ಎನ್‌ಎಮ್ಮೆಸ್ ಪರೀಕ್ಷೆಯಲ್ಲಿ ಸುಜಾತಾ ಪ್ರಥಮ

ದೇವರಹಿಪ್ಪರಗಿ: ಜಾಲವಾದ ಗ್ರಾಮದ ಕರ್ನಾಟಕ ಪಬ್ಲಿಕ್ ಪ್ರೌಢಶಾಲೆಯ ವಿದ್ಯಾರ್ಥಿನಿ ಸುಜಾತಾ ಧರೆಪ್ಪ ಹಡಪದ ಇವಳು ಇತ್ತೀಚಿಗೆ ಜರುಗಿದ ಎನ್‌ಎಮ್‌ಎಮ್‌ಎಸ್ ಪರೀಕ್ಷೆಯಲ್ಲಿ ೧೧೪ ಅಂಕಗಳನ್ನು ಪಡೆದು ಸಿಂದಗಿ ತಾಲ್ಲೂಕಿಗೆ ಪ್ರಥಮ ಹಾಗೂ ವಿಜಯಪುರ ಜಿಲ್ಲೆಗೆ ತೃತಿಯ ಸ್ಥಾನವನ್ನು ಪಡೆದಿದ್ದಾಳೆ.
ವಿದ್ಯಾರ್ಥಿನಿಯ ಈ ಸಾಧನೆಗೆ ಶಾಲೆಯ ಉಪಪ್ರಾಂಶುಪಾಲ ಅಶೋಕ ಹೊಸಗೌಡರ ಸೇರಿದಂತೆ ಸಿಬ್ಬಂದಿ, ಎಸ್‌ಡಿಎಮ್‌ಸಿ ಸದಸ್ಯರು, ಗ್ರಾಮಸ್ಥರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.