ಸಂವಿಧಾನ ರಥ ಯಾತ್ರೆ ಯಶಸ್ವಿಗೆ ಕೈಜೋಡಿಸಿ :ಗಂಗಾಕರ್

ಯಡ್ರಾಮಿ: ಪಟ್ಟಣಕ್ಕೆ ಸಂವಿಧಾನ ರಥ ಯಾತ್ರೆ ಫೆ.22 ರಂದು ಆಗಮಿಸುತ್ತಿದ್ದು ತಾಲೂಕಾಡಳಿತವು ಸರ್ವ ಸಿದ್ಧತೆಯಿಂದ ಭವ್ಯ ಸ್ವಾಗತ ಮಾಡುವುದರ ಮೂಲಕ ಈ ಜನ ಜಾಗೃತಿ ಕಾರ್ಯಕ್ರಮಕ್ಕೆ ಸರ್ವರೂ ಕೈಜೋಡಿಸಬೇಕೆಂದು ದಲಿತ ಸೇನೆ ಕರ್ನಾಟಕ ಸಂಘಟನೆ ತಾಲೂಕು ಅಧ್ಯಕ್ಷ ಸಂಗಮೇಶ ಗಂಗಾಕರ್ ಹಾಗೂ ಕಾರ್ಯದರ್ಶಿ ರಾಜು ಎಸ್.ಗೆಜ್ಜಿ ಮನವಿ ಮಾಡಿದ್ದಾರೆ.
ಸಂವಿಧಾನದ ಪೀಠಿಕೆ ಹಾಗೂ ಸಂವಿಧಾನ ಕುರಿತು ಜನಜಾಗೃತಿ ಮೂಡಿಸುವ ಸದುದ್ದೇಶದಿಂದ ಈ ರಥ ಯಾತ್ರೆ ಕಾರ್ಯಕ್ರಮ ಸರ್ಕಾರ ಮಾಡುತ್ತಿರುವುದು ಹೆಮ್ಮೆಯ ವಿಷಯವಾಗಿದೆ. ಯಡ್ರಾಮಿ ಪಟ್ಟಣ ಸೇರಿದಂತೆ ಸುತ್ತಲಿನ ಗ್ರಾಮಗಳಲ್ಲಿಯೂ ರಥ ಯಾತ್ರೆ ಕಾರ್ಯಕ್ರಮ ನಡೆಯಲಿದ್ದು ಎಲ್ಲರೂ ಸೇರಿ ಸಂವಿಧಾನಕ್ಕೆ ಗೌರವ ನೀಡುವ ಮೂಲಕ ಕಾರ್ಯಕ್ರಮ ಯಶಸ್ವಿಗೊಳಿಸಲು ಕೋರಿದ್ದಾರೆ.