ಉದಯರಶ್ಮಿ ದಿನಪತ್ರಿಕೆ
ವಿಜಯಪುರ: ಬೆಂಗಳೂರಿನಲ್ಲಿರುವ ರಾಜೀವಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ ಕಳೆದ ವರ್ಷ ನವೆಂಬರ್ ಡಿಸೆಂಬರ್ ತಿಂಗಳಿನಲ್ಲಿ ನಡೆಸಿದ ಪರೀಕ್ಷೆಯಲ್ಲಿ ನಗರದ ಪ್ರತಿಷ್ಠಿತ ಬಿ.ಎಲ್.ಡಿ.ಇ ಸಂಸ್ಥೆಯ ಶ್ರೀ ಸಂಗನಬಸವ ಮಹಾಸ್ವಾಮೀಜಿ ಔಷಧ (ಫಾರ್ಮಸಿ) ಮಹಾವಿದ್ಯಾಲಯದ ಐದು ಜನ ವಿದ್ಯಾರ್ಥಿಗಳು ಸ್ನಾತಕೋತ್ತರ ಮತ್ತು ನಾಲ್ಕು ಜನ ವಿದ್ಯಾರ್ಥಿಗಳು ಪದವಿ ವಿಭಾಗಗಳಲ್ಲಿ ರಾಜ್ಯ ಮಟ್ಟದಲ್ಲಿ ರ್ಯಾಂಕ್ ಗಳಿಸುವ ಮೂಲಕ ಗಮನ ಜಿಲ್ಲೆಗೆ ಕೀರ್ತಿ ತಂದಿದ್ದಾರೆ.
ಸ್ನಾತಕೋತ್ತರ ಎಂ. ಫಾರ್ಮಾ ಪರೀಕ್ಷೆಯಲ್ಲಿ ನಾನಾ ವಿಷಯಗಳ ಒಟ್ಟು 2325 ಅಂಕಗಳಿಗೆ ಪರೀಕ್ಷೆ ನಡೆದಿತ್ತು. ಎಂ. ಫಾರ್ಮಾ ಕೆಮೆಸ್ಟ್ರಿ ವಿಭಾಗದಲ್ಲಿ ಹಣಮಂತ ಬಿ. ಸಣ್ಣಕ್ಕಿ ಅವರು 3ನೇ ರ್ಯಾಂಕ್ (2090 ಅಂಕ), ಎಂ. ಫಾರ್ಮ್ ಕ್ವಾಲಿಟಿ ಅಶೂರನ್ಸ್ ವಿಭಾಗದಲ್ಲಿ ಜಗದೇವಿ 7ನೇ ರ್ಯಾಂಕ್ (2033 ಅಂಕ), ಎಂ. ಫಾರ್ಮ್ ಫಾರ್ಮಸಿ ಪ್ರ್ಯಾಕ್ಟಿಸ್ ವಿಭಾಗದಲ್ಲಿ ಪ್ರಜ್ವಲ ಸಿ. ಮಠ 3ನೇ ರ್ಯಾಂಕ್ (2005 ಅಂಕ), ಮಲ್ಲಿಕಾರ್ಜುನ್ ಎಸ್. ಇರಣಿ 7ನೇ ರ್ಯಾಂಕ್ (1930 ಅಂಕ), ಮುರುಗೇಶ ದೇವೂರ 10ನೇ ರ್ಯಾಂಕ್ (1897 ಅಂಕ) ಗಳಿಸಿದ್ದಾರೆ.
ಬಿ. ಫಾರ್ಮ್ ವಿಭಾಗದಲ್ಲಿ 1ನೇ ಸೆಮಿಸ್ಟರ್ ನಲ್ಲಿ ವಿನಯ ಸಿ. ಎಂ ಒಟ್ಟು 675 ಅಂಕಗಳ ಪೈಕಿ 583 ಅಂಕ ಪಡೆದು 5ನೇ ರ್ಯಾಂಕ್ ಗಳಿಸಿದ್ದಾರೆ. 2ನೇ ಸೆಮಿಸ್ಟರ್ ಒಟ್ಟು 725 ಅಂಕಗಳ ಪಟ್ಟಿ ಅಶ್ವಿನಿ ಎಸ್ ಪಾಶ್ಚಾಪುರ 3ನೇ ರ್ಯಾಂಕ್ (648 ಅಂಕ), ದೀಪಾಲಿ ಬೀಸೆ ಮತ್ತು ಸ್ಮೀತಾ ಬಿ. ಅಂಗಡಗೇರಿ ಇಬ್ಬರೂ 10ನೇ ರ್ಯಾಂಕ್ (ತಲಾ 633 ಅಂಕ) ಗಳಿಸಿದ್ದಾರೆ. ಅಷ್ಟೇ ಅಲ್ಲ, ಕಾಲೇಜಿನ 142 ವಿದ್ಯಾರ್ಥಿಗಳು ನಾನಾ ವಿಷಯಗಳಲ್ಲಿ ನಾನಾ ರ್ಯಾಂಕ್ ಗಳಿಸಿದ್ದಾರೆ.
ವಿದ್ಯಾರ್ಥಿಗಳ ಈ ಸಾಧನೆಗೆ ಬಿ.ಎಲ್.ಡಿ.ಇ ಸಂಸ್ಥೆಯ ಅಧ್ಯಕ್ಷ ಎಂ. ಬಿ. ಪಾಟೀಲ, ಪ್ರಧಾನ ಕಾರ್ಯದರ್ಶಿ ಸುನೀಲಗೌಡ ಪಾಟೀಲ, ಆಡಳಿತ ಮಂಡಳಿ ಪದಾಧಿಕಾರಿಗಳು, ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ ಎಂದು ಕಾಲೇಜಿನ ಪ್ರಾಚಾರ್ಯ ಮಲ್ಲಿಕಾರ್ಜುನ ಶೆಟ್ಟಿ ಮಾಧ್ಯಮ ಪ್ರಕಟಣೆಯಲ್ಲಿ ಮಾಹಿತಿ ನೀಡಿದ್ದಾರೆ.
