ನಿರಂತರ ಕಾಯಕ ಯೋಗಿಗಳಾಗಿ :ಸಿದ್ದರಾಮ ಶ್ರೀ

ಕಲಕೇರಿ: ಸಂತರು, ಮಹಾಂತರ ತತ್ವ ವಚನಗಳನ್ನು ತಿಳಿದುಕೊಳ್ಳುವುದರ ಜೊತೆಗೆ ನಿರಂತರ ಕಾಯಕ ಯೋಗಿಗಳಾಗಬೇಕು. ನಕಾರಾತ್ಮಕ ಪರಿವರ್ತನೆಯ ಬದಲು ಇಂತಹ ಮಹಾತ್ಮರ ಆಚರಣೆಯ ಮೂಲಕ ಸಕಾರಾತ್ಮಕ ಪರಿವರ್ತನೆಯಾಗಬೇಕು ಎಂದು ಕಲಕೇರಿ ಗುರುಮರುಳಾರಾಧ್ಯರ ಹಿರೇಮಠದ ಸಿದ್ದರಾಮ ಶೀವಾಚಾರ್ಯರು ಹೇಳಿದರು.
ಸ್ಥಳಿಯ ಗ್ರಾಮದ ಶ್ರೀಗರು ವೀರಘಂಟೈ ಮಡಿವಾಳೇಶ್ವರ ದೇವಸ್ಥಾನ ಆವರಣದಲ್ಲಿ ಬುಧವಾರ ಸಂಜೆ ಶಿವಯೋಗಿ ಶ್ರೀ ಸಿದ್ಧರಾಮೇಶ್ವರರ ೮೫೨ ನೇ ಜಯಂತ್ಯೋತ್ಸವ ಹಾಗೂ ಶ್ರೀ ಭವಾನಿ ಕಂಪ್ಯೂಟರ್ ತರಬೇತಿ ಸಂಸ್ಥೆಯ ೨೦ ನೇ ವಾರ್ಷಿಕೋತ್ಸವ ಸಮಾರಂಭ ಮತ್ತು ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರಿಗೆ ಕರುನಾಡ ರತ್ನ ಪ್ರಶಸ್ತಿ ಪ್ರಧಾನ ಹಾಗೂ ಬಾಲ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.
ದಲಿತ ವಿಧ್ಯಾರ್ಥಿ ಪರಿಷತ್ತಿನ ರಾಜ್ಯಾದ್ಯಕ್ಷ ಶ್ರೀನಾಥ ಪೂಜಾರಿ, ಎಐಸಿಸಿ ಸದಸ್ಯೆ ಶ್ರೀದೇವಿ ಉತ್ಲಾಸರ ಸಿಧ್ರಾಮೇಶ್ವರರ ಭಾವಚಿತ್ರಕ್ಕೆ ಪೂಜೆಯನ್ನು ಸಲ್ಲಿಸಿ ಮಾತನಾಡಿ, ೧೨ ಶತಮಾನದ ಶ್ರೇಷ್ಠ ವಚನಕಾರರಲ್ಲಿ ಒಬ್ಬರಾದ ಶಿವಯೋಗಿ ಸಿದ್ಧರಾಮೇಶ್ವರರು ಕಪಿಲ ಸಿದ್ಧರಾಮೇಶ್ವರ ಎಂಬ ಅಂಕಿತನಾಮದಿಂದ ಅನೇಕ ವಚನಗಳನ್ನು ಬರೆದು ಕಾಯಕವೇ ಕೈಲಾಸವೆಂಬ ಸಿದ್ಧಾಂತವನ್ನು ನಂಬಿ ಹನ್ನೆರಡನೆಯ ಶತಮಾನದಲ್ಲಿ ಕೆರೆ, ಭಾವಿಗಳನ್ನು ನಿರ್ಮಿಸುವ ಮೂಲಕ ಪ್ರಾಣಿ ಪಕ್ಷಿ ಮಾನವರಿಗೆ ನೀರಿನ ಮಹತ್ವವನ್ನು ಸಾರಿದ ಪವಾಡ ಪುರುಷ ಶ್ರೀ ಸಿದ್ಧರಾಮೇಶ್ವರರಾಗಿದ್ದು, ಇಡೀ ಮನುಕುಲಕ್ಕೆ ಕಾಯಕದ ಕಲ್ಪನೆಯೊಂದಿಗೆ ಬದುಕುವ ಕಲೆಯನ್ನು ಕಲಿಸಿಕೊಟ್ಟ ಮಹಾನ್ ಯೋಗಿಯಾಗಿದ್ದಾರೆ ಎಂದರು.
