ಲೇಖನ – ಜಯಶ್ರೀ.ಜೆ. ಅಬ್ಬಿಗೇರಿ
ಇಂಗ್ಲೀಷ್ ಉಪನ್ಯಾಸಕರು
ಬೆಳಗಾವಿ
ಮೊ: ೯೪೪೯೨೩೪೧೪೨
ಉದಯರಶ್ಮಿ ದಿನಪತ್ರಿಕೆ
‘ವಾಸ್ತವ ಪ್ರಪಂಚಕ್ಕೆ ಮಿತಿಗಳಿವೆ. ’ಕಲ್ಪನೆಯ ಪ್ರಪಂಚವು ಅಪಾರ’ ಎಂದಿದ್ದಾನೆ ತತ್ವಜ್ಞಾನಿ ಜೀನ್ ಜಾಕ್ಚೆಸ್ ರೂಸೋ. ನಾವು ಬೆಳೆಯುವುದಕ್ಕೆ ಅತ್ಯಗತ್ಯವಾಗಿ ಬೇಕಾದ ಎರಡು ಮುಖ್ಯ ಕೌಶಲ್ಯಗಳೆಂದರೆ: ಸೃಜನಶೀಲತೆ ಮತ್ತು ನಾವೀನ್ಯತೆ. ಅವು ಹೊಸ ಆಲೋಚನೆಗಳನ್ನು ಸೃಷ್ಟಿಸಲು, ಸಮಸ್ಯೆಗಳನ್ನು ಪರಿಹರಿಸಲು ಮತ್ತು ಬದಲಾಗುತ್ತಿರುವ ಸನ್ನಿವೇಶಗಳಿಗೆ ಹೊಂದಿಕೊಳ್ಳಲು ನಮಗೆ ಅನುವು ಮಾಡಿಕೊಡುತ್ತವೆ. ಕಲ್ಪನೆ ಮತ್ತು ಸೃಜನಶೀಲತೆ ಎಂಬ ಎರಡು ಪದಗಳನ್ನು ನಾವು ಹೆಚ್ಚಾಗಿ ಸಮಾನಾರ್ಥಕ ಪದಗಳಾಗಿ ಬಳಸುತ್ತೇವೆ. ಹೌದು ಅವು ನಿಕಟ ಸಂಬಂಧ ಹೊಂದಿವೆ. ಆದರೆ ಅವುಗಳ ನಡುವೆ ಒಂದು ಪ್ರಮುಖ ವ್ಯತ್ಯಾಸವಿದೆ.
ಹೆಬ್ಬಾಗಿಲು
‘ಕಲ್ಪನೆಯೇ ಸೃಜನಶೀಲತೆಗೆ ಹೆಬ್ಬಾಗಿಲು.’ ನಮ್ಮ ಕಲ್ಪನೆಯನ್ನು ತೊಡಗಿಸಿಕೊಳ್ಳದೇ ನಾವು ಯಾವುದೇ ಸೃಜನಶೀಲತೆಯನ್ನು ಮಾಡಲು ಸಾಧ್ಯವಿಲ್ಲ. ಹೊಸ ಯೋಜನೆ ಅಥವಾ ತಂತ್ರವನ್ನು ಅಭಿವೃದ್ಧಿಪಡಿಸುವಂತಹ ಸೃಜನಶೀಲ ಕೆಲಸದಲ್ಲಿ ತೊಡಗಿದಾಗ ನಮಗೆಲ್ಲ ಇದು ಸಂಭವಿಸುತ್ತದೆ. ಇದರಿಂದ ಒತ್ತಡ ಮತ್ತು ಆತಂಕಕ್ಕೆ ಕಾರಣವಾಗಬಹುದು. ಇದು ಕಲ್ಪನಾಶೀಲರಾಗುವುದನ್ನು ಇನ್ನಷ್ಟು ಕಷ್ಟಕರವಾಗಿಸುತ್ತದೆ. ಬುದ್ಧಿಮತ್ತೆ ಮತ್ತು ವಿನ್ಯಾಸ ಚಿಂತನೆಯಂತಹ ವಿವಿಧ ತಂತ್ರಗಳು ಉಪಯುಕ್ತವಾಗಬಹುದು. ಆದರೆ ಕಲ್ಪನೆಯೊಂದಿಗೆ ಸಂಪರ್ಕ ಸಾಧಿಸದೆ ಅವು ಕೆಲಸ ಮಾಡುವುದಿಲ್ಲ.
