ಮಹಾನಗರ ಪಾಲಿಕೆ ಬಜೆಟ್ ಮಂಡನೆ

೧೦೭೩೮.೯೯ ಲಕ್ಷ ರೂ.ಗಳ ಆದಾಯ ನಿರೀಕ್ಷೆ

ವಿಜಯಪುರ: ಮಹಾನಗರ ಪಾಲಿಕೆಯ ೨೦೨೪-೨೫ನೇ ಸಾಲಿನ ಬಜೆಟ್‌ಗೆ ಮಹಾಪೌರರ ಆದೇಶದಂತೆ ಉಪಮಹಾಪೌರ ಮಂಡಿಸಿ ಅನುಮೋದನೆ ಪಡೆದುಕೊಳ್ಳಲಾಗಿದೆ.
ಪ್ರಮುಖವಾಗಿ ನಗರದ ಹಸರೀಕರಣಕ್ಕಾಗಿ ಹಾಗೂ ನಗರದ ಸರ್ವತೋಮುಖ ಅಭಿವೃದ್ದಿಗಾಗಿ ಪಾಲಿಕೆಯ ಆದ್ಯ ಸೇವೆಗಳಾದ ರಸ್ತೆ, ಒಳಚರಂಡಿ, ಮಳೆ ನೀರು ಚರಂಡಿ, ಬೀದಿ ದೀಪ ನಿರ್ವಹನೆ, ಕಸವಿಲೇವಾರಿ ಹಾಗೂ ನೀರು ಸರಬರಾಜುವಿಗಾಗಿ ಅನುದಾನ ಕಾಯ್ದಿರಿಸಲಾಗಿದೆ. ಪ್ರಮುಖವಾಗಿ ಸ್ಮಶಾನಗಳ ಅಭಿವೃದ್ದಿ ಹಾಗೂ ವಿದ್ಯುತ್ ಚಿತಾಗಾರಗಳಿಗೆ ಒಟ್ಟು ರೂ.೧೫೯೪೨.೩೩ ಲಕ್ಷ ರೂ.ಗಳ ಅನುದಾನ ಕಾಯ್ದಿರಿಸಿ ಒಟ್ಟು ೧೩.೯೪ ಲಕ್ಷ ರೂ.ಗಳ ಉಳಿತಾಯ ಬಜೆಟ್‌ನ್ನು ಮಂಡಿಸಲಾಗಿಗಿದೆ.
ಆಯ-ವ್ಯಯದಲ್ಲಿ ಪ್ರಮುಖವಾಗಿ ರಾಜಸ್ವ ಸ್ವೀಕೃತಿಗಳ ಮೂಲಕ ಆಸ್ತಿ ತೆರಿಗೆ, ಕಟ್ಟಡಗಳ ಸಂಬAಧಿತ ಶುಲ್ಕಗಳು, ಘನತ್ಯಾಜ್ಯ ವಿಲೇವರಿ ಶುಲ್ಕ ಇನ್ನೀತರೆ ಸ್ವಂತ ನಿಧಿಯನ್ನೊಳಗೊಂಡು ಒಟ್ಟು ರೂ. ೧೦೭೩೮.೯೯ ಲಕ್ಷ ರೂ.ಗಳ ಆದಾಯ ನಿರೀಕ್ಷಿಸಲಾಗಿದೆ.
ಬಂಡವಾಳ ಸ್ವೀಕೃತಿ ಮೂಲಕ ರೂ.೨೬೫೨.೦೨ ಲಕ್ಷಗಳ ವಿವಿಧ ಅನುದಾನಗಳನ್ನು ನಿರೀಕ್ಷಿಸಲಾಗಿದ್ದು, ಅಸಾಧಾರಣ ಆದಾಯಗಳ ಮೂಲಕ ರೂ.೨೫೨೫.೦೦ ಲಕ್ಷಗಳು ಹೀಗೆ ಒಟ್ಟು ರೂ. ೧೫೯೫೬.೧೪ ಲಕ್ಷಗಳ ಆದಾಯದೊಂದಿಗೆ ಪ್ರಮುಖ ವೆಚ್ಚಗಳಲ್ಲಿ ರಾಜಸ್ವ ಪಾವತಿಗಳು ರೂ.೯೯೪೫.೭೩ ಲಕ್ಷ, ಬಂಡವಾಳ ಪಾವತಿಗಳು ರೂ.೩೪೭೧.೪೭ ಲಕ್ಷ ಹಾಗೂ ಅಸಾಧಾರಣ ಪಾವತಿಗಳಲ್ಲಿ ರೂ.೨೫೨೫.೦೦ ಲಕ್ಷಗಳು ಸೇರಿದಂತೆ ಒಟ್ಟು ರೂ.೧೫೯೪೨.೩೩ ಲಕ್ಷಗಳ ಪಾವತಿಗಳನ್ನು ಅಂದಾಜಿಸಲಾಗಿದೆ ಎಂದು ಮಹಾನಗರ ಪಾಲಿಕೆ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.