ಉದಯರಶ್ಮಿ ದಿನಪತ್ರಿಕೆ
ಚಡಚಣ: ನವರಾತ್ರಿಯ ಮೂರನೇ ದಿನದ ಅಂಗವಾಗಿ ಚಡಚಣ ಪಟ್ಟಣದ ಆದರ್ಶ ನಗರ ಬಡಾವಣೆಯ ಮಹಿಳೆಯರು ಒಗ್ಗೂಡಿ ಬಿಸಿಲ ಸಿದ್ದರಾಯ ದೇವಸ್ಥಾನದ ಆವರಣದಲ್ಲಿರುವ ಬನ್ನಿ ಮರಕ್ಕೆ ವಿಶೇಷ ಪೂಜೆ ಸಲ್ಲಿಸಿ ಭಕ್ತಿ ಮೆರೆದರು.
ಪೂಜಾ ಕಾರ್ಯಕ್ರಮದ ಬಳಿಕ ಕಾಂಬಳೆ ಪರಿವಾರದವರ ವತಿಯಿಂದ ಹೆಣ್ಣು ಮಕ್ಕಳಿಗೆ ಉಡಿ ತುಂಬುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತು. ಮಹಿಳೆಯರು ಸಾಂಪ್ರದಾಯಿಕ ಆಚರಣೆಗಳಲ್ಲಿ ಪಾಲ್ಗೊಂಡು ನವರಾತ್ರಿ ಹಬ್ಬದ ಸಂಭ್ರಮವನ್ನು ಹಂಚಿಕೊಂಡರು. ಈ ಸಂದರ್ಭದಲ್ಲಿ ಬಡಾವಣೆಯ ಹಲವಾರು ಮಹಿಳೆಯರು ಉಪಸ್ಥಿತರಿದ್ದರು.
ದೀಪೋತ್ಸವದ ಬೆಳಕಿನಲ್ಲಿ ಮಿಂದೆದ್ದ ನೇಕಾರ ಕಾಲನಿ ಮರಡಿ
ಚಡಚಣ ಪಟ್ಟಣದ ನೇಕಾರ ಕಾಲನಿ ಮರಡಿಯ ಶ್ರೀ ಆದಿಶಕ್ತಿ ಜಗದಂಬಾ ನವರಾತ್ರೋತ್ಸವ ಮಂಡಳಿಯ ವತಿಯಿಂದ ನವರಾತ್ರಿ ಅಂಗವಾಗಿ ದೇವಿಯ ಆವರಣದಲ್ಲಿ ದೀಪಾಲಂಕಾರ ಮಾಡಿ ವಿಜೃಂಭಣೆಯಿಂದ ದೀಪೋತ್ಸವ ಆಚರಿಸಲಾಯಿತು.
ಮಂಡಳಿಯ ಮಹಿಳೆಯರು ಒಗ್ಗೂಡಿ ದೀಪಗಳನ್ನು ಬೆಳಗಿಸುವ ಮೂಲಕ ಭಕ್ತಿಭಾವದಿಂದ ದೇವಿಯನ್ನು ಆರಾಧಿಸಿದರು.