ಕಲ್ಪನೆಯು ನಾವೆಲ್ಲರೂ ಹುಟ್ಟಿನಿಂದಲೇ ಹೊಂದಿರುವ ವಿಷಯ, ಆದರೆ ನಮ್ಮ ಜೀವನದುದ್ದಕ್ಕೂ ನಾವು ನಮ್ಮ ಕಲ್ಪನಾಶಕ್ತಿಯಿಂದ ಹೆಚ್ಚು ಹೆಚ್ಚು ದೂರವಾಗುತ್ತಿದ್ದೇವೆ ಎಂದು ಅನಿಸಬಹುದು. ಸಮಾಜವು ವಯಸ್ಕರು ಶಿಸ್ತುಬದ್ಧ ಮತ್ತು ಸಂವೇದನಾಶೀಲರಾಗಬೇಕೆಂದು ನಿರೀಕ್ಷಿಸುತ್ತದೆ. ನಮ್ಮ ಶಾಲಾ ವುವಸ್ಥೆಯು ಕಂಠಪಾಠ ಕಲಿಕೆ ಮತ್ತು ಪರೀಕ್ಷೆಯನ್ನು ಗೌರವಿಸುತ್ತದೆ. ಮತ್ತು ಸಾಮಾನ್ಯವಾಗಿ, ನಾವು ಒತ್ತಡಕ್ಕೊಳಗಾಗುತ್ತೇವೆ. ನಮ್ಮ ಕಲ್ಪನೆಗಳನ್ನು ಅನ್ಚೇಷಿಸಲು ಅಗತ್ಯವಾದ ಉಚಿತ ಸಮಯದ ಕೊರತೆಯನ್ನು ಅನುಭವಿಸುತ್ತೇವೆ. ಅದರ ಜೊತೆಗೆ, ತಂತ್ರಜ್ಞಾನ, ಇಂಟರ್ನೆಟ್ ಮತ್ತು ಸಾಮಾಜಿಕ ಮಾಧ್ಯಮಗಳಿಂದ ಬರುವ ಪ್ರಚೋದನೆಯಿಂದ ತುಂಬಿ ತುಳುಕುತ್ತಿದ್ದೇವೆ.
ನಮಗೂ ನಮ್ಮ ಕಲ್ಪನೆಗಳಿಗೂ ಒಂದು ಭರವಸೆ ಇದೆ! ನಮ್ಮ ಕಲ್ಪನೆಗಳನ್ನು ಮತ್ತು ಸೃಜನಶೀಲತೆಯನ್ನು ಬಳಸಿಕೊಳ್ಳಲು ನಾವು ಬಳಸಬಹುದಾದ ಕೆಲವು ಸಲಹೆಗಳು ಮತ್ತು ತಂತ್ರಗಳು ಇಲ್ಲಿವೆ.
ಓದಿ
ಕಾಲ್ಪನಿಕ ಪುಸ್ತಕ ಓದುವುದು ವಿಶೇಷವಾಗಿ ಕಾದಂಬರಿ ಕಲ್ಪನೆಗೆ ವ್ಯಾಯಾಮ ಮಾಡಿದಂತೆ, ಪರದೆಯ ಮೇಲೆ ಎಲ್ಲವನ್ನೂ ನಮಗೆ ತೋರಿಸುವ ಬದಲು ಪುಟದಲ್ಲಿರುವ ಎಲ್ಲವನ್ನೂ ಚಿತ್ರಿಸಲು ಅದು ನಮ್ಮ ಮೆದುಳನ್ನು ಉತ್ತೇಜಿಸುತ್ತದೆ. ನಮ್ಮ ಕಲ್ಪನೆಯು ನಾವು ಓದುವ ಕಾಲ್ಪನಿಕ ಜಗತ್ತನ್ನು ಸೃಷ್ಟಿಸುತ್ತದೆ. ಅದಕ್ಕೆ ಭಾವನೆ ಮತ್ತು ನೆನಪುಗಳನ್ನು ನೀಡುತ್ತದೆ. ನಮ್ಮ ಹೃದಯ ಮತ್ತು ಮನಸ್ಸಿಗೆ, ಅದು ನಿಜ. ಇದು ಕಲ್ಪನೆಯ ಶಕ್ತಿ!
