ಉದಯರಶ್ಮಿ ದಿನಪತ್ರಿಕೆ
ವಿಜಯಪುರ: ಶಿವಯೋಗಿ, ಶಿವಶರಣರ ಕುರಿತು ನಾಟಕ, ಸಾಹಿತ್ಯ, ಕಲೆ ಪ್ರಸ್ತುತ ಪಡಿಸುವಾಗ ಕೆಲವರು ತಮ್ಮ ವೈಯುಕ್ತಿಕ ವಿಚಾರಗಳಡಿ ಮಾತ್ರ ನೋಡುವಂತೆ ಸಮಾಜದಲ್ಲಿ ಬಿಂಬಿಸುವಂತೆ ಮಾತನಾಡುತ್ತಿರುವುದು ತರವಲ್ಲ ,ಮಾತನಾಡುವ, ವಿಚಾರ ಮಂಡಿಸುವ ಹಕ್ಕು ಎಲ್ಲರಿಗೂ ಇದೆ ಆದರೆ ತಮ್ಮ ವಿಚಾರವೇ ಶ್ರೇಷ್ಠ ಎಂಬ ಮಡಿವಂತಿಕೆ ಕೈ ಬಿಡಬೇಕು, ಅವರವರ ಭಾವ ಭಕುತಿಗೆ ಮೆಚ್ಚುತಿಹ ಶಿವಯೋಗಿ ಎಂಬುವ ಶಿವಶರಣರ ಮಾತು ಇಂದಿಗೂ ಮಾನವರ ಅಭಿವ್ಯಕ್ತ ಸ್ವಾತಂತ್ರ್ಯದ ಹಕ್ಕು ಎತ್ತಿ ತೋರುತ್ತದೆ ಇತರರ ಮೇಲೆ ತಮ್ಮ ವಿಚಾರಗಳು ಒತ್ತಡದಿ ಹೇರಬಾರದು ಎಂಬುವುದನ್ನು ಎತ್ತಿ ತೋರುತ್ತದೆ ಎಂದು ಕರ್ನಾಟಕ ವಕೀಲರ ಸಾಹಿತ್ಯ ಪರಿಷತ್ತಿನ ಮುಖಂಡ, ಕಪ್ಪು ಕೋಟಿನ ಕವಿ ಮಲ್ಲಿಕಾರ್ಜುನ ಭೃಂಗಿಮಠ ಹೇಳಿದರು.
ಅವರು ಬೆಂಗಳೂರಿನ ರವಿಂದ್ರ ಕಲಾ ಕ್ಷೇತ್ರದಲ್ಲಿ ರಂಗ ಬದುಕು ಟ್ರಸ್ಟ ಕರ್ನಾಟಕ ನಾಟಕ ಅಕಾಡೆಮಿ ಸಹಯೋಗದೊಂದಿಗೆ ಪ್ರಸ್ತುತ ಪಡಿಸಿದ “ಕದಳಿಯ ವನದ ಅಕ್ಕ” ನಾಟಕ ಪ್ರದರ್ಶನ ಸಮಾರಂಭ ಹಾಗೂ ಅಕ್ಕ ಪ್ರಶಸ್ತಿ ಪ್ರದಾನ ಸಮಾರಂಭವನ್ನುದ್ದೇಶಿಸಿ ಮಾತನಾಡುತ್ತಿದ್ದರು.
ಶಿವಶರಣರು ಸೀಮಾತೀತರಾಗಿದ್ದಾರೆ. ಎಲ್ಲರೊಳಗೊಂದಾಗುವ ವಿಚಾರ ಬಿತ್ತಿದ್ದಾರೆ ಎಂದ ಅವರು ಎಸ್ ಎಲ್ ಎನ್ ಸ್ವಾಮೀಜಿಯವರ ನಿರ್ದೇಶನ, ಹೆಲನ್ ಮೈಸೂರರಂತಹ ಹಿರಿಯ ರಂಗಭೂಮಿ ಕಲಾವಿದೆಯು ಅಭಿನಯಿಸಿದ ನಾಟಕ, ಅಕ್ಕನ ಪಾತ್ರ ಹಾಗೂ ಇತರ ಕಲಾವಿದರು ಅಭಿನಯಿಸಿದ ಪಾತ್ರಗಳು ಕದಳಿಯ ಮಹಾ ಶಿವಶರಣೆ ಉಡತಡಿ ಅಕ್ಕಮಹಾದೇವಿಯ ವಿಚಾರಗಳು ಪ್ರೇಕ್ಷಕರಲ್ಲಿ ಅಚ್ಚಳಿಯದಂತೆ ಮಾಡಿದವು ಎಂದ ಅವರು ಶಿವ ಮತ್ತು ಶರಣ ಎರಡು ಬೇರೆಯಲ್ಲ ಅವು ಒಂದೆ ಆಗಿವೆ “ಶಿವಶರಣ” ಒಟ್ಟಿಗೆ ಎಂಬುವುದು ನಾವು ಅರಿಯಬೇಕು ಎಂದರು.
ಹಿರಿಯ ವಿಶ್ರಾಂತ ಅಯ್ ಎ ಎಸ್ ಅಧಿಕಾರಿ ಬಿ.ಸೋಮಶೇಖರ ಅವರು ಮಾತನಾಡಿ, ಕದಳಿಯ ಬನದ ಅಕ್ಕಮಹಾದೇವಿ ನಾಟಕಕ್ಕೆ ಅಧುನಿಕ ಟಚ್ ಅಪ್ ನೀಡಿದ ಕಲಾ ತಂಡದ ಸಾಧನೆ ನಿಜವಾಗಿಯೂ ಶ್ಲಾಘನೀಯ ಎಂದರು.
ನಾಟಕ ಅಕಾಡೆಮಿ ಅಧ್ಯಕ್ಷ ಕೆ .ವಿ.ನಾಗರಾಜಮೂರ್ತಿ ಅವರು ಮಾತಮಾಡಿ, ರಂಗಭೂಮಿ ಕಲೆ ನೋಡಲು ಇಷ್ಟು ಸಂಖ್ಯೆಯಲ್ಲಿ ಜನ ಸೇರಿದ್ದೂ ಇಂದಿಗೂ ರಂಗಭೂಮಿಯ ಮಹತ್ವ ಎತ್ತಿ ತೋರಿಸುತ್ತದೆ ಎಂದರು.
ಶ್ರೀ ಷಡಾಕ್ಷರಿ ಅವರು ಮಾತನಾಡಿ ರಂಗ ಭೂಮಿಯನ್ನು ಉಳಿಸಿ ಬೆಳೆಸಬೇಕು ಎಂದರು.
ಸಮತಾ ದೇಶಮಾನೆ, ಸುಮಾ ಹವಾಲ್ದಾರ, ಭಾರತಿ ರಾವ್, ರಾಜಣ್ಣ ಜೇವರ್ಗಿ ಇತರರನ್ನು ಸನ್ಮಾನಿಸಿ, ಪುರಸ್ಕರಿಸಲಾಯಿತು.
ಈ ಸಂಧರ್ಭದಲ್ಲಿ ಹಲವು ಸಾಧಕರಿಗೆ ಅಕ್ಕ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
