ಬಸಪ್ಪ ಸಾವಳಗಿ ಮುದ್ದೇಬಿಹಾಳ ತಾಲೂಕು ನೂತನ ಬಿಇಓ

ಮುದ್ದೇಬಿಹಾಳ: ತಾಲೂಕಿನ ನೂತನ ಕ್ಷೇತ್ರ ಶಿಕ್ಷಣಾಧಿಕಾರಿಗಳಾಗಿ ಬಸಪ್ಪ ಶಂಕ್ರಪ್ಪ ಸಾವಳಗಿ ನೇಮಕಗೊಂಡಿದ್ದಾರೆ.
ಹಿಂದಿನ ಬಿಇಓ ಎಸ್.ಜೆ.ನಾಯಕ ಅವರಿಂದ ತೆರವಾದ ಹುದ್ದೆಗೆ ಇವರನ್ನು ಆಯ್ಕೆ ಮಾಡಲಾಗಿದೆ.
ಸಾವಳಗಿ ಅವರು ಈ ಮೊದಲು ಬಾಗಲಕೋಟ ಜಿಲ್ಲೆಯ ಜಮಖಂಡಿ ತಾಲೂಕಿನ ಆಲಬಾಲ ಪೋಸ್ಟ್ ನ ಸರ್ಕಾರಿ ಪ್ರೌಢ ಶಾಲೆಯಲ್ಲಿ ಮುಖ್ಯ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದರು. ಶಿಕ್ಷಣ ಇಲಾಖೆಯ ಅಧೀನ ಕಾರ್ಯದರ್ಶಿ ಮಲ್ಲಿಕಾರ್ಜುನ ರಾಮಚಂದ್ರಪ್ಪ ಈ ಆದೇಶ ಹೊರಡಿಸಿದ್ದು, ತಕ್ಷಣದಿಂದ ಜಾರಿಗೆ ಬರುವಂತೆ ಕರ್ನಾಟಕ ನಾಗರೀಕ ಸೇವಾ ನಿಯಮಗಳು ೧೯೫೮ರ ನಿಯಮ ೩೨ ರ ಅಡಿ ಗ್ರೂಪ್-ಎ ಶ್ರೇಣಿ ಸ್ವತಂತ್ರ ಪ್ರಭಾರದಲ್ಲಿರಿ ಮುಂದಿನ ಆದೇಶದವರೆಗೆ ಹುದ್ದೆ ಮತ್ತು ಸ್ಥಳ ನಿಯುಕ್ತಿಗೊಳಿಸಿದ ಬಗ್ಗೆ ನಮೂದಿಸಲಾಗಿದೆ.