ಧ್ಯಾನ ಮಾಡಿ
೧೫ ರಿಂದ ೨೦ ನಿಮಿಷಗಳ ಕಾಲ ಧ್ಯಾನ ಮಾಡುವುದರಿಂದ ನಿಮ್ಮ ಮನಸ್ಸು ಸ್ಪಷ್ಟವಾಗುತ್ತದೆ. ಧ್ಯಾನವು ಮೆದುಳನ್ನು ಶಾಂತಗೊಳಿಸುತ್ತದೆ. ಮತ್ತು ನಾವು ಪ್ರತಿದಿನ ನಮ್ಮ ತಲೆಯಲ್ಲಿ ತುಂಬುವ ಬಹಳಷ್ಟು ಆಲೋಚನೆಗಳನ್ನು ನಿವಾರಿಸುತ್ತದೆ. ಇದು ಹಿಪೊಕ್ಯಾಂಪಸ್ನ್ನು ಉತ್ತೇಜಿಸುತ್ತದೆ. ಇದು ನೆನಪಿಡುವ ಜವಾಬ್ದಾರಿಯುತ ಮೆದುಳಿನ ಭಾಗವಾಗಿದೆ. ಇದು ಭವಿಷ್ಯವನ್ನು ಕಲ್ಪಿಸಿಕೊಳ್ಳುವ ಸಾಮರ್ಥ್ಯದಲ್ಲಿಯೂ ತೊಡಗಿಕೊಂಡಿದೆ.
ನಡೆಯಿರಿ
ಸ್ಟ್ಯಾನ್ಫೋರ್ಡ್ ವಿಶ್ವವಿದ್ಯಾಲಯದ ಸಂಶೋಧಕರು ನಡೆಯುವುದು ಕಲ್ಪನೆಯನ್ನು ಉತ್ತೇಜಿಸುತ್ತದೆ. ಎಂದು ಕಂಡು ಹಿಡಿದಿದ್ದಾರೆ. ಜನರು ನಡೆಯುವಾಗ ಅವರ ಸೃಜನಶೀಲತೆಯ ಮಟ್ಟವನ್ನು ಅವರು ಪರಿಶೀಲಿಸಿದರು. ನಡೆಯುವಾಗ ವ್ಯಕ್ತಿಯ ಸೃಜನಶೀಲ ಉತ್ಪಾದನೆಯು ಸರಾಸರಿ ೬೦%ರಷ್ಟು ಹೆಚ್ಚಾಗುತ್ತದೆ.ಪ್ರಕೃತಿಯಲ್ಲಿ ನಡೆಯುವುದು ಅದರ ಶಬ್ದಗಳನ್ನು ಆಲಿಸುವುದು ಮತ್ತು ತಾಜಾ ಗಾಳಿಯನ್ನು ಉಸಿರಾಡುವುದು ನಮ್ಮ ಮುಕ್ತ ಚಿಂತನೆಯನ್ನು ಇನ್ನಷ್ಟು ಹೆಚ್ಚಿಸುತ್ತದೆ.
