ಚಿಕ್ಕರೂಗಿಯಲ್ಲಿ ಸಿಡಿಲಿಗೆ ೧೦ ಕುರಿಗಳ ಬಲಿ

ದೇವರಹಿಪ್ಪರಗಿ: ಸಿಡಿಲಿನ ಹೊಡೆತಕ್ಕೆ ೧೦ ಕುರಿಗಳು ಬಲಿಯಾಗಿ ಸಾವನ್ನಪ್ಪಿರುವ ಘಟನೆ ಚಿಕ್ಕರೂಗಿ ಗ್ರಾಮದಲ್ಲಿ ಜರುಗಿದೆ.
ತಾಲ್ಲೂಕಿನ ಚಿಕ್ಕರೂಗಿ ಗ್ರಾಮದಲ್ಲಿ ಬುಧವಾರ ಸಾಯಂಕಾಲ ಈ ಘಟನೆ ಜರುಗಿದ್ದು, ಗ್ರಾಮದ ಸುಬ್ರಾಯ್ ನಾಟೀಕಾರ ಎಂಬುವವರಿಗೆ ಸೇರಿದ ಕುರಿಗಳು ಮಳೆ ಬರುವ ಸಂದರ್ಭದಲ್ಲಿ ಮರದ ಕೆಳಗಡೆ ನಿಂತ ಸಂದರ್ಭದಲ್ಲಿ ಸಿಡಿಲಿನ ಹೊಡೆತಕ್ಕೆ ಬಲಿಯಾಗಿವೆ.
ಗ್ರಾಮದಲ್ಲಿ ಒಂದು ಗಂಟೆಗಳ ಕಾಲ ಸುರಿದ ಮಳೆ ಗ್ರಾಮಸ್ಥರಿಗೆ ಒಂದೇಡೆ ಸಂತಸ ತಂದರೆ, ಇನ್ನೊಂದೆಡೆ ಗುಡುಗಿಗೆ ಸುಮಾರು ಅಂದಾಜು ೨ ಲಕ್ಷ ಮೌಲ್ಯದ ಕುರಿಗಳು ಜೀವ ಕಳೆದುಕೊಂಡಿದ್ದು ನಿರಾಶೆಯನ್ನುಂಟುಮಾಡಿದೆ.