ಚಿಮ್ಮಲಗಿ: ಅಂಬಾಭವಾನಿ ಜಾತ್ರೆ ಇಂದು

ಆಲಮಟ್ಟಿ: ಇಲ್ಲಿಯ ಚಿಮ್ಮಲಗಿ ಭಾಗ-೧ಎ ಗ್ರಾಮದ ಭಾವಸಾರ ಕ್ಷತ್ರೀಯ ಸಮಾಜದ ಅಂಬಾಭವಾನಿ ದೇವರ ಜಾತ್ರಾ ಮಹೋತ್ಸವ ಇದೇ ಫೆ.೧೪ ರಂದು ಜರುಗಲಿದೆ. 
ಬುಧವಾರ ಬೆಳಿಗ್ಗೆ ೬ ಕ್ಕೆ ಅಂಬಾಭವಾನಿ ದೇವಿಯ ವಿಶೇಷ ಆರತಿ ಪೂಜೆ ಜರುಗುವುದು, ಬೆಳಿಗ್ಗೆ ೭ ಕ್ಕೆ ಅಂಬಾಭವಾನಿ ದೇವಿಯ ಉತ್ಸವ ಮೂರ್ತಿಯ ಮೆರವಣಿಗೆ ಜರುಗಲಿದೆ. ಚಂದ್ರಮ್ಮಾ ದೇವಸ್ಥಾನದ ಹತ್ತಿರದ ಕೃಷ್ಣಾ ನದಿಯಿಂದ ಅಂಬಾಭವಾನಿ ದೇವಸ್ಥಾನದವರೆಗೆ ೧೦೧ ಕುಂಭ ಮೆರವಣಿಗೆ, ಕರಡಿ ಮಜಲು, ಡೊಳ್ಳು ವಾಲಗದೊಂದಿಗೆ  ಜರುಗಲಿದೆ. ಮಧ್ಯಾಹ್ನ ೧೨ ಕ್ಕೆ  ಮಹಾಪೂಜೆ, ಅಭಿಷೇಕ, ಕಳಸಾಭಿಷೇಕ, ಪ್ರಸನ್ನ ಪೂಜಾ ಸಮಾರಂಭ ಸೇರಿ ನಾನಾ ಧಾರ್ಮಿಕ ಕಾರ್ಯಕ್ರಮಗಳು ಜರುಗಲಿದೆ. ಮಧ್ಯಾಹ್ನ ೧ ಕ್ಕೆ ಅನ್ನಸಂತರ್ಪಣೆ ಜರುಗಲಿದೆ ಎಂದು ಅಂಬಾಭವಾನಿ ದೇವಸ್ಥಾನ ಟ್ರಸ್ಟ್ ಕಮಿಟಿ ಪ್ರಕಟಣೆಯಲ್ಲಿ ತಿಳಿಸಿದೆ.