ಹಾಲಿನ ಪುಡಿ ಅಕ್ರಮ ಸಾಗಾಟ :ಮೂವರು ವಶಕ್ಕೆ

ಇಂಡಿ: ಸರ್ಕಾರಿ ಶಾಲಾ ಮಕ್ಕಳಿಗೆ ಸೇರಬೇಕಿದ್ದ ಹಾಲಿನ ಪುಡಿಯನ್ನು ಅಕ್ರಮವಾಗಿ ಸಾಗಾಟ ಹಿನ್ನೆಲೆಯಲ್ಲಿ, ಗ್ರಾಮೀಣ ಠಾಣಾ ಸಿಪಿಐ ಎಮ್ ಎಮ್ ಡಪ್ಪಿನ ನೇತೃತ್ವದಲ್ಲಿ ಪೊಲೀಸರು ದಾಳಿಗೈದು ಮೂವರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ತಾಲ್ಲೂಕಿನ ಅಥರ್ಗಾ ಗ್ರಾಮದಲ್ಲಿ ಸುಮೀತ ಸಾತಪುತೆ, ನಿಶಾಂತ ಕಲಶೆಟ್ಟಿ, ದುಂಡಪ್ಪ ಗಂಗನಹಳ್ಳಿ ಬಂಧಿತ ಆರೋಪಿಗಳು. ಇನ್ನು ಆರೋಪಿಗಳಿಂದ 30 ಕೆಜಿಯ 66 ಪ್ಲಾಸ್ಟಿಕ್ ಬ್ಯಾಗ್, 20 ಕೆಜಿಯ ಒಂದು ಬ್ಯಾಗ್ ಹಾಗೂ ಒಂದು ಪಿಕ್ ಆಫ್ ವಾಹನ ವಶಕ್ಕೆ ಪಡೆದುಕೊಂಡಿದ್ದಾರೆ.
ಈ ಸಂದರ್ಭದಲ್ಲಿ ತಾಲೂಕು ಪಂಚಾಯತ್ ಸಹಾಯಕ ನಿರ್ದೇಶಕ ಎಮ್ ಎಚ್ ಯರಗುದ್ರಿ ಇದ್ದರು.
ಈ ಕುರಿತು ಇಂಡಿ ಗ್ರಾಮೀಣ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.