ಉದಯರಶ್ಮಿ ದಿನಪತ್ರಿಕೆ
ಆಲಮೇಲ: ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸಹಕಾರಿ ಸಂಘಗಳು ( ಪಿಕೆಪಿಎಸ್ ) ರೈತರ ಜೀವನಾಡಿಯಾಗಿದ್ದು. ರೈತರ ಆರ್ಥಿಕ ಸದೃಢತೆಗೆ ಸಹಕಾರ ಸಂಘಗಳನ್ನು ಮತ್ತಷ್ಟು ಬಲಪಡಿಸಬೇಕು ಎಂದು ವಿವಿಧೋದ್ದೇಶ ಪ್ರಾಥಮಿಕ ಗ್ರಾಮೀಣ ಕೃಷಿ ಸರಕಾರ ಸಂಘದ ಅಧ್ಯಕ್ಷ ನಾಗಪ್ಪ ಅಮರಗೊಂಡ ಹೇಳಿದರು.
ಆಲಮೇಲ ಪಟ್ಟಣದ ಶ್ರೀ ವಿಶ್ವೇಶ್ವರ ಸಭಾಭವನದಲ್ಲಿ 2025-26 ನೇ ಸಾಲಿನ (119) ನೇ ವಾರ್ಷಿಕ ಸರ್ವ ಸಾಧಾರಣ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಗ್ರಾಮೀಣ ಭಾಗದ ರೈತರ ಆರ್ಥಿಕ ಚಟುವಟಿಕೆಗಳಿಗೆ ಪಿಕೆಪಿಎಸ್ ಪ್ರಮುಖ ಸಹಕಾರ ನೀಡುತ್ತಿವೆ. ಕೃಷಿ ಚಟುವಟಿಕೆಗಳಿಗೆ ಅಗತ್ಯವಿರುವ ಸಾಲ ಸೌಲಭ್ಯ ಉಳಿತಾಯ ಸೇರಿದಂತೆ ವಿವಿಧ ಸೇವೆಗಳನ್ನು ರೈತರು ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಹೇಳಿದರು.
ಎಂ ಎಸ್ ಜಯವಡಗಿ ನಿರ್ದೇಶಕರು ಕ್ಷೇತ್ರ ಅಧಿಕಾರಿಗಳು, ವಿಡಿಸಿಸಿ ಬ್ಯಾಂಕ್ ಅಲಮೇಲ ಹಾಗೂ ಭಾಗಣ್ಣ ಗುರುಕಾರ ಚಾಲನೆ ನೀಡಿ ಮಾತನಾಡಿ, ರೈತರು ಹೆಚ್ಚಿನ ಸಂಖ್ಯೆಯಲ್ಲಿ ಶೇರು ಸದಸ್ಯರಾಗುವುದರ ಜೊತೆಗೆ ಸಂಘದೊಂದಿಗೆ ನಿರಂತರವಾಗಿ ವ್ಯವಹಾರ ನಡೆಸಿದರೆ ಸಂಸ್ಥೆ ವ್ಯವಹಾರ ವಿಸ್ತಾರಗೊಂಡು ಮುಂದಿನ ದಿನಗಳಲ್ಲಿ ರೈತರಿಗೆ ಇನ್ನೆಷ್ಟು ಉತ್ತಮ ಸೇವೆ ಒದಗಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.
ವಸ್ತಾದ್ ಜಮಾದಾರ, ಭೀಮಾಶಂಕರ ಬಂಡಗಾರ, ಮೈಬು ಮಸಳಿ, ಬಾಬು ಕೊತ್ತಂಬರಿ, ಸಿದ್ದಪ್ಪ ಹವಳಗಿ, ಪ್ರತಿನಿಧಿಯಾಗಿ ಸಿದ್ದು ಕೋಳಾರಿ, ಶ್ರೀಮತಿ ಚಂದಮ್ಮ ಗುರುಕಾರ, ಪಂಚಯ್ಯ ರಾಂಪುರಮಠ, ಶಶಿಧರ ನಾಯ್ಕೋಡಿ, ಪ್ರಮೋದ್ ಕೋಳೂರು ಸೇರಿದಂತೆ ಹಲವರಿದ್ದರು.
ಅಪ್ಪು ಶೆಟ್ಟಿ ನಿರೂಪಿಸಿದರು. ಹಳಿಮನಿ ಶಿಕ್ಷಕರು ಸ್ವಾಗತಿಸಿದರು.
