ಆಲಮೇಲದಲ್ಲಿ ಪೊಲೀಸ್ ಠಾಣೆ ಕಟ್ಟಡ ನಿರ್ಮಾಣ ಕಾಮಗಾರಿ ಭೂಮಿಪೂಜೆ ನೆರವೇರಿಸಿದ ಶಾಸಕ ಅಶೋಕ ಮನಗೂಳಿ ಭರವಸೆ
ಉದಯರಶ್ಮಿ ದಿನಪತ್ರಿಕೆ
ಆಲಮೇಲ: ಪಟ್ಟಣವು ಸುತ್ತ ಮತ್ತಲಿನ ಗ್ರಾಮದವರಿಗೆ ವ್ಯಾಪಾರ ಕೇಂದ್ರವಾಗಬೇಕು ಮತ್ತು ಆಲಮೇಲ ಅಭಿವೃದ್ದಿ ಹೊಂದಿದ ತಾಲೂಕು ಕೇಂದ್ರ ವಾಗಬೇಕು. ಈ ದಿಸೆಯಲ್ಲಿ ಎಲ್ಲ ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಳ್ಳಲು ಬದ್ಧನಾಗಿರುವೆ ಎಂದು ಸಿಂದಗಿ ಶಾಸಕ ಅಶೋಕ ಮನಗೂಳಿ ಹೇಳಿದರು.
ಕರ್ನಾಟಕ ರಾಜ್ಯ ಪೊಲೀಸ್ ವಸತಿ ಮತ್ತು ಮೂಲಭೂತ ಸೌಲಭ್ಯ ಅಭಿವೃದ್ದಿ ನಿಗಮ ನಿಯಮಿತ ಉಪವಿಭಾಗದಿಂದ ಆಲಮೇಲ ಪಟ್ಟಣದಲ್ಲಿ ಗ್ರೇಡ್-೪ ಪೊಲೀಸ್ ಠಾಣೆ ಕಟ್ಟಡ ನಿರ್ಮಾಣ ಕಾಮಗಾರಿ ಭೂಮಿ ಪೂಜಾ ಸಮಾರಂಭ ಉದ್ದೇಶಿಸಿ ಅವರು ಮಾತನಾಡಿದರು.
ಆಲಮೇಲದಲ್ಲಿ ಪ್ರಜಾಸೌದ ನಿರ್ಮಾಣಕ್ಕೆ ೮ ಕೋಟಿ ರೂ. ಮತ್ತು ಅಗ್ನಿಶಾಮಕ ದಳಕ್ಕೆ ೩.೫ ಕೋಟಿ ರೂ. ಬಾಲಕರ ವಸತಿ ನೀಲಯಕ್ಕೆ ೫ ಕೋಟಿ ರೂ. ಮಂಜುರು ಆಗಿದ್ದು ಆಲಮೇಲ ಪಟ್ಟಣಕ್ಕೆ ನನ್ನ ಮುಂದಿನ ಅಧಿಕಾರ ಅವದಿಯಲ್ಲಿ ಇನ್ನೂ ಹೆಚ್ಚಿನ ಕೆಲಸ ಮಾಡುತ್ತೇನೆ ಎಂದು ಶಾಸಕ ಮನಗೂಳಿ ಹೇಳಿದರು.
ಈ ಕಾರ್ಯಕ್ರಮದಲ್ಲಿ ಠಾಣ ಪಿ.ಎಸ್.ಐ ಅರವಿಂದ ಅಂಗಡಿ, ಪ.ಪಂ ಮುಖ್ಯ ಅಧಿಕಾರಿ ನಾಯಕ, ಪ.ಪಂ ಅಧ್ಯಕ್ಷ ಸಾಧಿಕ ಸುಂಬಡ, ಕೃಷಿ ಮಾರುಕಟ್ಟೆ ಅಧ್ಯಕ್ಷ ಬಸವರಾಜ ಬಾಗೆವಾಡಿ, ಪ.ಪಂ ಸದಸ್ಯ ರಾಹುಲ ಯಂಟಮಾನ, ದಯಾನಂದ ನಾರಾಯಣಕರ, ಸಂಜು ಯಂಟಮಾನ, ಭಾಗ್ಯವಂತ ಆಲಮೇಲಕರ, ಮೈಬೂಬ ಮಸಳಿ, ಅಶೋಕ ಕೋಳಾರಿ, ಮಲ್ಲು ಅಚಲೇರಿ, ಗುತ್ತಿಗೆದಾರ ಮಡಿವಾಳಯ್ಯ ಹೀರೇಮಠ ಪೋಲಿಸ ಸಿಬ್ಬಂದಿ ಇದ್ದರು.