ಸರಳ ಕೆಲಸ
೨೦೧೩ ರ ಅಧ್ಯಯನದಲ್ಲಿ ಬ್ರಿಟಿಷ್ ಮನಶಾಸ್ತ್ರಜ್ಞ ಸ್ಯಾಂಡಿಮಾನ್ ವಿಷಯಗಳನ್ನು ಎರಡು ಗುಂಪುಗಳನ್ನಾಗಿ ವಿಂಗಡಿಸಿದರು. ವಿಭಿನ್ನ ಉಪಯೋಗಗಳನ್ನು ಪಟ್ಟಿ ಮಾಡುವ ಸೃಜನಶೀಲ ಕಾರ್ಯವನ್ನು ಎರಡು ಗುಂಪುಗಳಿಗೆ ನೀಡಿದರು. ಒಂದು ಗುಂಪಿನೊಂದಿಗೆ ಅವರ ಮೊದಲ ಸೃಜನಶೀಲ ಕಾರ್ಯಕ್ಕೆ ೧೫ ನಿಮಿಷಗಳ ಮೊದಲ ಫೋನ್ ಡೈರಕ್ಟರಿಯಿಂದ ಸಂಖ್ಯೆಗಳನ್ನು ನಕಲಿಸುವ ಅತ್ಯಂತ ಬೇಸರದ ಮತ್ತು ನೀರಸ ಕೆಲಸವನ್ನು ನೀಡಿದರು. ಮೊದಲು ಬೇಸರವನ್ನು ಸಹಿಸಿಕೊಳ್ಳಬೇಕಾದ ಈ ಗುಂಪು ಇತರ ಗುಂಪಿಗಿಂತ ಉತ್ತಮ ಪ್ರದರ್ಶನ ನೀಡಿತು. ಒಟ್ಟಾರೆಯಾಗಿ ಅಧ್ಯಯನವು ‘ಓದುವುದು ಮತ್ತು ಸಭೆಗಳಿಗೆ ಹಾಜರಾಗುವಂತಹ ನಿಷ್ಕ್ರೀಯ ನೀರಸ ಚಟುವಟಿಕೆಗಳು ಹೆಚ್ಚು ಸೃಜನಶೀಲತೆಗೆ ಕಾರಣವಾಗಬಹುದು.’ ಎಂದು ಕಂಡು ಹಿಡಿದಿದೆ. ನಿಮ್ಮ ದಿನದಲ್ಲಿ ಸರಳವಾದ ಕೆಲಸಗಳನ್ನು ಸೇರಿಸಿಕೊಳ್ಳುವುದು ಅದು ಕೇವಲ ಶುಚಿಗೊಳಿಸುವಿಕೆ, ಅಡುಗೆ, ನಡಿಗೆ ಯೋಗವಾಗಿದ್ದರೂ ಸಹ. ನಮ್ಮ ಮೆದುಳು ಕಲ್ಪನೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.
ನೀಲಿ ಬಣ್ಣ ಹುಡುಕಿ
ನೀಲಿ ಬಣ್ಣವನ್ನು ಹೆಚ್ಚಾಗಿ ಮನಸ್ಸಿನ ಬಣ್ಣ ಎಂದು ಕರೆಯಲಾಗುತ್ತದೆ. ಬಲವಾದ ನೀಲಿ ಬಣ್ಣವು ಸ್ಪಷ್ಟ ಆಲೋಚನೆಗಳನ್ನು ಹುಟ್ಟುಹಾಕುತ್ತದೆ. ಆದರೆ ಮೃದುವಾದ ನೀಲಿ ಬಣ್ಣವು ಅದೇ ಸಮಯದಲ್ಲಿ ನಮ್ಮನ್ನು ಕೇಂದ್ರೀಕರಿಸಲು ಮತ್ತು ಪ್ರಶಾಂತವಾಗಿರಲು ಸಹಾಯ ಮಾಡುತ್ತದೆ. ಆದ್ದರಿಂದ ನಮ್ಮ ಕಲ್ಪನೆಯೊಂದಿಗೆ ಸಂಪರ್ಕ ಸಾಧಿಸಬೇಕಾದರೆ ನೀಲಿ ಬಣ್ಣವನ್ನು ಧರಿಸಿ. ನೀಲಿ ಕಲಾಕೃತಿಯನ್ನು ನೋಡಿ ಅಥವಾ ಆಕಾಶವನ್ನು ದಿಟ್ಟಿಸಿ ನೋಡಿ.