ಇದೇ ವೇಳೆ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಶಿಕ್ಷಕ ಎಂ ಎಲ್ ವಡ್ಡರ್, ಈರಣ್ಣ ಝಳಕಿ, ಜಯಶ್ರೀ ನಾಡಗೌಡ, ಪರವೀನಭಾನು ಮುಜಾವರ್, ಸಾಯಿರಾಜ್ ತೋರವಿ, ಶ್ರೀಶೈಲ ಹಂಗರಗಿ, ಗೋಪಾಲ ಇಂಚಗೇರಿ, ಗೋಪಾಲ ಹೂಗಾರ ಅವರಿಗೆ ೨೦೨೪ ನೇ ಸಾಲಿನ ಕರುನಾಡ ರತ್ನ ಪ್ರಶಸ್ತಿಯನ್ನು ನಿಡಿ ಗೌರವಿಸಲಾಯಿತು,೨೦೨೪ ನೇ ಸಾಲಿನ ಲಿಟಲ್ ಕಂಪ್ಯೂಟರ್ ಪ್ರಶಸ್ತಿಯನ್ನು ಪ್ರೀತಿ ಅಶೋಕ ಕಾದಳ್ಳಿ ಅವರಿಗೆ ನೀಡಿ ಗೌರವಿಸಲಾಯಿತು.
ಸಚೀನ್‌ಗೌಡ ಪಾಟೀಲ ಕುದರಿಸಾಲೋಡಗಿ ಅಧ್ಯಕ್ಷತೆ ವಹಿಸಿದ್ದರು, ಉಧ್ಯಮಿ ಸಂತೋಷಗೌಡ ದೊಡ್ಡಮನಿ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.
ಕಲಕೇರಿ ಗ್ರಾಪಂ ಅಧ್ಯಕ್ಷ ರಾಜಹ್ಮದ್ ಸಿರಸಗಿ, ಸಿದ್ದಬಾ ಬಂಡಿವಡ್ಡರ, ಈರಮ್ಮ ಪಾಟೀಲ, ತಾಪಂ ಸದಸ್ಯ ಲಕ್ಕಪ್ಪ ಬಡಿಗೇರ, ಶಾಂತಗೌಡ ಪಾಟೀಲ, ಎಂ ಪಿ ನಧಾಪ್, ಪ್ರವೀಣ ಜಗಶೆಟ್ಟಿ, ಮಡಿವಾಳಪ್ಪ ದೊಡಮನಿ, ಬಾಬು ವಡ್ಡರ, ಮಡಿವಾಳಪ್ಪ ಭೋವಿ, ಪರಶುರಾಮ ವಡ್ಡರ, ವೆಂಕಟೇಶ ಮೋಪಗಾರ, ವಿಜಯಾ ಮೇಟಿ, ರಾಜಶೇಖರ ಅಡಕಿ, ಭೀಮಣ್ಣ ವಡ್ಡರ್, ಬಸವರಾಜ ಪಾಟೀಲ, ಶ್ವೇತಾ ಯರಗಲ್ಲ, ಕುಮಾರಗೌಡ ಪಾಟೀಲ, ಎನ್ ಎಚ್ ಮದರಿ, ಪ್ರೀಯಾಂಕಾ ತೋರವಿ, ಅಶೋಕ ವಡ್ಡರ್, ಪರಶುರಾಮ ಭೋವಿ, ಸುನೀಲ ಸಜ್ಜನ್, ರಾಮು ವಣಕ್ಯಾಳ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
ಸಂಸ್ಥೆಯ ಅಧ್ಯಕ್ಷ ಹಣಮಂತ ವಡ್ಡರ ಸ್ವಾಗತಿಸಿದರು, ಮೇಹಮೂದ ಬಾಗಲಕೋಟ ನಿರೂಪಿಸಿದರು, ಸುಧಾಕರ ಅಡಕಿ ವಂದಿಸಿದರು.