಮಕ್ಕಳು ಓದಿನೆಡೆಗೆ ಹೆಚ್ಚಿನ ಆದ್ಯತೆ ನೀಡಬೇಕು. ಮೊಬೈಲ್ ಗಿಳಿನಿಂದ ಹೊರ ಬಂದು ತಮ್ಮ ಬದುಕಿನನ್ನು ರೂಪಿಸಿಕೊಳ್ಳಬೇಕು. ಮುಂಬರುವ ದಿನಮಾನಗಳಲ್ಲಿ ೫೦ರ ಸಂಭ್ರಮದಲ್ಲಿರುವ ಮಕ್ಕಳ ಬಳಗದ ಸುವರ್ಣ ಮಹೋತ್ಸವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳುವ ಗುರಿಯನ್ನು ಬಳಗ ಹೊಂದಿದೆ. ಎಂದರು.
ಈ ವೇಳೆ ಕಾರ್ಯಕ್ರಮದ ಸಾನಿಧ್ಯ ವಹಿಸಿದ ಶ್ರೀಮಠದ ಪೀಠಾಧಿಪತಿ ಅಭಿನವ ರುದ್ರಮುನಿ ಶಿವಾಚಾರ್ಯರು ಮಾತನಾಡಿ, ಇಡೀ ತಮ್ಮ ಬದುಕು ಮಕ್ಕಳ ಶಿಕ್ಷಣಕ್ಕೆ ಮೀಸಲಿಟ್ಟು ಹಗಲಿರುಳು ಸೇವೆ ನೀಡಿದ ಪ್ರಯುಕ್ತವೇ ರಾಜ್ಯ ಸರಕಾರ ಅವರ ಸೇವೆಯನ್ನು ಗುರುತಿಸಿ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಿದ್ದು ಸಿಂದಗಿಯ ಸಾಹಿತ್ಯ ಆಸಕ್ತರಲ್ಲಿ ಮತ್ತು ಅವರ ಶಿಷ್ಯ ಬಳಗದಲ್ಲಿ ಸಂತಸ ತಂದಿದೆ. ಇದರಿಂದ ಸಿಂದಗಿ ಗರಿ ಮತ್ತಷ್ಟು ಹೆಚ್ಚಿಸಿದೆ ಎಂದರು.
ಈ ವೇಳೆ ಪ್ರಥಮ ದರ್ಜೆ ಗುತ್ತಿಗೆದಾರ ಮುತ್ತು ಮುಂಡೇವಾಡಗಿ, ರಾಜಶೇಖರ ಕೂಚಬಾಳ, ಪ್ರೇರಣಾ ಸಂಸ್ಥೆಯ ಅಧ್ಯಕ್ಷ ಆರ್.ಡಿ.ಕುಲಕರ್ಣಿ, ಆನಂದ ಶಾಬಾದಿ, ಸುನಂದಾ ಯಂಪುರೆ, ಪ್ರತಿಭಾ ಚೆಳ್ಳಗಿ, ಸಿದ್ದಲಿಂಗ ಕಿಣಗಿ ಸೇರಿದಂತೆ ಶ್ರೀಮಠದ ಭಕ್ತರು ಇದ್ದರು.
