ನಗರದ ವಿವಿಧೆಡೆ ಶಾಸಕ ಯತ್ನಾಳ ಮತಯಾಚನೆ
ವಿಜಯಪುರ: ಕಳೆದ ಬಾರಿ ಮುಸ್ಲಿಂ ಸಮುದಾಯ ಪ್ರದೇಶಗಳಲ್ಲಿ ಸಾವಿರಕ್ಕೆ ಒಂದೆರಡು ಮತಗಳು ಮಾತ್ರ ನಮಗೆ ಬಿದ್ದಿವೆ. ಅದೇ ರೀತಿ ನಮ್ಮ ಹಿಂದೂಗಳು ಕೂಡ ಜಾಗೃತರಾಗಿ, ಒಂದಾಗಿ ಹೆಚ್ಚಿನ ಪ್ರಮಾಣದಲ್ಲಿ ನನಗೆ ಮತ ನೀಡಬೇಕು ಎಂದು ನಗರ ಶಾಸಕ ಬಸನಗೌಡ ರಾ ಪಾಟೀಲ ಯತ್ನಾಳ ಅವರು ಹೇಳಿದರು.
ನಗರದ ವಾರ್ಡ ನಂ.29 ಮತ್ತು 3೦ರ ಕಾಸಗೇರಿ ಓಣಿ, ಗೌಡರ ಓಣಿ, ರಾಮನಗರ, ರಾಜಾಜಿನಗರದಲ್ಲಿ ಮತಯಾಚನೆ ಮಾಡಿ ಮಾತನಾಡಿದ ಅವರು, ಕಳೆದ ಬಾರಿ ನಮ್ಮವರು ಶೇ 58 ರಷ್ಟು ಮಾತ್ರ ಮತದಾನ ಮಾಡಿದರೆ, ಅವರು ಶೇ ೮೫ ರಷ್ಟು ಮತದಾನ ಮಾಡಿದ್ದರು. ಈ ಬಾರಿ ಶೇ ೯೦ ರಷ್ಟು ನಾವುಗಳು ಮತದಾನ ಮಾಡಿದರೆ, ಕನಿಷ್ಠ 4೦ ಸಾವಿರ ಮತಗಳಿಂದ ಗೆದ್ದು, ಮತ್ತೆ ಕೇಸರಿ ಗುಲಾಲ ಹಾರುವುದು ನಿಶ್ಚಿತ ಎಂದರು.
ಮತದಾನ ಸಮಯದಲ್ಲಿ ಎಲ್ಲಿಯೂ ಕೂಡ ದಾಂಧ0ಲೆ ಆಗಲು ಸಾಧ್ಯವಿಲ್ಲ. ಮಿಲಿಟರಿ ನಿಯೋಜನೆ ಇರುತ್ತದೆ. ಸೂಕ್ಷö್ಮ ಪ್ರದೇಶಗಳಲ್ಲಿ ಸಿಸಿ ಕ್ಯಾಮೇರಾ ಸಹ ಅಳವಡಿಸಲಾಗಿದೆ. ಎಲ್ಲರೂ ಮನೆಯಿಂದ ಹೊರಬಂದು ಮತ ಚಲಾಯಿಸಿ ದಾಖಲೆಯ ಶೇ.೯೦ ಮತದಾನ ಮಾಡಿದರೆ, ಅದೇ ದಿನ ಸಂಜೆ ಗುಲಾಲ ಹಾರಿಸೋಣ ಎಂದು ಹೇಳಿದರು.
