ಲೇಖನ*- ಶಿಲ್ಪಾ. ಮೃತ್ಯುಂಜಯ. ಮಿಣಜಿಗಿಶಿಕ್ಷಕಿ & ಲೇಖಕಿಧಾರವಾಡ
ಉದಯರಶ್ಮಿ ದಿನಪತ್ರಿಕೆ
ಕಾಲ ಬದಲಾದಂತೆ ಎಲ್ಲವೂ ಬದಲಾಗುತ್ತಿದೆ. ನೂತನ ಮಾದರಿಯ ತಂತ್ರಜ್ಞಾನ ಮತ್ತು ಹೊಸ ಹೊಸ ಆವಿಷ್ಕಾರದತ್ತ ಮಕ್ಕಳನ್ನು ಸಿದ್ಧಗೊಳಿಸಬೇಕೆನ್ನುವ ಹಂಬಲದಲ್ಲಿ ಎಲ್ಲ ಪಾಲಕ ವರ್ಗದವರು, ಶಿಕ್ಷಕರು ತಮ್ಮದೇ ಆದಂತಹ ಸತತ ಪರಿಶ್ರಮ ಮತ್ತು ಪ್ರಯತ್ನಗಳನ್ನು ಮಾಡುತ್ತಿರುತ್ತಾರೆ. ಅದೆಲ್ಲದರ ಫಲವೇ ಇಂದು ನಾವು ಎಐ ಶಿಕ್ಷಣ ಎಂದು ಹೇಳಬಹುದು.
ಕೃತಕ ಬುದ್ಧಿಮತ್ತೆಯನ್ನು ಹೊಂದಿರುವಂತಹ ಈ ತಂತ್ರಜ್ಞಾನವು ತನ್ನದೇ ಆದಂತಹ ಛಾಪನ್ನು ಮೂಡಿಸಿದೆ. ವಿದ್ಯಾರ್ಥಿಗಳಿಗೆ ಈ ಶಿಕ್ಷಣವನ್ನು ಕೊಡುವುದರಿಂದ ಬದಲಾವಣೆಯ ಸಮಯದಲ್ಲಿ ಮಕ್ಕಳು ಬಹುಬೇಗ ಹೊಂದಿಕೊಳ್ಳುವ ಮನಸ್ಥಿತಿಯನ್ನು ತಮ್ಮಿಂದ ತಾವೇ ಅರಿತುಕೊಳ್ಳುವರು.
ಎ ಐ ಶಿಕ್ಷಣದ ಉಪಯೋಗಗಳು
೧. ವೈಯಕ್ತಿಕ ಕಲಿಕೆ
ಪ್ರತಿಯೊಬ್ಬ ಮಗುವಿನ ಕಲಿಯುವ ವೇಗ ಮತ್ತು ಸಾಮರ್ಥ್ಯ ಬೇರೆ ಬೇರೆಯಾಗಿರುತ್ತದೆ. ಎ ಐ ತಂತ್ರಜ್ಞಾನವು ಮಗುವಿನ ಆಸಕ್ತಿ ಮತ್ತು ದೌರ್ಬಲ್ಯಗಳನ್ನು ಗುರುತಿಸಿ, ಅವರಿಗೆ ತಕ್ಕಂತೆ ಪಠ್ಯಕ್ರಮವನ್ನು ವಿನ್ಯಾಸಗೊಳಿಸಲು ಸಹಾಯ ಮಾಡುತ್ತದೆ. ಇದರಿಂದ ಯಾರಿಗೂ ಹೊರೆಯಾಗದಂತೆ ಸುಲಭವಾಗಿ ಕಲಿಯಬಹುದು.
೨. ಹೊಸ ಕೌಶಲಗಳ ಅಭಿವೃದ್ಧಿ
ಭವಿಷ್ಯದ ಬಹುತೇಕ ಉದ್ಯೋಗಗಳು ತಂತ್ರಜ್ಞಾನದ ಮೇಲೆ ಅವಲಂಬಿತವಾಗಿರುತ್ತವೆ. ಮಕ್ಕಳು ಶಾಲಾ ಹಂತದಲ್ಲೇ (ಎ ಐ )ಬಗ್ಗೆ ತಿಳಿದುಕೊಂಡರೆ, ಅವರಿಗೆ ವಿಮರ್ಶಾತ್ಮಕ ಚಿಂತನೆ ಸಮಸ್ಯೆ ಬಗೆಹರಿಸುವಿಕೆ ಮತ್ತು ತಾರ್ಕಿಕ ಜ್ಞಾನ ಹೆಚ್ಚಾಗುತ್ತದೆ. ಆದರೆ ಸಮಗ್ರವಾಗಿ ಚರ್ಚಿಸಲು ಶಿಕ್ಷಕರ ಅವಶ್ಯಕತೆ ಇದ್ದೇ ಇರುತ್ತದೆ
೩.ಶಿಕ್ಷಕರಿಗೆ ಪೂರಕ ಶಕ್ತಿ
