ಉದಯರಶ್ಮಿ ದಿನಪತ್ರಿಕೆ
ಚಡಚಣ: ಪಟ್ಟಣ ಪಂಚಾಯತಿ ಚಡಚಣ ವತಿಯಿಂದ ಸಾರ್ವಜನಿಕರಿಗೆ ಪ್ರಕಟಣೆ ನೀಡಲಾಗಿದ್ದು, ಪಟ್ಟಣ ಪಂಚಾಯತಿಯ ಮಾಲೀಕತ್ವದಲ್ಲಿರುವ ಒಟ್ಟು 34 ವಾಣಿಜ್ಯ ಮಳಿಗೆಗಳ ಪೈಕಿ 5 ಮಳಿಗೆಗಳು ಖಾಲಿ ಇರುವುದರಿಂದ ಅವುಗಳನ್ನು ಹರಾಜು ಮೂಲಕ ಹಂಚಿಕೆ ಮಾಡಲು ನಿರ್ಧರಿಸಲಾಗಿದೆ ಎಂದು ಬಿ ಕೆ ತಾವಸೆ ಮುಖ್ಯಾಧಿಕಾರಿ ಪ.ಪಂ. ಚಡಚಣ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಖಾಲಿ ಇರುವ ಮಳಿಗೆಗಳ ವಿವರ ಹೀಗಿದೆ: ಅಗಸಿ ಹತ್ತಿರ ಮಳಿಗೆ ಸಂಖ್ಯೆ 05 (ಸಾಮಾನ್ಯ), ಹಳೆ ತಹಶೀಲ್ದಾರ ಕಾರ್ಯಾಲಯ ಹತ್ತಿರ ಮಳಿಗೆ ಸಂಖ್ಯೆ 09 (ಪರಿಷಿಷ್ಟ ಪಂಗಡ), ಡಿ.ಸಿ.ಸಿ ಬ್ಯಾಂಕ್ ಹತ್ತಿರ ಮಳಿಗೆ ಸಂಖ್ಯೆ 05 (ಅಂಗವಿಕಲರಿಗೆ), ಮಳಿಗೆ ಸಂಖ್ಯೆ 08 (ಸಾಮಾನ್ಯ) ಹಾಗೂ ಮಳಿಗೆ ಸಂಖ್ಯೆ 02 (ಪರಿಷಿಷ್ಟ ಜಾತಿ).
ಮಾನ್ಯ ಸರ್ಕಾರದ ಅಧಿನ ಕಾರ್ಯದರ್ಶಿಗಳು ನಗರಾಭಿವೃದ್ಧಿ ಇಲಾಖೆಯ ಆದೇಶದನ್ವಯ,ತಿದ್ದುಪಡೆ ಸಂಖ್ಯೆ : ನಅಇ 254 ಟಿ.ಎಮ್.ಎಸ್ 2021(ಇ) ದಿನಾಂಕ 04-11-2022ರನ್ವಯ, ದಿನಾಂಕ 13-04-2026 ರಂದು ಬೆಳಿಗ್ಗೆ 11.00 ಗಂಟೆಗೆ ಪಟ್ಟಣ ಪಂಚಾಯತಿ ಸಭಾಭವನದಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದೆ.
ಹರಾಜಿನಲ್ಲಿ ಭಾಗವಹಿಸಲು ಆಸಕ್ತರು ದಿನಾಂಕ 10-04-2026 ಸಂಜೆ 4.30 ಗಂಟೆಯೊಳಗೆ ರೂ. 50,000/- ಮೊತ್ತದ ಡಿಮ್ಯಾಂಡ್ ಡ್ರಾಫ್ಟ್ ಅಥವಾ ನಗದು ಹಣವನ್ನು ಮುಖ್ಯಾಧಿಕಾರಿಗಳು, ಪಟ್ಟಣ ಪಂಚಾಯತಿ ಚಡಚಣ ಅವರ ಹೆಸರಿನಲ್ಲಿ ಪಡೆದು, ಸಂಬಂಧಿತ ಅರ್ಜಿಯೊಂದಿಗೆ ಕಂದಾಯ ವಿಭಾಗಕ್ಕೆ ಸಲ್ಲಿಸಬೇಕು.
ಹರಾಜಿಗೆ ಸಂಬಂಧಿಸಿದ ಇತರೆ ಷರತ್ತುಗಳು ಅನ್ವಯವಾಗುತ್ತವೆ ಎಂದು ಪಟ್ಟಣ ಪಂಚಾಯತಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ ಈ ಸಂದರ್ಭದಲ್ಲಿ ಅಧ್ಯಕ್ಷ ಮಲ್ಲಿಕಾರ್ಜುನ ಧೋತ್ರೆ,ಉಪಾಧ್ಯಕ್ಷ ಇಲಾಹಿಸಾಬ ನದಾಫ ಪ.ಪಂ. ಚಡಚಣ ಇದ್ದರು.
