ಹಿರೂರ: ಸಂವಿಧಾನ ಜಾಗೃತಿ ಜಾಥಾಗೆ ಅದ್ದೂರಿ ಸ್ವಾಗತ

ತಾಳಿಕೋಟಿ: ಸಮೀಪದ ಹಿರೂರ ಗ್ರಾಮದಲ್ಲಿ ಡಾ. ಬಿ. ಆರ್. ಅಂಬೇಡ್ಕರ್ ಅವರು ರಚಿಸಿದ ಭಾರತದ ಸಂವಿಧಾನ ಎಲ್ಲ ಧರ್ಮದ ಜನರಿಗೂ ಸಮಾನ ಅವಕಾಶ ಹಾಗೂ ಹಕ್ಕುಗಳನ್ನು ನೀಡಿದೆ ಸವಿಧಾನದಿಂದ ಯಾರಿಗೂ ಅನ್ಯಾಯವಾಗಿಲ್ಲ ಎಂದು ಪ್ರೊ. ಬಸ ವರಾಜ ಜಾಲವಾದಿ ಹೇಳಿದರು.
ಬುಧವಾರ ತಾಲೂಕಿನ ಹಿರೂರ ಗ್ರಾಮದಲ್ಲಿ ಜಿಲ್ಲಾ ಪಂಚಾಯತ ವಿಜಯಪುರ ತಾಲೂಕು ಪಂಚಾಯತ ತಾಳಿಕೋಟಿ ಹಾಗೂ ಗ್ರಾಮ ಪಂಚಾಯತಿ ಹಿರೂರು ಇವರ ಸಹಯೋಗದಲ್ಲಿ ಹಮ್ಮಿಕೊಂಡ ಸಂವಿಧಾನ ಜಾಗೃತಿ ಜಾಥಾದ ವೇದಿಕೆ ಕಾರ್ಯಕ್ರಮದಲ್ಲಿ ಉಪನ್ಯಾಸಕರಾಗಿ ಆಗಮಿಸಿ ಅವರು ಮಾತನಾಡಿದರು. ಸಂವಿಧಾನ ಜಾರಿಗೆ ಬಂದು 75 ವರ್ಷಗಳುಗತಿಸುತ್ತಿದ್ದರೂ ನಾವು ಇಲ್ಲಿಯವರೆಗೆ ಅಂಬೇಡ್ಕರ್ ಅವರನ್ನು ತಿಳಿದುಕೊಳ್ಳಲು ವಿಫಲರಾಗಿದ್ದೇವೆ ಇದು ನಮ್ಮ ದೊಡ್ಡ ದುರಂತವಾಗಿದೆ ಅವರನ್ನು ದೇವರೆಂದು ಪೂಜಿಸುವ ಅಗತ್ಯ ಇಲ್ಲ ಅವರು ಕೊಟ್ಟು ಹೋದ ಈ ಗ್ರಂಥವನ್ನು ಸರಿಯಾಗಿ ತಿಳಿದುಕೊಳ್ಳುವ ಅಗತ್ಯವಿದೆ ಎಂದ ಅವರು, ಇದು ಇಡೀ ಜಗತ್ತಿಗೆ ಮಾದರಿಯ ಯೋಗ್ಯವಾದ ಒಂದು ಸಂವಿಧಾನವಾಗಿದೆ ಇದರಲ್ಲಿ ಎಲ್ಲರ ಹಕ್ಕುಗಳ ಕುರಿತು ಅದರಲ್ಲೂ ವಿಶೇಷವಾಗಿ ಮಹಿಳೆಯರ ಹಕ್ಕುಗಳ ಕುರಿತು ಹೆಚ್ಚು ಒತ್ತುಕೊಟ್ಟು ಹೇಳಲಾಗಿದೆ ಸಂವಿಧಾನ ಇಲ್ಲದೆ ಹೋದಲ್ಲಿ ಅವರ ಬದುಕು ನರಕ ಸದೃಶವಾಗುತ್ತಿತ್ತು ಇಂಥ ಮಹಾನ್ ಸಂವಿಧಾನವನ್ನುಇಂ ದು ರಕ್ಷಿಸುವ ಅಗತ್ಯ ಇದೆ ಎಂದು ತಿಳಿಸಿದರು. ವೇದಿಕೆಯಲ್ಲಿ ವಿವಿಧ ಶಾಲಾ ಮಕ್ಕಳಿಂದ ಸಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು. ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಉಮೇಶ್ ಲಮಾಣಿ ಸಂವಿದಾನದ ಪೀಠಿಕೆ ಬೋಧಿಸಿದರು.