ಎಐ ಶಿಕ್ಷಕರ ಸ್ಥಾನವನ್ನು ತುಂಬಲಾರದು, ಆದರೆ ಶಿಕ್ಷಕರಿಗೆ ಸಹಾಯ ಮಾಡಬಲ್ಲದು. ಅಂಕಪಟ್ಟಿ ಸಿದ್ಧಪಡಿಸುವುದು, ಹಾಜರಾತಿ ನಿರ್ವಹಣೆಯಂತಹ ಕೆಲಸಗಳನ್ನು ಮಾಡಿದರೆ, ಶಿಕ್ಷಕರು ಮಕ್ಕಳಿಗೆ ಹೆಚ್ಚು ಗುಣಮಟ್ಟದ ಸಮಯವನ್ನು ನೀಡಲು ಸಾಧ್ಯವಾಗುತ್ತದೆ. ಏನೇ ಬದಲಾದರೂ ಶಿಕ್ಷಕ ಮಾತ್ರ ನಿರಂತರ ವಿದ್ಯಾರ್ಥಿಯಾಗಿಯೇ ಇರುತ್ತಾನೆ. ಯಾಕೆಂದರೆ ಹೊಸ ಕೌಶಲ್ಯಗಳನ್ನು ಕಲಿಯುತ್ತಾ, ಕಲಿಸುತ್ತಾ ತನ್ನ ಕೌಶಲ್ಯದ ಅಭಿವೃದ್ಧಿಯನ್ನು ಮಾಡಿಕೊಳ್ಳುವುದರ ಜೊತೆಗೆ ವಿದ್ಯಾರ್ಥಿಗಳ ಬೋಧನೆಗೂ ನೆರವಾಗುವವರೆ ಶಿಕ್ಷಕರು
*೪. ಭಾಷಾ ಕಲಿಕೆ ಮತ್ತು ಸಂಶೋಧನೆ
ಆಧಾರಿತ ಸಾಧನಗಳು ಭಾಷಾಂತರ ಮತ್ತು ಉಚ್ಚಾರಣೆಯನ್ನು ಸುಧಾರಿಸಲು ಸಹಕಾರಿ. ಸಂಕೀರ್ಣವಾದ ವಿಜ್ಞಾನ ಅಥವಾ ಗಣಿತದ ವಿಷಯಗಳನ್ನು ಸರಳವಾದ ಉದಾಹರಣೆಗಳ ಮೂಲಕ ಅರ್ಥಮಾಡಿಕೊಳ್ಳಲು ಇದು ಮಕ್ಕಳಿಗೆ ದಾರಿದೀಪವಾಗುತ್ತದೆ.
೫. ಸೃಜನಶೀಲತೆ ಹೆಚ್ಚಿಸಲು ನೆರವು
ಕೋಡಿಂಗ್, ಡಿಜಿಟಲ್ ಕಲೆ, ಮತ್ತು ವಿನ್ಯಾಸದಂತಹ ಕ್ಷೇತ್ರಗಳಲ್ಲಿ ಮಕ್ಕಳ ಸೃಜನಶೀಲತೆಗೆ ಹೊಸ ಆಯಾಮ ನೀಡುತ್ತದೆ. ಹೊಸ ಆಲೋಚನೆಗಳನ್ನು ಕಾರ್ಯರೂಪಕ್ಕೆ ತರಲು ಇದು ವೇದಿಕೆಯಾಗುತ್ತದೆ.
ಗಮನಿಸಬೇಕಾದ ಅಂಶಗಳು
ಅವಶ್ಯಕತೆಯಿದ್ದರೂ, ಅದರ ಸರಿಯಾದ ಬಳಕೆ ಮುಖ್ಯ.
ಮಕ್ಕಳು ಕೇವಲ ಎ ಐ ಮೇಲೆ ಅವಲಂಬಿತರಾಗಬಾರದು. (ಉದಾಹರಣೆಗೆ: ಹೋಮ್ವರ್ಕ್ ಮಾಡಲು ಮಾತ್ರ ಬಳಸುವುದು).
ತಂತ್ರಜ್ಞಾನದ ಜೊತೆಗೆ ನೈತಿಕತೆ ಮತ್ತು ಮಾನವೀಯ ಮೌಲ್ಯಗಳನ್ನು ಕಲಿಯುವುದು ಅಷ್ಟೇ ಮುಖ್ಯ.
ಒಟ್ಟಾರೆಯಾಗಿ, ೨೧ನೇ ಶತಮಾನದ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಮಕ್ಕಳು ಸನ್ನದ್ಧರಾಗಲು ಕೃತಕ ಬುದ್ಧಿಮತ್ತೆಯ ಮೂಲಭೂತ ಜ್ಞಾನ ಇಂದಿನ ಶಿಕ್ಷಣದ ಅನಿವಾರ್ಯತೆಯಾಗಿದೆ.
ನೂತನ ಶಿಕ್ಷಣ ಮಾದರಿ ಎಷ್ಟು ಅವಶ್ಯಕತೆಯೋ ಅಷ್ಟೇ ಮಕ್ಕಳನ್ನು
ವಿಚಾರವಂತರನ್ನಾಗಿ ಮಾಡುವ ಕಲೆಯಲ್ಲಿ ಸ್ವಲ್ಪ ಹಿಂದಿನ ಸ್ಥಾನವನ್ನು ಪಡೆಯುತ್ತದೆ ಎಂದು ಹೇಳಬಹುದು.
ಎಂತಹದೇ ತಂತ್ರಜ್ಞಾನ ಬರಲಿ
ಅದು ಶಿಕ್ಷಕರು ತಿಳಿಸಿ ಹೇಳಿದಂತೆ ಮಕ್ಕಳಿಗೆ ಮನದಟ್ಟು ಮಾಡಿಕೊಳ್ಳಲು ಸಾಧ್ಯವಿಲ್ಲ..
