ಉದಯರಶ್ಮಿ ದಿನಪತ್ರಿಕೆ
ಯಡ್ರಾಮಿ: ಮಳ್ಳಿ ರಸ್ತೆಯಲ್ಲಿರುವ ದುಮ್ಮದ್ರಿ ಕ್ರಾಸ್ ಸಮೀಪದ ಸವುಳಹಳ್ಳದ ( ಸೌಳ್ಹಳ್ಳ) ಸೇತುವೆಯ ಬಳಿ ಕಾಚಾಪುರ ಸೀಮೆಯ ಹೊಲವೊಂದರ ಮಧ್ಯದಲ್ಲಿರುವ ಮುಡಿಜಟ್ಟಿಂಗೇಶ್ವರ ಜಾತ್ರೆ ಸೋಮವಾರ ವಿಜೃಂಭಣೆಯಿಂದ ನಡೆಯಿತು.
ಪ್ರತಿವರ್ಷ ದೀಪಾವಳಿ ಅಮಾವಾಸ್ಯೆಯಂದು ಈ ಜಾತ್ರೆ ನಡೆಯುತ್ತದೆ. ಕಾಚಾಪುರದಿಂದ ದೇವಸ್ಥಾನದವರೆಗೆ
ಪಲ್ಲಕ್ಕಿ, ಕಳಸ ಮತ್ತು ಡೊಳ್ಳುಮೇಳದೊಂದಿಗೆ ದೇವರ ಉತ್ಸವ ನಡೆಯಿತು.
ಮಳ್ಳಿ-ನಾಗರಹಳ್ಳಿ ದುಮ್ಮದ್ರಿ, ವಡಗೇರಿ, ಐನಾಪುರ, ಸುಂಬಡ, ಅಖಂಡಳ್ಳಿ, ಮಾಗಣಗೇರಿ, ಕುಳಗೇರಿ ಮೊದಲಾದ ಗ್ರಾಮಗಳ ಜನರು ಅತ್ಯಂತ ಭಕ್ತಿ ಭಾವದಿಂದ ಭಾಗವಹಿಸಿ ದೇವರ ಕೃಪೆಗೆ ಪಾತ್ರರಾದರು.
ಈ ಸಂದರ್ಭದಲ್ಲಿ ಮುಖಂಡರಾದ ಗುರಣ್ಣಗೌಡ ಬಸಗೊಂಡ, ಹೊನ್ನಪ್ಪ ದೊಡ್ಡಮನಿ, ರೇವಪ್ಪ ದೊಡ್ಡಮನಿ, ಗುರುಲಿಂಗಪ್ಪಗೌಡ ಪಾಟೀಲ, ಡಾ. ಸಂತೋಷ ನವಲಗುಂದ, ಕೇಶುರಾಯಗೌಡ ಪಾಟೀಲ, ದೇವು ದ್ಯಾಮಾ, ಮಲ್ಲಿಕಾರ್ಜುನ ಸಾಲಿ, ಗೊಲ್ಲಾಳಪ್ಪ ಪತ್ತಾರ, ವೀರಭದ್ರಪ್ಪ ಪತ್ತಾರ, ದೇವು ಮಡಿವಾಳಕರ, ಬಿ.ಬಿ.ವಾರದ, ಅಂಬರೀಶ ಹಲಕರ್ಟಿ, ದೊಡ್ಡಪ್ಪ ಸಜ್ಜನ, ಹಣಮಂತ ಹೊಸಮನಿ, ದೇವೀಂದ್ರ ದೊಡ್ಡಮನಿ, ಮಹಾಂತೇಶ ದೊಡಮನಿ, ದೊಡ್ಡೇಶ ವರ್ಮಾ, ಕಾಚಾಪುರ ಗ್ರಾಮಸ್ಥರು ಹಾಗೂ ಸುತ್ತಲಿನ ಗ್ರಾಮಗಳ ಭಕ್ತರು ಭಾಗವಹಿಸಿದ್ದರು.