ವೇದಿಕೆ ಕಾರ್ಯಕ್ರಮದ ಮುನ್ನ ಸಂವಿಧಾನ ಜಾಗೃತ ರಥವನ್ನು ಗ್ರಾಮದಲ್ಲಿ ಅದ್ದೂರಿಯಾಗಿ ಸ್ವಾಗತಿಸಿ ಅಂಬೇಡ್ಕರ್ ಅವರ ಪ್ರತಿಮೆಗೆ ಮಾಲಾರ್ಪಣೆ ಮಾಡಿ ಗ್ರಾಮದಲ್ಲಿ ಸಕಲ ವಾದ್ಯ ಹಲಗಿ ಮೇಳ ಶಾಲಾ ಮಕ್ಕಳಿಂದ ಕೋಲಾಟ ಕರಡಿಮಜಲು ಚದ್ಮ ವೇಷಧಾರಿಗಳಿಂದ ರಥದ ಭವ್ಯ ಮೆರವಣಿಗೆ ನಡೆಸಿ ಸಂವಿಧಾನ ಜಾಗೃತಿ ಮೂಡಿಸಲಾಯಿತು. ಈ ಸಮಯದಲ್ಲಿ ಗ್ರಾಮ ಪಂಚಾಯತ್ ಅಧ್ಯಕ್ಷ ಸುರೇಶ ಗೌಡ ಬಿರಾದಾರ ಉಪಾಧ್ಯಕ್ಷೆ ಶಾರದಾ ದೇವೇಂದ್ರ ಹಾದಿಮನಿ ಎಸ್ಡಿಎಂಸಿ ಅಧ್ಯಕ್ಷ ಸಂಗನಗೌಡ ಅಸ್ಕಿ ನೋಡಲ್ ಅಧಿಕಾರಿ ಶಿವಲೀಲಾ ಕೊಣ್ಣೂರ ಪಿಡಿಒ ಸಿ. ಎಸ್ .ಮಠ. ಗ್ರಾಪಂ ಸರ್ವ ಸದಸ್ಯರು. ಗಣ್ಯರಾದ ಬಸನಗೌಡ ಬಗಲಿ. ಸಿದ್ದನಗೌಡ ಅಂಗಡಗೇರಿ ದೇವೇಂದ್ರ ಹಾದಿಮನಿ. ಕಸಾಪ ಅಧ್ಯಕ್ಷ ಆರ್ ಎಲ್ ಕೊಪ್ಪದ, ಜೈ ಭೀಮ ಮುತ್ತಗಿ ತಾಳಿಕೋಟಿ .ತಾಪಂ ಮಾಜಿ ಸದಸ್ಯ ಗುರು ಕೊಪ್ಪದ. ತುಕಾರಾಂ ಗೊಂದಳಿ. ಚಂದ್ರಕಾಂತ ನಾಟಿಕರ. ಗುರಣ್ಣ ಚೌದರಿ. ಪರಶುರಾಮ ಕಟ್ಟಿಮನಿ. ಮಲ್ಲು ದೊಡ್ಡಮನಿ. ಎಸ್ ಎಸ್ ಅಂಗಡಿ. ಗ್ರಾಪಂ ಕಾರ್ಯದರ್ಶಿ ಬಿರಾದಾರ.ತಾಳಿಕೋಟಿ ವಲಯದ ಬಿ.ಆರ್. ಸಿ.ಕಾಶಿನಾಥ ಸಜ್ಜನ ಮತ್ತು ಸಿ ಆರ್ ಸಿ ರಾಜು ವಿಜಾಪುರ ಗಳು ಶಾಲಾ ಕಾಲೇಜುಗಳ ಶಿಕ್ಷಕರು. ಕನ್ನಡ ಹಾಗೂ ದಲಿತ ಪರ ಸಂಘಟನೆಗಳ ಮುಖ್ಯಸ್ಥರು. ಆಶಾ ಕಾರ್ಯಕರ್ತೆಯರು. ವಿದ್ಯಾರ್ಥಿಗಳು ಇದ್ದರು.