ಅ.೬ರಂದು ಸಿಂದಗಿಗೆ ಜನಗಣಮನ ನಮೋ ಬೈಕ್ ಯಾತ್ರೆ

ಸಿಂದಗಿ: ಚಕ್ರವರ್ತಿ ನೇತೃತ್ವದ ನಮೋ ಬ್ರಿಗೇಡ್ ಸಂಘಟನೆ ವತಿಯಿಂದ ರಾಜ್ಯಾದ್ಯಾಂತ ಜನ ಗಣ ಮನ ಎಂಬ ನಮೋ ಬೈಕ್ ಯಾತ್ರೆಯನ್ನು ಹಮ್ಮಿಕೊಳ್ಳಲಾಗಿದೆ. ಇದೇ ಅ.೬ರಂದು ಈ ಯಾತ್ರೆ ಸಿಂದಗಿಗೆ ಬರಲಿದೆ. ಬೈಕ್ ಯಾತ್ರೆ ಮತ್ತು ಬೈಠಕ್ ಕಾರ್ಯಕ್ರಮ ನಡೆಯಲಿದೆ. ಪಟ್ಟಣದ ಬಸವೇಶ್ವರ ವೃತ್ತದಿಂದ ಪ್ರಾರಂಭವಾಗುವ ಯಾತ್ರೆ ಅಂಬೇಡ್ಕರ್ ವೃತ್ತದಿಂದ ಸಾಗಿ ಆಲಮೇಲ ಮಾರ್ಗವಾಗಿ ಅಫಜಲಪೂರ ತಾಲೂಕಿಗೆ ತೆರಳಲಿದೆ. ಮತ್ತು ಸಂಗಮೇಶ್ವರ ದೇವಸ್ಥಾನದಲ್ಲಿ ನಡೆಯುವ ಬೈಠಕ್‌ನಲ್ಲಿ ನಮೋ ಯಾತ್ರೆಯ ಉದ್ದೇಶಗಳನ್ನು ತಿಳಿಸಲಾಗುವುದು ಎಂದು ಯುವಾ ಬ್ರಿಗೇಡ್ ಸಂಚಾಲಕ ಮಡಿವಾಳ ವಾಲಿಕಾರ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.