ಕ್ರೀಡಾಕೂಟ: ಮಣಗೂರ ಶಾಲಾ ಮಕ್ಕಳ ಅಮೋಘ ಸಾಧನೆ

ಆಲಮಟ್ಟಿ: ನಿಡಗುಂದಿ ಬಿ ವಲಯ ಮಟ್ಟದ ಪ್ರೌಢಶಾಲಾ ಕ್ರೀಡಾಕೂಟದಲ್ಲಿ ಮಣಗೂರ ಸರಕಾರಿ ಪ್ರೌಢಶಾಲಾ ಕ್ರೀಡಾಪಟುಗಳು ಅಮೋಘ ಪಾರುಪಥ್ಯ ಮೆರೆದಿದ್ದಾರೆ.
ಹಲವಾರು ಸ್ಪರ್ಧೆಗಳಲ್ಲಿ ಜಯದಾಖಲಿಸಿ ಕೂಟದಲ್ಲಿ ಮಿಂಚಿದ್ದಾರೆ. ಬಾಲಕರ ವಿಭಾಗದ ಖೋಖೋ ಅಂತಿಮ ಪಂದ್ಯದಲ್ಲಿ ಈ ಶಾಲಾ ತಂಡ ಗೆಲವು ಸಾಧಿಸಿ ಪ್ರಥಮ ಸ್ಥಾನ ಪಡೆದಿದೆ. ಬಾಲಕಿಯರ ವಿಭಾಗದ ನಾಲ್ಕು ಹಾಗೂ ಬಾಲಕರ ವಿಭಾಗದಲ್ಲಿ ಒಂದು ಸ್ಪರ್ಧೆಗಳಲ್ಲಿ ಪ್ರಥಮ ಸ್ಥಾನ ಪಡೆಯುವ ಮೂಲಕ ಕ್ರೀಡಾಪಟುಗಳು ತಮ್ಮ ಕ್ರೀಡಾ ಕೌಶಲ್ಯ ಅಂಕಣದಲ್ಲಿ ಪ್ರದರ್ಶಿಸಿ ಗಮನ ಸೆಳೆದಿದ್ದಾರೆ.
ಬಾಲಕಿಯರ ವಿಭಾಗದ ರೀಲೆ ಸ್ಪರ್ಧೆಯಲ್ಲಿ ಶಾಲಾ ತಂಡ ದ್ವೀತಿಯ ಸ್ಥಾನ ಪಡೆದಿದೆ. ೪೦೦ ಮೀ.ಓಟದಲ್ಲಿ ಅನಿತಾ ಹೂಗಾ, ೮೦೦ ಓಟದಲ್ಲಿ ಬೊರಮ್ಮ ಸುನಗದ,೧೫೦೦ ಮೀ.ಓಟದಲ್ಲಿ ಬೊರಮ್ಮ ಬುಲಾತಿ ಹಾಗೂ ಎತ್ತರ ಜಿಗಿತ ಸ್ಪರ್ಧೆಯಲ್ಲಿ ಶಶಿಕಲಾ ಬೂದಿಹಾಳ ಪ್ರಥಮ ಸ್ಥಾನ ಪಡೆದು ಮಿನುಗಿದ್ದಾರೆ.
೧೦೦ ಮೀ.ಓಟದಲ್ಲಿ ಶಶಿಕಲಾ ಬೂದಿಹಾಳ, ೮೦೦ ಮೀ.ಓಟದಲ್ಲಿ ದಿವ್ಯಾ ಮಠ,ಎತ್ತರ ಜಿಗಿತದಲ್ಲಿ ಬೊರಮ್ಮ ಸುನಗದ ಕ್ರಮವಾಗಿ ಎಲ್ಲರೂ ದ್ವೀತಿಯ ಸ್ಥಾನ ಪಡೆದು ಮಿಂಚಿದರೆ ೨೦೦ ಮೀ.ಓಟದಲ್ಲಿ ಸುಕನ್ಯಾ ಪಾಟೀಲ, ೩೦೦೦ ಮೀ.ಓಟದಲ್ಲಿ ಶಶಿಕಲಾ ಬೂದಿಹಾಳ, ಉದ್ದ ಜಿಗಿತದಲ್ಲಿ ಅರ್ಷತಾ ಹೂಗಾರ, ಭರ್ಚಿಎಸೆತದಲ್ಲಿ ಸ್ವಪ್ನಾ ಗೌಡರ ಹಾಗೂ ನಡಿಗೆ ಸ್ಪಧೆಯಲ್ಲಿ ಅಕ್ಷತಾ ಹೂಗಾರ ತೃತೀಯ ಸ್ಥಾನ ಗಳಿಸಿ ಸಮಾಧಾನ ಪಟ್ಟಿದ್ದಾರೆ.
ಬಾಲಕರ ವಿಭಾಗದ ೪೦೦ ಮೀ.ಓಟದಲ್ಲಿ ರಂಜಿತ ಲಮಾಣಿ, ೧೫೦೦ ಮೀ.ಓಟದಲ್ಲಿ ರಮೇಶ ಅಬತೇರಿ, ಎತ್ತರ ಜಿಗತದ ಸ್ಪರ್ಧೆಯಲ್ಲಿ ರಮೇಶ್ ಅಬತೇರಿ ಇವರೆಲ್ಲ ದ್ವೀತಿಯ ಸ್ಥಾನ ಪಡೆದಿದ್ದಾರೆ. ೨೦೦ ಮೀ.ಓಟದಲ್ಲಿ ಮೌನೇಶ ಬಡಿಗೇರ, ೩೦೦೦ ಮೀ.ಓಟದಲ್ಲಿ ವಿಕಾಸ ಧನಶೆಟ್ಟಿ ಇವರು ತೃತೀಯ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದಾರೆ.
ಮಕ್ಕಳಿಗೆ ಉತ್ತಮ ಕ್ರೀಡಾ ತರಬೇತಿ ನೀಡಿರುವ ದೈಹಿಕ ಶಿಕ್ಷಣ ಶಿಕ್ಷಕ ನಿಂಗಪ್ಪ ತೋಳಮಟ್ಟಿ, ಮುಖ್ಯ ಶಿಕ್ಷಕ ಸಂಗಮೇಶ ಹೊಲ್ದೂರ, ಪ್ರಧಾನಿ ಬುರಟ್ಟಿ ಮೇಡಂ, ರವಿಕುಮಾರ್ ಪೋಲ್, ಶಿವಪ್ಪ ಪೂಜಾರಿ ಸೇರಿದಂತೆ ಕ್ರೀಡಾಭಿಮಾನಿಗಳು ಮಕ್ಕಳ ಸಾಧನೆಗೆ ಅಭಿನಂದಿಸಿದ್ದಾರೆ.