ಮಹಿಳಾ ಮಂಡಳಿಯಿಂದ ಅದ್ಧೂರಿ ರಂಗಪಂಚಮಿ

ಚಡಚಣ: ಪಟ್ಟಣದಲ್ಲಿ ಶುಕ್ರವಾರ ರಂಗಪಂಚಮಿ ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸಲಾಯಿತು.
ಬೆಳಗ್ಗೆ ವಿದ್ಯಾನಗರದ ಮಹಿಳಾ ಮಂಡಳಿ, ಯುವತಿಯರು, ಮಕ್ಕಳು ಒಬ್ಬರಿಗೊಬ್ಬರು ಬಣ್ಣ ಎರಚಿ ಸಂಭ್ರಮಿಸಿದರು. ಮಹಿಳೆಯರು ಮನೆ ಮನೆಗೆ ತೆರಳಿ ತಮ್ಮ ಗೆಳತಿಯರಿಗೆ ಬಣ್ಣ ಹಚ್ಚಿ ರಂಗ ಪಂಚಮಿ ಹಬ್ಬ ಆಚರಿಸಿದರು.
ಮಕ್ಕಳು ಬೆಳಗ್ಗೆಯಿಂದಲೇ ಒಬ್ಬರಿಗೊಬ್ಬರು ಬಣ್ಣ ಹಚ್ಚಿದರು. ಮತ್ತು ಪಿಚಕಾರಿಗಳಿಂದ ಬಣ್ಣ ಎರಚಿದರು. ನಂತರ ಮಧ್ಯಾಹ್ನ , ಮಕ್ಕಳು ಮತ್ತು ಮಹಿಳೆಯರು ಬಣ್ಣದೋಕುಳಿಯಲ್ಲಿ ಮಿಂದು ಸಂತೋಷದಿಂದ ಆಟವಾಡುತ್ತಾ ರಂಗೇರಿದ ಮುಖಗಳಿಂದ ರಂಗಪಂಚಮಿಯನ್ನು ಅದ್ಧೂರಿಯಾಗಿ ಆಚರಿಸಿದರು.