ಬಸವನಬಾಗೇವಾಡಿಯ ವಿವೇಕ ಬ್ರಿಗೇಡ್ ಸಂಘಟನೆಯಿಂದ ಹೆಸ್ಕಾಂ ಇಲಾಖೆಯ ಕಾರ್ಯನಿರ್ವಾಹಕ ಅಭಿಯಂತರರಿಗೆ ಮನವಿ
ಉದಯರಶ್ಮಿ ದಿನಪತ್ರಿಕೆ
ಬಸವನಬಾಗೇವಾಡಿ: ಪಟ್ಟಣದ ವಿವೇಕ ಬ್ರಿಗೇಡ್ ಸಂಘಟನೆಯಿಂದ ರೈತರ ಜಮೀನುಗಳಿಗೆ ಸಮರ್ಪಕ ವಿದ್ಯುತ್ ಪೂರೈಕೆಗೆ ಹೆಸ್ಕಾಂ ಇಲಾಖೆಯು ಕ್ರಮ ತೆಗೆದುಕೊಳ್ಳಬೇಕೆಂದು ಆಗ್ರಹಿಸಿ ಮಂಗಳವಾರ ಹೆಸ್ಕಾಂ ಇಲಾಖೆಯ ಕಾರ್ಯನಿರ್ವಾಹಕ ಅಭಿಯಂತರ ಡಬ್ಲೂ.ಎ. ಜಾಗೀರದಾರ ಅವರಿಗೆ ಮನವಿ ಸಲ್ಲಿಸಲಾಯಿತು.
ಅವರು ಸಲ್ಲಿಸಿದ ಮನವಿಯಲ್ಲಿ ತಾಲೂಕಿನಲ್ಲಿ ತೀವ್ರ ಪ್ರಕಾರ ಉಂಟಾಗಿದೆ. ನೀರಾವರಿ ಜಮೀನುಗಳು ಅಷ್ಟೇ ಕೆಲವು ಅವಲಂಬಿತ ಬಿತ್ತನೆಯಾಗಿದೆ. ಅವುಗಳಿಗೆ ಸಮರ್ಪಕ ವಿದ್ಯುತ್ ಪೂರೈಕೆ ಇಲ್ಲದ ಕಾರಣ ರೈತರಿಗೆ ಬೆಳೆಗಳಿಗೆ ನೀರು ಉಣಿಸಲು ತುಂಬಾ ಕಷ್ಟವಾಗಿದೆ. ಬಿತ್ತನೆ ಮಾಡಿದ ಬೆಳೆಗಳಿಗೆ ಸರಿಯಾಗಿ ನೀರಿಲ್ಲದೆ ಒಣಗುತ್ತಿವೆ. ಹೆಸ್ಕಾಂ ಇಲಾಖೆಯು ರೈತರಿಗೆ ಸಮರ್ಪಕವಾಗಿ ಏಳು ಗಂಟೆಗಳ ಕಾಲ ವಿದ್ಯುತ್ತನ್ನು ಹಗಲು ಹೊತ್ತಿನಲ್ಲಿ ಯಾವುದೇ ನಿರಂತರ (ಲೋಡ್ ಸೆಡ್ಡಿಂಗ್ ಇಲ್ಲದೇ) ವಿದ್ಯುತ್ ಪೂರೈಕೆ ಮಾಡಬೇಕೆಂದು ಆಗ್ರಹಿಸಲಾಗಿದೆ.
ಈ ಸಂದರ್ಭದಲ್ಲಿ ಹೆಸ್ಕಾಂ ಇಲಾಖೆಯ ಎಇಇ ರೂಪೇಶ ಶಾ,ವಿವೇಕ ಬ್ರಿಗೇಡ್ ಸಂಘಟನೆಯ ವಿನುತ ಕಲ್ಲೂರ, ರವಿ ಚಿಕ್ಕೊಂಡ, ಅಶೋಕ ಕಲ್ಲೂರ, ಮಣಿಕಂಠ ಕಲ್ಲೂರ, ಸಚಿನ ಕಲ್ಲೂರ, ರೈತರಾದ ಸುಭಾಸ ಕಲ್ಲೂರ, ಸಚಿನ ಪವಾರ, ಮುರುಗೇಶ ಕೊಟ್ರಶೆಟ್ಟಿ, ಕುಮಾರ ಕೊಟ್ರಶೆಟ್ಟಿ, ಮುರುಗೇಶ ಮಾಲಗಾರ, ಅರುಣ ಮಾಲಗಾರ, ಸುರೇಶ ಗಾಯಕವಾಡ, ಮಲ್ಲು ಬನಾಸಿ, ಶಿವು ಬಟ್ಟಲ ಇತರರು ಇದ್ದರು.