ಕಥೆ ಹೇಳಿ
ನಿಮ್ಮ ಧ್ವನಿಯು ಭಾವನೆಗಳಿಗೆ ಸಂಬಂಧಿಸಿದೆ. ಮತ್ತು ಭಾವನೆಗಳು ಕಲ್ಪನೆಯ ಮೇಲೆ ಪ್ರಭಾವ ಬೀರುತ್ತವೆ. ಅದಕ್ಕಾಗಿ ಸ್ನಾನ ಮಾಡುವಾಗ ಹಾಡುವುದು ನಮ್ಮಲ್ಲಿ ಅನೇಕರಿಗೆ ಹೊಸ ಆಲೋಚನೆಗಳೊಂದಿಗೆ ಬರಲು ಸಹಾಯ ಮಾಡುತ್ತದೆ. ಹಾಡುವುದರ ಜೊತೆಗೆ ಆಲೋಚನೆಗಳನ್ನು ಹಂಚಿಕೊಳ್ಳುವುದು ಮತ್ತು ಕಥೆ ಹೇಳುವುದು ಕಲ್ಪನೆಯನ್ನು ಉತ್ತೇಜಿಸುತ್ತದೆ.
ಚಿತ್ರ ಬಿಡಿಸಿ
ಚಿತ್ರ ಬಿಡಿಸಲು ಮಹಾನ್ ಚಿತ್ರಕಾರ ಪಿಕಾಸೋ ಆಗಬೇಕಿಲ್ಲ. ಪೆನ್ಸಿಲ್ ಕಾಗದ ಮಾರ್ಕರ್ಗಳನ್ನು ಬಳಸುವುದರಿಂದ ಕಲ್ಪನೆಯನ್ನು ಜಾಗೃತಗೊಳಿಸಬಹುದು. ನಿಮ್ಮ ಫೋನಿನಲ್ಲಿ ಡೂಡ್ಲಿಂಗ್ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡಬಹುದು ನಿಮ್ಮ ಕಲ್ಪನೆಯನ್ನು ಹುಚುಚ್ಚಾಗಿ ಚಲಾಯಿಸಲು ಬಿಡಿ ಮತ್ತು ನಿಮ್ಮ ಮನಸ್ಸಿಗೆ ಬಂದಿದ್ದನ್ನು ನೀಡಿ. ಡೂಡ್ಲಿಂಗ್ ಒತ್ತಡವನ್ನು ಕಡಿಮೆ ಮಾಡುತ್ತದೆ. ನಿಮ್ಮ ಮೆದುಳಿನ ಸಮಸ್ಯೆ ಪರಿಹರಿಸುವ ಕೇಂದ್ರವನ್ನು ಹೆಚ್ಚಿಸುತ್ತದೆ ಮತ್ತು ಕಲ್ಪನೆಯನ್ನು ಹೆಚ್ಚಿಸುತ್ತದೆ.
