ಜೆಡಿಎಸ್ಸಿನ ರಾಜುಗೌಡ ಗೆಲುವಿಗಾಗಿ ಅಭಿಮಾನಿಗಳಿಂದ ದೀರ್ಘದಂಡ ನಮನ

ದೇವರಹಿಪ್ಪರಗಿ: ಮತಕ್ಷೇತ್ರದ ಜೆಡಿಎಸ್ ಅಭ್ಯರ್ಥಿ ರಾಜುಗೌಡ ಪಾಟೀಲ ಗೆಲುವಿಗಾಗಿ ಅಭಿಮಾನಿಗಳು ಇಂಗಳಗಿ ಗ್ರಾಮದ ಅಮೋಘಸಿದ್ದೇಶ್ವರ ದೇವಸ್ಥಾನದಿಂದ ರಾವುತರಾಯ ದೇವಸ್ಥಾನದವರೆಗೆ ದೀರ್ಘದಂಡ ನಮಸ್ಕಾರಗಳನ್ನು ಸಲ್ಲಿಸಿದರು.
ಪಟ್ಟಣದಿಂದ ೪ ಕಿ.ಮೀ ದೂರದ ಇಂಗಳಗಿ ಗ್ರಾಮದ ಜೆಡಿಎಸ್ ಕಾರ್ಯಕರ್ತರು ಹಾಗೂ ರಾಜುಗೌಡ ಪಾಟೀಲ ಅಭಿಮಾನಿಗಳಾದ ಮುತ್ತು ನಾದ, ರವಿ ಬಿರಾದಾರ, ಸಿದ್ದನಗೌಡ ಪೋಲೇಶಿ ಹಾಗೂ ಕಲ್ಮೇಶ ಇಂಡಿ ಅನ್ನುವವರು ತಮ್ಮ ಗ್ರಾಮದ ದೇವಸ್ಥಾನದಿಂದ ಪಟ್ಟಣದ ರಾವುತರಾಯ ದೇವಸ್ಥಾನದವರೆಗೆ ದಿಡನಮಸ್ಕಾರದ ಮೂಲಕ ತಮ್ಮ ಅಭಿಮಾನ ಮೆರೆದರು.
ಈ ಸಂದರ್ಭದಲ್ಲಿ ಕಾಸುಗೌಡ ಜಲಕತ್ತಿ, ಗುರುರಾಜ್ ಆಕಳವಾಡಿ, ಸಂಗನಗೌಡ ಬಿರಾದಾರ (ಮುಳಸಾವಳಗಿ), ರಿಯಾಜ್ ನಾಯ್ಕೋಡಿ, ಸುಭಾಸ ಜಾಧವ, ಸಂತೋಷ ಬಿರಾದಾರ, ಮಂಜುನಾಥ ಕೊಕಟನೂರ, ಬಂಡೆಪ್ಪ ದಿಂಡವಾರ, ನಿಂಗು ಯಂಭತ್ನಾಳ, ಮಿಯಾಜ್ ಯಲಗಾರ, ನಾಗೇಶ ಶೆಟಗಾರ ಇದ್ದರು.