ನಗರದಲ್ಲಿ ಗೂಂಡಾಗಿರಿ, ದಬ್ಬಾಳಿಕೆ ನಿಲ್ಲಿಸಲಾಗಿದೆ. ಧೂಳಾಪುರ ಎಂಬ ಅಪಖ್ಯಾತಿಗೆ ಗುರಿಯಾಗಿದ್ದ ನಗರದ ಮುಖ್ಯ ಹಾಗೂ ಆಂತರಿಕ ರಸ್ತೆಗಳನ್ನು ಅಭಿವೃದ್ಧಿಪಡಿಸುವ ಮೂಲಕ ಮಾದರಿ ನಗರವನ್ನಾಗಿ ಅಭಿವೃದ್ಧಿ ಪಡಿಸಲಾಗಿದೆ. ಪಾಕಿಸ್ತಾನದಂತಾಗಿದ್ದ ನೆಹರು ಮಾರುಕಟ್ಟೆ ಬಳಿ ಸಂಪೂರ್ಣ ಬದಲಾಯಿಸಿ, ಸುರಕ್ಷಿತ ನಗರವನ್ನಾಗಿ ಮಾಡಲಾಗಿದೆ ಎಂದರು.
ನಮ್ಮ ಜಿಲ್ಲೆಯಲ್ಲಿ ಬೆಳೆಯುತ್ತಿರುವ ದ್ರಾಕ್ಷಿಯನ್ನು ಹೊರದೇಶದಲ್ಲಿ ಇಲ್ಲಿಯೇ ಕುಳಿತು ಮಾರಾಟ ಮಾಡುವ ವ್ಯವಸ್ಥೆ ವೈನ್ ಪಾರ್ಕದಿಂದ ಆಗುತ್ತದೆ. ಈಗಾಗಲೇ ರೂ.140 ಕೋಟಿ ಅನುದಾನ ಮಂಜೂರಾಗಿದೆ. ಅಲ್ಲದೇ, ಜವಳಿ ಪಾರ್ಕ, ಜಿಟಿಟಿಸಿ ಕಾಲೇಜು ಸಹ ಮಂಜೂರು ಮಾಡಿಸಿರುವೆ. ವಿಮಾನ ನಿಲ್ದಾಣಕ್ಕೆ ಹೆಚ್ಚುವರಿ ರೂ.೨೫೦ ಬರಲು ಕಾರಣ ನಾನು ವಿಧಾನಸಭೆಯಲ್ಲಿ ಧ್ವನಿ ಎತ್ತಿದಕ್ಕೆ ಎಂದು ತಿಳಿಸಿದರು.
ನಮ್ಮ ಹೋರಾಟದ ಫಲವಾಗಿ ಸಮಸ್ತ ಲಿಂಗಾಯತ ಸಮುದಾಯಕ್ಕೆ ಹೆಚ್ಚುವರಿ ಶೇ.೨ ರಷ್ಟು ಮೀಸಲಾತಿ ದೊರಕಿತು. ಇದರಿಂದ ಉದ್ಯೋಗ, ಶಿಕ್ಷಣದಲ್ಲಿ ಅನುಕೂಲವಾಗಲಿದೆ. ೨ಎ ದಲ್ಲಿರುವ ಸಮಾಜಕ್ಕೆ ಅನ್ಯಾಯವಾಗದಂತೆ, ಎರಡು ಕಡೆ ಮೀಸಲಾತಿ ಪಡೆಯುವುದು ರದ್ದುಪಡಿಸಿ, ೨ಡಿ ವರ್ಗ ಸೃಜಿಸಿ ಲಿಂಗಾಯತರಿಗೆ, ಒಕ್ಕಲಿಗರಿಗೆ ತಲಾ ಶೇ 2 ಮೀಸಲಾತಿ ನೀಡಲಾಗಿದೆ. ಅದನ್ನು ತೆಗೆಯುತ್ತೇವೆ ಎನ್ನುವ ಕಾಂಗ್ರೆಸ್ ಗೆ ಮತ ಹಾಕಬೇಡಿ ಎಂದರು.
ಮಹಾನಗರ ಪಾಲಿಕೆ ಸದಸ್ಯರು, ವಿವಿಧ ಕಾಲೊನಿ/ಬಡಾವಣೆಗಳ ಹಿರಿಯರು, ಪಕ್ಷದ ಮುಖಂಡರು, ಕಾರ್ಯಕರ್ತರು, ಅಭಿಮಾನಿಗಳು, ಮಹಿಳೆಯರು, ಹಿತೈಷಿಗಳು ಇದ್ದರು.