ದೃಶೀಕರಿಸಿ
ಇದು ಹಗಲುಗನಿಸಿನಿಂದ ಒಂದು ಹೆಜ್ಜೆ ಮುಂದಿದೆ. ಇದು ನಿಮ್ಮ ಕಲ್ಪನೆಗೆ ಸರಳವಾದ ಆದರೆ ನಿರ್ಧಿಷ್ಟವಾದ ಕೆಲಸವನ್ನು ನೀಡುವಂತಿದೆ. ಉದಾ: ನಾವು ಸಾರ್ವಜನಿಕ ಸಾರಿಗೆಯಲ್ಲಿ ಪ್ರಯಾಣಿಸುವಾಗ ವಿಶ್ರಾಂತಿ ಪಡೆಯುತ್ತಿರುವಾಗ ಅಥವಾ ಒಂದು ದಿನ ಬೇಸರಗೊಂಡಾಗ ತೀವ್ರ ವಿವರಗಳೊಂದಿಗೆ ಏನನ್ನಾದರೂ ಕಲ್ಪಿಸಿಕೊಳ್ಳಲು ಪ್ರಯತ್ನಿಸಿ ಮತ್ತು ಅದು ನಿಮ್ಮ ಕನಸಿನ ಮನೆ ಅಥವಾ ನೀವು ಭೇಟಿ ನೀಡಲು ಬಯಸುವ ಸ್ಥಳವಾಗಿರಬಹುದು. ಬಣ್ಣಗಳನ್ನು ನೋಡಲು ಪ್ರಯತ್ನಿಸಬೇಕು. ಅಲಂಕಾರದ ವಿವರಗಳು ವಾಸನೆಯನ್ನು ಊಹಿಸಿ. ಅದು ಮನೆಯಾಗಿದ್ದರೆ, ನೋವು ಕಾರಿಡಾರ್ಗಳಲ್ಲಿ ನಡೆದುಕೊಂಡು ಹೋಗುವುದನ್ನು ಮತ್ತು ಮಲಗುವ ಕೋಣೇಗಳಿಗೆ ಹೋಗುವುದನ್ನು ಸೋಫಾದ ಮೇಲೆ ಕುಳಿತುಕೊಳ್ಳುವುದನ್ನು ಊಹಿಸಿಕೊಳ್ಳಬಹುದು.
ದಿನಚರಿ ಬದಲಿಸಿ
ನಿಮ್ಮ ದೈನಂದಿನ ಕೆಲಸಗಳನ್ನು ಮಾಡಲು ನೀವು ವಿಭಿನ್ನ ವಿಧಾನಗಳನ್ನು ಆರಿಸಿಕೊಂಡಾಗ, ನೀವು ಕಲಿಯಲು ಮತ್ತು ಅಪರಿಚಿತರಿಗೆ ಹೆಚ್ಚು ಮುಕ್ತವಾಗಿರಲು ಮೆದುಳನ್ನು ಸಕ್ರಿಯಗೊಳಿಸುತ್ತಿರಿ. ನೀವು ಬಲಗೈಯಾಗಿದ್ದರೆ, ಹಲ್ಲುಜ್ಜುವಾಗ ನಿಮ್ಮ ಎಡಗೈಯನ್ನು ಬಳಸಲು ಪ್ರಯತ್ನಿಸಿ. ದಿನನಿತ್ಯದ ಸ್ಥಳಗಳಿಗೆ ಭೇಟಿ ನೀಡಲು ವಿಭಿನ್ನ ಮಾರ್ಗಗಳನ್ನು ಆರಿಸಿ ಹೊಸ ಪಾಕವಿಧಾನ ಅಥವಾ ವ್ಯಾಯಾಮದಂತಹ ಹೊಸದನ್ನು ಪ್ರಯತ್ನಿಸಬೇಕು. ಸಾಮಾನ್ಯವಾಗಿ ಕಾದಂಬರಿಯನ್ನು ಓದುತ್ತಿದ್ದರೆ, ಬದಲಿಗೆ ೧೦ ನಿಮಿಷಗಳನ್ನು ಕವಿತೆ ಓದಲು ಕಳೆಯಿರಿ. ಕಲ್ಪನೆಯ ಸಾಧ್ಯತೆಗಳು ಅಪರಮಿತವಾಗಿವೆ.!
ಕೊನೆ ಹನಿ
ನಮ್ಮ ಕಲ್ಪನೆಗಳಿಗೆ ತರಬೇತಿ ನೀಡಬೇಕು. ಅದು ನಾವು ಹೊಂದಿರುವ ಅತ್ಯಂತ ಅಮೂಲ್ಯವಾದುದು. ಕಲ್ಪನೆಯಿಂದ ಉತ್ತಮ ಜಗತ್ತನ್ನು ನಿರ್ಮಿಸಲು ಸಹಾಯವಾಗುವುದು. ತನ್ಮೂಲಕ ಉಜ್ವಲ ಭವಿಷ್ಯವೂ ಮಿನುಗುವ ಭರವಸೆಯು ಬೆಳಗುವುದು..
