ಮಣ್ಣೂರ ಗ್ರಾಪಂ ಅಧ್ಯಕ್ಷರಾಗಿ ನಿಲುಫರ್ ವಾಲೀಕಾರ ಆಯ್ಕೆ

ಬಸವನಬಾಗೇವಾಡಿ: ತಾಲೂಕಿನ ಮಣ್ಣೂರ ಗ್ರಾಮ ಪಂಚಾಯಿತಿ ಅಧ್ಯಕ್ಷರಾಗಿದ್ದ ರೇಣುಕಾ ಮಸೂತಿ ಅವರ ರಾಜೀನಾಮೆಯಿಂದ ತೆರವಾಗಿದ್ದ ಸ್ಥಾನಕ್ಕೆ ಶನಿವಾರ ಜರುಗಿದ ಚುನಾವಣೆಯಲ್ಲಿ ನಿಲುಫರ್ ಬಂದೇನವಾಜ ವಾಲೀಕಾರ ಅವರು ಅವಿರೋಧವಾಗಿ ಆಯ್ಕೆಯಾದರು.
ಗ್ರಾಮ ಪಂಚಾಯಿತಿ ಅಧ್ಯಕ್ಷ ಸ್ಥಾನ ಸಾಮಾನ್ಯ ಮಹಿಳೆ ಸ್ಥಾನಕ್ಕೆ ಮೀಸಲಾತಿ ನಿಗದಿಯಾಗಿತ್ತು. ಅಧ್ಯಕ್ಷ ಸ್ಥಾನಕ್ಕೆ ನಿಲುಫರ ಬಂದೇನವಾಜ ವಾಲೀಕಾರ ಒಬ್ಬರೇ ನಾಮಪತ್ರ ಸಲ್ಲಿಸಿದ್ದರು. ಒಂದೇ ನಾಮಪತ್ರ ಸಲ್ಲಿಕೆಯಾಗಿದ್ದರಿಂದಾಗಿ ನಿಲುಪರ ವಾಲೀಕಾರ ಅವಿರೋಧವಾಗಿ ಆಯ್ಕೆಯಾದರು. ಗ್ರಾಮ ಪಂಚಾಯಿತಿ ಒಟ್ಟು ೨೩ ಸದಸ್ಯ ಬಲ ಹೊಂದಿದೆ. ಇಂದು ಜರುಗಿದ ಚುನಾವಣೆಯಲ್ಲಿ ೧೫ ಸದಸ್ಯರು ಹಾಜರಿದ್ದರು. ೮ ಜನ ಸದಸ್ಯರು ಗೈರು ಇದ್ದರು. ಕೋರಂ ಭರ್ತಿ ಇದ್ದ ಹಿನ್ನೆಲೆಯಲ್ಲಿ ಚುನಾವಣೆ ನಡೆಸಲಾಯಿತು. ಅಧ್ಯಕ್ಷ ಸ್ಥಾನಕ್ಕೆ ಒಬ್ಬರೇ ನಾಮಪತ್ರ ಸಲ್ಲಿಸಿದ್ದರಿಂದಾಗಿ ಈ ಸ್ಥಾನಕ್ಕೆ ಅವಿರೋಧವಾಗಿ ಆಯ್ಕೆ ನಡೆಯಿತು ಎಂದು ಚುನಾವಣಾಽಕಾರಿಗಳಾಗಿ ಕಾರ್ಯನಿರ್ವಹಿಸಿದ ತಾಪಂ ಇಓ ಬಿ.ಎಸ್.ಭಾರತಿ ಚಲುವಯ್ಯ ಸುದ್ದಿಗಾರರಿಗೆ ಮಾಹಿತಿ ನೀಡಿದರು. ಈ ಸಂದರ್ಭದಲ್ಲಿ ತಾಪಂ ಸಹಾಯಕ ಅಽಕಾರಿ ಶಶಿಧರ ಪಾಟೀಲ, ಪಿಡಿಓ ಎಸ್.ಆರ್.ತೋಳನೂರ ಇದ್ದರು.
ಸಂಭ್ರಮಾಚರಣೆಃ ಅಧ್ಯಕ್ಷ ಸ್ಥಾನಕ್ಕೆ ನಿಲುಪರ್ ಬಂದೇನವಾಜ ವಾಲೀಕಾರ ಅವರು ಆಯ್ಕೆಯಾಗುತ್ತಿದ್ದಂತೆ ಅವರ ಬೆಂಬಲಿಗರು, ಮುಖಂಡರು ಸಿಹಿ ಹಂಚಿ ಸಂಭ್ರಮಿಸಿದರು. ಈ ಸಂದರ್ಭದಲ್ಲಿ ಗ್ರಾಪಂ ಸದಸ್ಯರಾದ ಸುಮಿತ್ರಾ ಲಮಾಣಿ, ಮಾಂತೇಶ ಇಂಗಳೇಶ್ವರ, ರಾಜಕುಮಾರ ಮೂಲಿಮನಿ, ರತ್ನವ್ವ ತಳೇವಾಡ, ರಾಮಣ್ಣ ಹೊಸಮನಿ, ಸಂತೋಷ ಲಮಾಣಿ, ಶಾಂತಾಬಾಯಿ ಚವ್ಹಾಣ,ರವಿ ಲಮಾಣಿ. ಸುನೀತಾ ಲಮಾಣಿ, ಸುರೇಶ ಲಮಾಣಿ, ಬಸಮ್ಮ ತಳವಾರ, ರೇಣುಕಾ ಮಸೂತಿ, ಶರಣಪ್ಪ ನಾಲತವಾಡ, ಮುಖಂಡರಾದ ಬಂದೇನವಾಜ ವಾಲೀಕಾರ,ರವಿ ಲಮಾಣಿ, ಈರಪ್ಪ ಕಲಬುರ್ಕಿ,ರಾಜು ಲಮಾಣಿ, ಬಾಬು ಲಮಾಣಿ, ಹಾಜೀಲಾಲ ರಗಟಿ, ಕಾಶೀಂ ಚಪ್ಪರಬಂದ, ಯಮನಪ್ಪ ಪೂಜಾರಿ, ಶಂಕರ ಲಮಾಣಿ, ಅಪ್ಪು ಲಮಾಣಿ, ಬುಡ್ಡೇಸಾಬ ಚಪ್ಪರಬಂದ, ರೇವಣಸಿದ್ದ ನಂದಿಹಾಳ, ಸಾಬು ಹಚ್ಯಾಳ, ಮಹಿಬೂಬ ಲೋದಿ, ಬಸಪ್ಪ ಕಾರಜೋಳ, ಶಾಂತಪ್ಪ ಜುಗತಿ, ಶಂಕ್ರೆಪ್ಪ ಪೂಜಾರಿ ಇತರರು ಇದ್ದರು.